Taitus 2:11 - Nyindrou

¹¹ Katin ta ou leheya, ma batanau iri lau ta Kindrei, ka-en hamon ta kandriyen doh badeh, asah i buku doh: Na tikisiy ta Kindrei le, eme la-u taha mari badeh, mesekei iy suni Jises Krais eme munyak, ta sikine karei ma lomondra ndra-in tataha.

Taitus 2:11 Referans Kwoze

1 Timoti 2:4

Tasah, iy aseken lau mari samak ma lau katanan sahou handru.

Epesus 2:8

Lakou doh, aha amwenen mene bamekes bwe. Kindrei edeu laleyah ewek taha. Aha mene atehei le budon handru in ta Krais, ma na so-ok ta Kindrei le amwenen, iy andrei aha ame hamon ja.

Hiburu 2:9

Arile taha ndranyolom Jises, iy akohok boto-on tan. Bwena mene iy udu bahandra tondrok tiri angelo luluwen bwe, iy imek ta akohok kon ta lau marakon, ma tikisiy ta Kindrei kameh winiyan sebenei iri lau marakon. Jises bwese maha-an tataha tinan labai ma iy imek. Arile na dah, Kindrei ndrasuruni iy, ma ndratehei lomadan nyaran ndra tinan labai udu bwele-e iri lakou marakon.

Epesus 2:5

Eme ma, iy mete-ei taha asahan ame awas hawe Krais. Ya, Kindrei bwidi kandriyen mwasin eme tataha, ma iy andrei taha ame hamon.

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

La-ukei ta Pol atorou ili tiri lau badu kon Rom 5:15

Arile, kandriyen ndra-in ta Adam nane iy amekes, ma tikisiy ta Kindrei bala le randra bwe. Winiyan bwe-en! Kandriyen ndra-in ta ndramak ari le badeh, eme bwidiy, ma iri lau mwan ma badih solo-an amak. Arile, boto-on ta tikisiy ta Kindrei badeh, udu bwele-en labai ja ta boto-on ta imek, ma asahan solo-an labai ja ta iri mwan ma badih. Ta tikisiy ta ndramak ari le nyaran Jises Krais, Kindrei badeh, bwidi taha asahan lau mwan ma badih mwasin labai ta madan, ma idoh ndramas ari mwasin labai iy edeu eme tataha.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Aposel 11:23

Ya eme na len iy isos badeh, iy sekesek tasah iy anyolom Kindrei atehei nyosowan i tiri, ma iy tiye iri mari kado handru le ta Laban na ndrine iri mari.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Tarou ta Luk 3:6

Ya eme iri lau mari kanyolom ndramak ta seben ta Kindrei.’ ” Aisaya 40:3-5

1 Timoti 1:14

Tikisiy ta Laban i tataha badeh, amou handru eme bwele-ek, eme jo atehei budon tek handru i ta Krais Jises, ma jo atehei ndrinek mari i tan. Ya taha are lau ahas hawe Krais badeh, kandriyen doh, kudu tataha.

La-ukei ta Pol atorou ili tiri lau badu kon Rom 5:2

Jises badeh, ndrasihi san ta taha lau mwan ma badih atehei budon in ta Kindrei, eme ma taha kameh winiyan ala bolo tikisiy tan, na idah taha areu aliy. Ma taha atondrok Kindrei ta akohok taha, idah kameh taha manyah ado lomadan tan mwasin ado kandrah. Ma idoh bwidi taha sekesek ta aliy.

Galesiya 2:21

Eme ma, jo winiyan bakahei tikisiy ta Kindrei bwai. Buku iri batanau mene Kindrei edeu ili tiri lau badu Isra-el, idoh winiyan sebenei taha ta mada sahou ta Kindrei hamon, buku handru eh, Jises winiyan bamak ta aseben taha bwe. Iy badeh, imek laleyah le. Arile, jo winiyan baruwaniy kandriyen ta tikisiy ta Kindrei nane jo in hamon ta aliy bwai.” Eme ma, jo asehek nyala Pita ta aliy.

2 Korin 6:1

Ahi aposel badeh, abo gok hawe Kindrei, ma ahi tiye sahou boto-on ewek taha i buku doh, “Aha badeh, ndrakohok tikisiy ta Kindrei. Eme ma, kora-on aha karuwani laleyah.

Aposel 13:47

Tasah, idoh badeh, sahou ta Kindrei batanau aru ta aliy, i buku doh: ‘Jo badeh, atehei ou i buku sun anya lomada iri lau badu leheleh, ma ou ki nyara bohok kaseben iri lau badu bolo munyak mari.’ ” Aisaya 49:6

Aposel 13:43

Eme ma, iri lau au, arile iri Juwis hawe iri lau badu leheleh mene ndra-en hamon ta kandriyen tiri Juwis badeh, a-en hamon ta Pol uru Banabas. Uru aposel ame batanau iri i buku doh, “Aha badeh, kabadok ta bolo manyah mwasin ma tikisiy nane Kindrei ndratehei ndrame tataha.”

Tarou ta Jon 1:9

Iy le ari doh badeh, iy Sun handru, iy eme bolo kon munyak, ta edeu lomadan ili tiri lau marakon.

Tarou ta Luk 24:47

Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari.

Tarou ta Mak 16:15

Eme ma iy tiye i toro i buku doh, “Ado kala bolo kon munyak mara-ei badeh, katiye sahou mwasin doh ki tiri lau mari.

Metiu 28:19

Ado kala kon mari, ya kamesekei iri lau mari kasahan lau tek, ado kalomwa iri na nyara tama, ma nadun ma hawe Malawi Ndrabun.

Hiburu 12:15

Aha katondrok aha kamwenen, kora-on aha katehei kona aha kili ta tikisiy ta Kindrei mene edeu eme tataha. Tasah, kora-on ari mwan, o, ari badih kamekes kandriyen ndra-in kili buku doh, ma katehei maha-an kewek taha, ma aha kamekes kandriyen ndra-in kili ta budon ta Kindrei. Iri mwan, o iri badih doh, i buku ra-ei kei ato-ou salin nyakadan, ma iy kameh kabwidi kandriyen tiri lau ta Kindrei solo-an labai kandra-i.

2 Timoti 4:17

Arile, Laban ndrame ndrales ndrare hawek, ma iy atadau jo. Eme ma, jo mene winiyan atiye iri sahou mwasin marakon, ma iri lau badu leheleh marakon winiyan anuhun. Ma Kindrei mene aseben jo, ma iy andrei jo eme len ta sahou laba tinan doh. I buku iy ndraruwi jo ndrame len ta lihi layon.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

La-ukei ta Pol atorou ili tiri lau badu kon Rom 10:18

Ya eme jo lelen i buku doh, iri ndranuhun sahou mene deh bwe? Ehe, iri ndranuhun oh! Buk ndrabun tiye, “Sahou badu boho oro ndraseker bolo munyak mari, ma sahou badu boho oro, lau badu len loboho heh, loboho heh ndranuhun kabwe.” Wari 19:4

Aposel 17:30

Len bwena mene, Kindrei anyolom lau badeh, bala tanan iy bwe, ya iy batiye iri ta lakou iri amekes laleyah bwe. Arile, na len dah ja, iy batanau lau mari badu heh, badu heh badeh, katubuni ndrine iri.

2 Timoti 1:10

Arile, na len nane kada-ah, Krais Jises iy ndramak ta akohok taha ame hamon badeh, ndrasahan ndrame lewan. Ma ta gok doh badeh, iy amekes tataha, tikisiy ta Kindrei badeh, ndrasahan ndrame lewan mara-ei. Krais Jises mene apwai boto-on ta imek, tasah taha amak badeh, malawi taha bandra-i bwe. Buku taha anuhun sahou tan mwasin ma atehei budon in ta aliy, taha kameh winiyan akohok kohan handru ta udu le buku doh, ma bada taha winiyan bandra-i bwe.