Taitus 2:7 - Nyindrou

⁷ Eme ya udu bolo lahou tam mari, kandriyen tam kudu mwasin labai, ta iri lau kanyolom ou. Ma, i buku none ou leheya iri lau, ou asehek na ndrinem ki handru le.

Taitus 2:7 Referans Kwoze

1 Pita 5:3

Aha samekes kandriyen buku none aha an bwena tiri bonyo-ou, ma lau ndrahu so-ok, ya aha banuhun sahou tiri lau nane Kindrei ndratehei iri ndrawek bahandra aha ta atondrok bwe. Arile, aha kamekes le iri kandriyen mwasin, ma aha kasahan buku none iri lau an bwena ta leheya san mwasin ili tiri lau.

1 Timoti 4:12

Lau badeh, satehei budon sandra-i anya ou ma loweu le, bwe. Arile, ou badeh, asahan i buku torowe mwasin ta mada lau, ta bolo sehek sahou tam, ma ta bolo tekedek tam. Ma ou ale asahan ta aseben lau mari hawe budon tam ki lewen. Ma hawe ou badeh, ki buku torowe handru ta mada lau ta san ta budon handru.

Pilipai 1:10

Ya eme san le doh kameh ado winiyan atana ado, ta saba kandriyen mwasin handru, i buku sah ta bolo kandriyen mari. Ma hawe lau kameh winiyan tiye ado ta asehek sahou handru, ma winiyan batiye ado ta aliy bwe, winiya le len ta Krais barasahan.

2 Korin 4:2

Ma ale, ahi badeh, bawendreya iri mwan ma badih, o tobolowe sahou ili randrah ja bwe. Ahi ba-en hamon tiri kandriyen ta adeu bwilima i ta nyara Kindrei bwe. Ahi badeh, atiye sahou handru ta Kindrei ili tiri mwan ma badih marakon, ma iri winiyan anuhun. Ta kandriyen doh, ahi leheya iri, kandriyen tahi mwasin, ma iri winiyan atanan gok ahi amekes dah, idoh ale mwasin udu mada Kindrei.

2 Korin 1:12

Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.

2 Tesalonaika 3:9

Aso badeh, winiyan ndremenya aha ta aseben aso, arile aso abo gok ta aseben aso le, ta aha kanyolom ma ka-en hamon ta aliy.

Epesus 6:24

Jo aso-ok Kindrei kamekes kandriyen mwasin kili tiri mwan ma badih nane baruwani kandriyen ta aso-ok handru, Laban tataha Jises Krais.

2 Korin 2:17

Ahi aposel badeh, bala buku iri lau solo-an ala rakon, rakon ta atiye sahou ta Kindrei bwe. Iri amekes i buku doh ta ariu luk tiri mwan ma badih rayah, ma iri winiyan ado mwasin. Ahi aposel badeh, bwe. Ahi akohok gok dah badu mine Kindrei amwenen, ma ahi bawendreya laleyah bwe. Ndrine ahi badeh, udu mwasin hawe Krais, ma ta mada Kindrei ahi badeh, atiye amwenen iri sahou tan mene iy edeu eme tahi.

2 Korin 8:8

Jo batiye ta aha katukum luk ma kadeu bwe. Jo asehek ta gok dah, iri lau ta Kindrei mwan ma badih badu kon tinan Masadoniya, iri sekesek ta amekes. Tasah, jo anya kanone aha, ma jo anya ki tanan tikisiy taha handru, o boho aha le.

1 Timoti 5:10

Ma iri badeh, nyara iri bandra-i bwe, hawe iri badeh, mene ta leheya nadu iri ta kandriyen mwasin. Ya eme mesekei iri lau badu leheleh badeh, adah asiu. Ma iri badeh, mene badih ta leheya kandriyen mwasin, i buku none lohowan sikine kati iri lau ta Kindrei. Ya ma iri ale badeh, aseben iri lau ado ta maha-an, ma iri atehei ndrine iri badeh, i ta kandriyen mwasin.

Taitus 3:8

Eme sahou, jo tiye tam dah badeh, handru. Ou ales ya asehek sahou boto-on ki toro lau ala ndratehei budon toro handru ndra ta Kindrei badeh. Eme ma oro katehei budon toro ki ta amekes kandriyen mwasin. Eme ya leheya dah badeh, mwasin labai ta aseben lau mari.