Taitus 2:3 - Nyindrou

³ Eme ou leheya oro badih en ki le buku aliy. Oro badeh, kandriyen toro ki mwasin i buku badih ta Laban. Oro badeh, sasehek lau ma hawe oro sala badih ta a-un gwa boto-on i buku nyamon toro. Oro badeh, ki badih ta leheya lau ta kandriyen mwasin.

Taitus 2:3 Referans Kwoze

Taitus 2:4

Ano oro badeh, ki badih winiyan ta leheya iri badih tasou bolohau ta kanuhun ma kaseken udu iri, ma hawe kaseken nadu iri.

1 Timoti 3:11

Ma udu oro badeh, kandriyen toro ki mwasin, ma oro sasehek sahou ndra-in sala bada ndramak ari ari. Oro badeh, sala badih ta a-un gwa boto-on, ma oro badeh, kasehek sahou handru le ta bolo lahou mari.

Taitus 1:7

Eme ya, ndramak ta atondrok iri lau ta Kindrei, hawe ta ateu lahou ta Kindrei badeh, kandriyen tan kudu mwasin, ta iri lau badeh sasehek iy. Ma iy badeh, sabudon anya, iy ndra ari ai. Ma iy badeh, sala ndramak ta ndrinen ato-ou suwi ta losen, ma hawe iy badeh, sala ndramak ta a-un gwa boto-on solo-an. Ma hawe iy sala ndramak ta akeh lim suwi, ma hawe iy sala ndramak ta ndrakok.

1 Timoti 3:8

Ya oro lau ta seben badu bolo iri lau ta Kindrei badeh, kandriyen toro ki mwasin labai, ma oro badeh, sala ndramak ta wasai. Oro sa-un gwa boto-on solo-an, iri aloh waen, ma oro samekes ndrakok ta luk toro.

La-ukei ta Pol atorou ili tiri lau badu kon Rom 16:2

I buku none iy kasahan hawe aha, jo aseken aha kasumon iy hawe kakuhi iy kewek hawe aha, ki san ta Laban i buku lau ta Kindrei ala amekes kede-eh. Ya sasah iy aseken ta aliy, aha kaseben iy. Tasah iy mene ndraseben iri lau solo-an solo-an ndra-au ma hawe jo ale.

Epesus 5:3

Eme ma, kandriyen ta karei, ma lomondra ndra-in marakon, ma hawe kandriyen ta madalakis sasahan ndrokowa aha. Aha mwan ma badih ta Kindrei, kora-on aha kasihi san tiri mwan ma badih, korou sahou kewek taha amekes kandriyen i buku doh.

Rebelesen 2:20

‘Ya, lakou mara-ei aha amekes badeh, mwasin. Arile, jo basekesek ta lakou ari aha amekes bwe. Aha badeh, andrei Jesebel ewek udu hawe aha, iy badih doh, leheya kandriyen rayah ndra-in i taha mwan ma badih ta amekes gok tek. Ya, iy badeh, ndrawendreyani iri, ma iy anya iy le badeh, propet. Arile, iy ibo gok ta leheya iri mwan ma badih tek ta a-en hamon ta kandriyen ta karei ma aimon nyamon nane iri adeu i ta salom ta kindrei ta wasai iri amekes na sukumada kei.

Hiburu 5:12

Aha akohok tanan badeh, luluwen labai, eme ma Kindrei aso-ok aha kaleheya iri rayah ja ta sahou tan. Arile aha winiyan bwe, aha aso-ok ari ndramak kudu ndra hawe aha kaleheya aha ta sahou handru ta Kindrei mara-ei kili hamon ja. Akohok kon ta nyamon boto-on, aha aso-ok ta a-un sur kahis.

1 Timoti 5:23

Ou badeh, mene abo sik san solo-an, eme ya ou sa-un gwa laleyah, ou badeh, a-un sese waen ki hawen ta amekes ndrinem kudu mwasin.

La-ukei ta Pol atorou ili tiri lau badu kon Rom 1:29

Eme iri badeh, ndradah ta kandriyen ndra-in mari. Iri adah na kandriyen ta aseken lakou tiri rayah. Iri amekes budon ta amekes isi i tiri lau. Iri amekes madalakis i tiri lau, iri andra-i i la-u iri lau, ma adai iri lau amak. Iri sokolowa ta katehei budon tiri ki ta lakou handru bwe. Iri bahana sahou ndra-in asehek i tiri lau. Iri asehek sahou ta wasai tiri lau udu ndranye lau mari.