Taitus 1:3 - Nyindrou

³ Ano na len ta aliy asahan badeh, Kindrei, ndramak ta aseben taha atehei sahou dah eme kanik. Ma na le sahou jo tiye doh badeh, mesekei budon tiri lau mari aleu ta nyala Krais.

Taitus 1:3 Referans Kwoze

1 Timoti 1:11

Sahou handru ta lomadan hawe nyosowan ta Kindrei badeh, udu bolo sahou mwasin tan, eme iy badeh, atehei eme kanik ta atiye.

1 Timoti 1:1

Jo Pol: Jo badeh, aposel ari ai, ta Krais Jises. Idoh badeh, asahan na sahou boto-on ta Kindrei, ndramak ta seben taha ma hawe Krais Jises, iy ndramak ta taha katehei budon handru ki tan.

Taitus 2:10

Ma hawe oro sakolowa lakou ta lau oro are bahan, sakolowa lakou ari ari sa-au le. Arile, oro badeh, ka lau mwasin ta tiye sahou handru le, ta mada lau mene oro are bahan, ta iy winiyan babwerei oro bwe. Kandriyen toro bonyo-ou badeh, i buku le doh. Eme ta kandriyen mwasin oro amekes doh kameh lau anyolom, ma atanan ta leheya ta Kindrei, ndramak ta akohok taha ado bolo kandriyen ta karei ma lomondra ndra-in, ame hamon.

Taitus 2:13

To mari badeh, kandriyen tato ki le buku doh na len mari. Tasah, to abe-en lakou kameh eme, eme ma lakou doh kameh mesekei to sekesek ta aliy. Lakou to abe-en doh badeh, Jises Krais ta aseben taha, iy kameh eme, ma hawe lomadan tan. Iy badeh, Kindrei tataha, iy Kindrei boto-on labai, ma iy le badeh, mene sebenei taha ado bolo kandriyen ta karei ma lomondra ndra-in ame hamon.

1 Timoti 4:10

To asa-ar dah badeh, tasah to abudon boto-on in ta Kindrei. Ma iy ale ta aseben lau mari. Arile, ma hutuwen labai ki toro are atehei budon handru in tan. Tasah, iy badeh, ta ano bwe.

1 Timoti 2:3

Idoh mwasin labai ma amekes Kindrei ta seben taha, kameh sekesek.

1 Tesalonaika 2:4

Kindrei badeh, ndranone aso, eme ma iy sekesek le ta atehei gok eme taso ta atiye sahou mwasin. Eme ma, aso asehek ewek taha. Arile, aso winiyan basehek sahou bala tiri lau ta iri kaso-ok gok taso bwe. Aso atiye sahou kede-eh ta amekes Kindrei kasekesek ta gok taso mwasin, tasah Kindrei le amwenen tanan bolo ndrine aso, iri lau mari bwe.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

Epesus 2:17

Iy mene eme kon munyak ta atiye sahou mwasin i buku doh: “Na dah aha mwan ma badih marakon, ndrine aha winiyan udu mwasin.” Ya, iy ndratiye sahou mwasin doh ndrawek taha lau nane tanan batanau ta Kindrei bwe, ma iri lau badu Isra-el doh tawi batanau ta Kindrei ma tanan ta aliy.

Galesiya 4:4

Eme na len ta aliy amwenen asahan, Kindrei suni nadun amwenen eme. Iy asahan eme len ta badih awas eme udu baha kandriyen ma batanau malen tiri lau badu Juwis.

1 Korin 9:17

Buku jo atiye sahou mwasin, tasah jo le aso-ok ta atiye, jo kameh akohok ndramas ta aliy. Arile, buku Kindrei ndratehei jo, mwasin, idoh gok ta Kindrei atehei eme tek ta jo kamekes.

Pilipai 1:13

Ma, na bolo maha doh ale mesekei iri lau ta ndrokei ta kabin ma lau are kada-ah badeh, ndratanan ta jo udu bolo kou kada-ah, tasah jo lohowan ta Krais.

La-ukei ta Pol atorou ili tiri lau badu kon Rom 16:26

Arile, na dah, sahou handru mene doh ndrasak. Aso atiye sahou doh amwenen le ta sahou udu bolo tarou tiri propet ta Kindrei mene asehek, ma amwenen le ta batanau ta Kindrei ta bano bwe, kameh ta udu le buku doh. Ya eme iri lau badu kon munyak mari katehei budon tiri handru ki-in tan ma hawe kanuhun le iy.

La-ukei ta Pol atorou ili tiri lau badu kon Rom 15:19

Handru, Malawin Ndrabun aseben jo ta asehek sahou, ma iy edeu boto-on eme tek ta amekes kalem ma lahou tinan. Iri lau anyolom ma iri atehei budon tiri handru in ta Krais. Ya eme jo mene edek udu ndra Jerusalem o-on eme eme taku Ilirikum ta atiye sahou mwasin handru ta nyala Krais.

La-ukei ta Pol atorou ili tiri lau badu kon Rom 5:6

Na len amwenen ta taha nyamu taha ta aseben taha le bwe, Kindrei eme sani len ta Krais kameh winiyan imek ta akohok taha lau ta amekes kandriyen ndra-in ame hamon.

Aposel 17:26

Iy bwidi lau mari asahan badeh, in hamon ta ndramak ari le, ma iy weleyani iri lau mari manyah ado kon rakon rakon udu bolo kon munyak. Ma iy le amwenen sani len ta kon iri manyah ado aliy, ma iy atehei iri kobek ta aliy.

Aposel 10:36

Ya idah badeh, ado tanan sahou mene Kindrei tiye i tiri lau badu Isra-el, ta iri katiye sahou mwasin ta amekes mondrei i san ta Jises Krais, iy le ari, Laban ta lau mari.

Tarou ta Luk 1:47

ma kohak handru sekesek ta Kindrei, ta aseben jo,

Tarou ta Mak 16:15

Eme ma iy tiye i toro i buku doh, “Ado kala bolo kon munyak mara-ei badeh, katiye sahou mwasin doh ki tiri lau mari.

Tarou ta Mak 13:10

Eme ma sahou mwasin badeh, katiye mwena op, ki tiri kon marakon.

Rebelesen 14:16

Ano le badeh, iy ndramak nane manyah udu bolo asi kandrah, andrei samen tan, iy akahei eme andri kon munyak, ma sani iri nyamon mara-ei nane uni badu kon munyak.

Epesus 1:10

Budon doh, Kindrei kameh bwidi marakon ano, ta len ta aliy amwenen, ta atukum lakou marakon iy amekes i le se, iri lakou marakon badu kandrah, ma udu bwele-e munyak ma Krais le ari atondrok iri marakon.

Tarou ta Mak 1:15

Eme iy tiye i buku doh, “Len ndrasahan ai, ma tondrok ta Kindrei ndrame bakep! Ya ado katubuni ndrine ado ta karei ma lomondra ndra-in tado, ya ado katehei budon tado handru ki ta sahou mwasin.”

La-ukei ta Pol atorou ili tiri lau badu kon Rom 16:25

Sendrehendreh ta aliy i buku doh: Taha badeh, katudun Kindrei. Iy le kameh winiyan aseben aha ales boto-on ta bolo budon handru taha, in hamon ta sahou mwasin mene jo atiye ewek taha. Sahou mwasin doh ta nyala Jises Krais, ma hawe in hamon ta sahou bwena mene aton mara-ei kabatana le munyak asahan eme eme taku dah.

2 Timoti 4:17

Arile, Laban ndrame ndrales ndrare hawek, ma iy atadau jo. Eme ma, jo mene winiyan atiye iri sahou mwasin marakon, ma iri lau badu leheleh marakon winiyan anuhun. Ma Kindrei mene aseben jo, ma iy andrei jo eme len ta sahou laba tinan doh. I buku iy ndraruwi jo ndrame len ta lihi layon.