Taitus 2:13 - Nyindrou

¹³ To mari badeh, kandriyen tato ki le buku doh na len mari. Tasah, to abe-en lakou kameh eme, eme ma lakou doh kameh mesekei to sekesek ta aliy. Lakou to abe-en doh badeh, Jises Krais ta aseben taha, iy kameh eme, ma hawe lomadan tan. Iy badeh, Kindrei tataha, iy Kindrei boto-on labai, ma iy le badeh, mene sebenei taha ado bolo kandriyen ta karei ma lomondra ndra-in ame hamon.

Taitus 2:13 Referans Kwoze

2 Timoti 4:8

Ya, ndramas ari udu aliy abe-en jo. Ndramas doh i buku barak ari ta kandriyen mwasin labai jo ndramekes ta bolo nyorei. Laban badeh, anuhun sahou ta lau amwenen labai, ma udu ta len ta sahou, iy kameh edeu barak doh eme tek, ma i tare lau ja nane atehei budon tiri in ta anyolom iy eme hamon ja.

1 Korin 1:7

Ta idoh le, aha barah ta ari nyosowan ta Malawin Ndrabun bwe. Aha ado le ta atondrok len ta Laban tataha Jises Krais eme hamon ja, ma ta iy edeu iri lau badu kon munyak ala ta sahou.

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Taitus 1:2

Eme ya, ta tanan handru doh badeh, oro winiyan atanan oro udu mwasin ta koha oro winiyan ta bano bwe. Ma oro winiyan atanan udu mwasin labai ta Kindrei badeh, ndramak ta wasai bwe. Eme ya udu ndra bada katin, ta lakou mari basahan bwe le badeh, Kindrei tandrakan iri lau tan kameh winiyan bamak bwe. Iri kameh ado hawen udu le buku doh.

Tarou ta Mak 14:62

Eme Jises anya, “Ehe, jo adeh badeh. Ya idah kameh aha anyolom Nadu Ndramak Awas kameh manyah udu loboho lim salin ta Kindrei iy boto-on labai, iy kameh udu bwele-e asi jor badu kandrah eme.”

Hiburu 9:28

I buku le Krais amwenen atehei iy san rasan le i nyara salom ili ta Kindrei ta talou iri kandriyen ndra-in ta lau solo-an. Hamon kameh iy eme kon munyak ja. Arile, iy eme ta bwese ndra-in tataha ja bwe. Iy eme doh ta aseben ma ta akohok iri lau nane atondrok iy, ame hamon hawen.

2 Pita 3:18

Arile, ado badeh, kandriyen ta tikisiy kudu tado badeh, kasahan ki tinan ma hawe kandriyen ta atanan Laban tataha Jises Krais, ndramak ta aseben taha, kudu tado ki tinan ale. Ya eme taha kasore nyaran ma katudun iy na len dah ma hawe na len eme, kudu le buku doh! Handru.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

La-ukei ta Pol atorou ili tiri lau badu kon Rom 15:13

Ya jo aseken Kindrei, ndramak ta edeu lakou mwasin, kamesekei bolo oda aha kidih na sekesek, ma hawe oda aha kudu mwasin ki-in hamon ta budon taha handru in tan. Ya eme ma budon taha kameh abadok ta anyolom bohon i bwena ta lakou mwasin na boto-on ta Malawin Ndrabun.

La-ukei ta Pol atorou ili tiri lau badu kon Rom 5:5

Handru, taha atondrok Kindrei ta aseben taha. Taha winiyan babe-en laleyah bwe, winiyan bwe-en! Tasah, Kindrei ndratehei Malawin Ndrabun ndrame. Eme ma Malawin Ndrabun ndranyuhi kandriyen ta Kindrei ta aseken labai iri lau ndrame ndrine taha.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

1 Pita 1:7

Iri maha-an doh badeh, ta none iri budon taha le. Idoh i buku none le bek nyikilikin iri aloh gol; gol doh badeh, lakou ari mwasin labai. Arile, iri asun na jih ta none gol handru deh, bwe. Ma iri budon tataha badeh, sakalawi gol nane ja. Tasah, gol kameh andra-i. Handru, budon tataha badeh, buku none gol nane, arile Kindrei badeh, baso-ok gol nane bwe. Tasah, gol badeh, lakou badu kon munyak, ma gol kameh andra-i. Arile, Kindrei aso-ok budon taha boto-on ki-in tan. Eme ma, iy ndraruwani minen sese ta la-u taha, ma iri maha-an solo-an ndrasahan taha. Idoh, ta none aha le, buku aha an hamon ta Krais deh bwe. Na len Jises eme hamon, iri lau mari badu kon munyak kameh anyolom iy. Ma, i buku none aha ndratehei budon taha boto-on in tan, iy kameh kuhi aha ala bolo nyosowan mwasin. Ma iy kameh sekesek taha handru, ma bwese-ei nyara aha ili loken handru.

1 Pita 1:3

Taha badeh, katudun nyara Kindrei, iy badeh, tama tinan tataha Jises Krais. Iy badeh, tikisi taha tinan labai, ma iy sebenei taha i buku doh: Iy badeh, mene mete-ei Jises Krais amak eme awas ja. Eme ma, na san le doh, taha are awas kahis ta atondrok Kindrei ta akohok taha ta ala ado hawen.

2 Timoti 4:1

Krais Jises kameh eme hamon ja, ma iy asahan kabin ta atondrok iri mwan ma badih marakon. Ma iy ale kameh aleben iri lau are ndra awas ma iri lau ndramak bwena. Jo abudon ta aliy, ma Kindrei hawe Krais Jises, uru anyolom jo, eme ma jo tiye sahou boto-on ewek tam i buku doh:

2 Korin 4:6

Ehe, ahi atiye sahou ta Jises. Tasah, bwena mene Kindrei bwidi munyak dah anya, “Sun kanya bolo lulik.” Jenesis 1:3 Kindrei amwenen doh irek labai ta sun, ma iy akohok ahi ame hamon ja. Jises Krais, iy le sun doh udu ndrine ahi. Eme ma sun doh aseben ahi leheya iri mwan ma badih, Kindrei i buku sah handru.

Aposel 24:15

Jo in hamon ta Kindrei, iri lau nane atehei jo ili ta mada sahou badeh, a-en hamon tan ale, ma ahi atondrok, len hamon Kindrei kameh mete-ei iri lau mwasin, ma hawe iri lau ndra-in mene ndramak, kameh amak ame awas ja.

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

Rebelesen 1:7

Aha kanuhun! Jo atou iy anya keme badeh, udu bolo asi kandrah, ma iri mwan ma badih mara-ei kameh anyolom iy na mada iri amwenen, ma hawe iri mwan ma badih mara-ei badu Isra-el bwena mene orowei kabede Jises Krais na nyah ma tatahi iy i bada kei tondreh. Iri lau doh kameh anyolom iy ale. Iri lau mwan ma badih mara-ei badu kon munyak kameh abudon solo-an labai ta aliy, ma iri kameh a-um ade iri amwenen, ma aden i ndra-in labai. Ma, iri lakou mara-ei doh kameh asahan. Handru.

Taitus 3:4

Arile, na len ta tikisiy ta Kindrei, ndramak ta aseben taha asahan kameh,

Kolosi 3:4

Krais le badeh, kati koha taha handru. Buku len hamon, iy asahan eme lewan, lau marakon winiyan anyolom iy amwenen, ma iri kameh anyolom aha ale are le lewan hawen, ma aha kameh, akohok lomada Kindrei doh.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

1 Jon 4:14

Tama taha ndratehei nadun ndrame ta akohok taha lau mari badu munyak. Ahi aposel ndratou lakou doh kabwe. Ma ahi asehek nyala aliy i ta ndramak ari ja.

Metiu 26:64

Jises asumon bohon anya, “Ou ndrasehek badeh kabwai. Arile jo tiye tado, hamon kameh ado anyolom Nadu Ndramak Awas kameh manyah udu loboho lim salin ta Kindrei iy boto-on labai, ya iy kameh udu bwele-e asi jor badu kandrah eme.”

Metiu 25:31

Jises asehek sahou ili ja anya, “Na len Nadu Ndramak Awas eme ma lomadan, iri angelo tan ale ereu hawen, iy kameh manyah ereu koyeu tan lomadan handru.

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

2 Tesalonaika 2:8

Na len doh, iy ndramak ta balik kameh asahan eme lewan. Ma iri lau marakon kameh atanan iy. Arile, hamon kameh, Laban Jises eme ja, ma hawe lomada sun tan tinan labai, ma iy kameh idi ndramak ta balik nane na jor ta bohon le amwenen. Ma iy kameh amekes iy ndramak doh asahan lakou laleyah.

Kolosi 1:27

Ma Kindrei anya kaleheya taha mwan ma badih tan, ta taha katanan: Sahou aton doh badeh, mwasin labai, ma winiyan aseben iri lau badu Isra-el, ma hawe taha mwan ma badih badu rakon ja ale. Ma sahou aton doh buku: Krais badeh, kohan udu bolo aha, ma aha atondrok iy keme kakohok aha kala kare kandrah hawen.

La-ukei ta Pol atorou ili tiri lau badu kon Rom 8:18

Balek lomondra ta maha-an hawe sisi-in taha bwese na len dah badeh; lakou nadu bwisik labai ta manyah mwasin ma lomadan kameh eme, iy leheya eme tataha.

1 Timoti 1:1

Jo Pol: Jo badeh, aposel ari ai, ta Krais Jises. Idoh badeh, asahan na sahou boto-on ta Kindrei, ndramak ta seben taha ma hawe Krais Jises, iy ndramak ta taha katehei budon handru ki tan.

2 Timoti 1:2

Timoti, ou badeh, buku naduk handru, ta lakou ta Kindrei, eme ma, jo atorou la-ukei ramen ja dah ewek tam. Jo aso-ok tama taha Kindrei hawe Laban tataha Krais Jises, uru mala-uh katikisi ou ma katondrokei ou, ma kabwidi ou ado mwasin.

Taitus 1:4

Eme ya la-ukei dah badeh, jo atorou ewek tam, Taitus, tasah ou badeh, i buku naduk handru. Ou badeh, budon tam handru badeh, i le buku tek. Eme ya tikisiy ma mondrei ta tama taha Kindrei hawe Krais Jises ndramak ta aseben taha, kudu hawem.

La-ukei atorou Jut 1:21

Kindrei aseken aha handru, ya aha katehei aha kado ndra mirihik ta so-ok tan, buku aha abe-en ta tikisiy ta Laban tataha Jises Krais atiye kohan handru ta udu le buku doh ewek taha.