Taitus 2:5 - Nyindrou

⁵ Ma oro katiye oro katondrok bada oro kudu mwasin ta oro sakohok mwan ari ja. Ma hawe oro ka badih ta gok ma kaleheya oro ta kanuhun boho udu oro. Ya eme, lau badeh, sabobose sahou ta Kindrei.

Taitus 2:5 Referans Kwoze

Kolosi 3:18

Ya, aha badih tasou, aha badeh, kanuhun boho udu aha iri, ma ka-en hamon tiri. Tasah, aha ta Laban ma kandriyen dah badeh, amwenen labai ta madan.

1 Timoti 5:10

Ma iri badeh, nyara iri bandra-i bwe, hawe iri badeh, mene ta leheya nadu iri ta kandriyen mwasin. Ya eme mesekei iri lau badu leheleh badeh, adah asiu. Ma iri badeh, mene badih ta leheya kandriyen mwasin, i buku none lohowan sikine kati iri lau ta Kindrei. Ya ma iri ale badeh, aseben iri lau ado ta maha-an, ma iri atehei ndrine iri badeh, i ta kandriyen mwasin.

Jenesis 3:16

Ano iy tiye i ta i badih, “Jo kameh amwekes isi labai i buku nah ere ndrinem ma i dah kameh jo edeu sisi-in i buku ou anya adeu nah. Ya ta i doh kameh ou kameh anya udum sala len, arile i mwan le badeh atondrok ou.”

Epesus 5:33

Arile, iy tiye i buku doh ale ewek taha lau mwan ari, ari, “Aha badeh, kaso-ok udu aha iri, i buku le aha aso-ok bada aha amwenen.” Ma iri badih ale badeh, katudun nyara udu iri.

Aposel 9:36

Ya udu kon Jopa badeh, badih ari nyaran Tabita (i boho Grik badeh, aloh iy Dokas). Iy badeh, badih ari ta in hamon ta Kindrei. Eme na len mari, iy amekes kandriyen mwasin i tiri lau, ma iy aseben iri lau, tiri lakou bwe.

1 Timoti 6:1

Budon tiri lohowan mari badeh, iri kamekes ki ta lau ta atondrok iri badeh, ki buku doh: Saba lahou ndramak ta atondrok iri katiye iri kamekes badeh, ndra iri kamekes le, tasah kandriyen doh badeh, mwasin. Ya, ki buku none iri katebelese, badeh kameh, iri lau kameh bobose nyara Kindrei, ma hawe leheya ta to ale.

1 Korin 14:34

Buku iri lau mwan ma badih ta Kindrei atukum a se, iri badih badeh, winiya bamekes sahou bwe. Iri kandru-uk le ai. Iri lau ta Kindrei tataha rayah kede-eh badeh, amekes i buku le aliy. Iri badih badeh, winiya basahan kabin ta lau ta Kindrei bwe. Iri kare le bahandra tondrok tiri mwan, i buku le sahou batanau iri Juwis ndrasehek.

1 Korin 11:3

Na len dah jo aso-ok aha katanan ale ta sahou dah: Iri lau mwan marakon badeh, are bahandra tondrok ta Krais le ari. Ya iri badih badeh, are bahandra tondrok ta udu iri. Arile Krais badeh, udu bahandra tondrok ta taman Kindrei.

La-ukei ta Pol atorou ili tiri lau badu kon Rom 2:24

I buku none ndratorowenei anya, “Na ou le badeh, iri lau badu leheleh bobose nyara Kindrei.” Aisaya 52:5; Isikiyel 36:22

Aposel 9:39

Eme Pita i hawe uru, ya oro ame asos le badeh, oro kuhi iy iu ili bolo asiu loken. Ya iri badih nyau mari awudi iy, ya iri aden, ma leheya i tan iri awin lawe-en hawe awin rayah ja Dokas amekes, na len i bamak bwe le.

Jenesis 18:9

Eme oro ndremenya iy, “Udum Sara ndraheh?” Eme iy anya eh, “Iy udu bolo asiu balei.”

La-ukei ta Pol atorou ili tiri lau badu kon Rom 14:16

Ya, buku ou abudon anya, “Lakou doh mwasin, jo winiyan ta amekes ai,” arile ou abudon amwenen op! Kora-on lakou ou amekes doh kasahan ndra-in udu bolo budon ta ndramak ari ja.

Taitus 2:4

Ano oro badeh, ki badih winiyan ta leheya iri badih tasou bolohau ta kanuhun ma kaseken udu iri, ma hawe kaseken nadu iri.