Taitus 1:7 - Nyindrou

⁷ Eme ya, ndramak ta atondrok iri lau ta Kindrei, hawe ta ateu lahou ta Kindrei badeh, kandriyen tan kudu mwasin, ta iri lau badeh sasehek iy. Ma iy badeh, sabudon anya, iy ndra ari ai. Ma iy badeh, sala ndramak ta ndrinen ato-ou suwi ta losen, ma hawe iy badeh, sala ndramak ta a-un gwa boto-on solo-an. Ma hawe iy sala ndramak ta akeh lim suwi, ma hawe iy sala ndramak ta ndrakok.

Taitus 1:7 Referans Kwoze

2 Pita 2:10

Ya idoh kameh, asahan i handru i toro lau heh amekes kandriyen ta karei ta amadin bada oro, ma tebelese sahou i tiri lau ta atondrok oro. Iri lau ta leheya tanan ta wasai badeh, winiyan banoh, ma iri winiyan banuhun ari ndramak, ma babwerei ta aluhe iri lakou badu kandrah, bwe.

Epesus 5:18

Aha sa-un waen solo-an ta amekes aha abo lolo-ou. Arile aha badeh, kadih mara-ei na le Malawin Ndrabun.

1 Pita 5:2

Aha katondrok iri lau ta Kindrei kamwenen. Iri asahan buku none sipsip ereu mine aha, ma iri an hamon ta sahou taha. Eme ma aha kasekesek ta amekes gok doh buku none le Kindrei aso-ok aha ta amekes. Aha sa-en hamon ta budon ta ndramak ari ja, ya aha sabo gok ta akohok le luk, ndri-iy. Aha katehei budon ta amekes gok ta Kindrei handru.

1 Pita 4:10

Aha ari, ari, ndrakohok ndramas na Malawin Ndrabun ta Kindrei. Eme ma, aha kamekes gok na ndramas nane, ta aseben lau ari ja ta Kindrei. Tasah, aha badeh, ndrasahan lau ta atondrok iri ndramas ari ari ta Kindrei nane.

Tarou ta Luk 12:42

Eme Jises tiye i hamon ja anya, “Are lau iy mwasin ta gok, ma iy budon mwasin? Iy don adeh, tinan tan kameh atehei iy ta atondrok iri lau tan ra-on ja an bahandran ta adeu niri nyamon na len ari, ari, iy le tanan.

Taitus 2:3

Eme ou leheya oro badih en ki le buku aliy. Oro badeh, kandriyen toro ki mwasin i buku badih ta Laban. Oro badeh, sasehek lau ma hawe oro sala badih ta a-un gwa boto-on i buku nyamon toro. Oro badeh, ki badih ta leheya lau ta kandriyen mwasin.

Taitus 1:5

Katin ta jo anya, ou ado busu Krit ado gwek sese badeh, ta ou badeh mesekei lahou doh kano, ma kabadok, ta aliu budon toro kamwenen ja. Eme ya ou leheya iri lau rayah badeh, ma ou adeu iri kasahan batun ta atondrok iri lau ta Kindrei badu kon ari ari. I buku none jo mene ndrasehek tam ndra-au.

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Metiu 24:45

“Are lau iy mwasin ta gok, ma iy budon mwasin? Iy don adeh, tinan tan ndratehei tondrok tiri lau tan ra-on ja ndra-en bahandran ta adeu niri nyamon na len ari ari, iy le tanan.

Jenesis 49:6

Jo winiyan bawek hawe ah ta sahou kamu ta ah bwe. Ma jo winiyan bawek hawe ah na len ta asehek sahou bwe. Eme na losen ta-ah ma i dah kameh ah kameh atokos kati iri katin haka hawe amundroh lau leleyah.