Taitus 1:2 - Nyindrou

² Eme ya, ta tanan handru doh badeh, oro winiyan atanan oro udu mwasin ta koha oro winiyan ta bano bwe. Ma oro winiyan atanan udu mwasin labai ta Kindrei badeh, ndramak ta wasai bwe. Eme ya udu ndra bada katin, ta lakou mari basahan bwe le badeh, Kindrei tandrakan iri lau tan kameh winiyan bamak bwe. Iri kameh ado hawen udu le buku doh.

Taitus 1:2 Referans Kwoze

1 Jon 2:25

Ma, iy ndratandrakan ta edeu kohan handru eme tataha, kameh ta udu le buku doh.

2 Timoti 1:9

Kindrei luhi taha, ma iy andrei taha ndrame hamon, ma tondrohon taha asahan lau tan amwenen. Iy babudon ta kandriyen mwasin taha amekes, ma iy akohok taha ame hamon ma tondrohon taha asahan lau tan, bwe. Iy le amwenen abudon ta amekes lakou doh. Ndra bwena handru Kindrei babwidi munyak bwe le, iy abudon ta gok Jises anya kamekes, ma ta doh le iy badeh, tikisi taha, ma iy tondrohon taha ta asahan lau tan.

La-ukei atorou Jut 1:21

Kindrei aseken aha handru, ya aha katehei aha kado ndra mirihik ta so-ok tan, buku aha abe-en ta tikisiy ta Laban tataha Jises Krais atiye kohan handru ta udu le buku doh ewek taha.

2 Timoti 1:1

Jo Pol, jo aposel ta Krais Jises. Tasah, Kindrei mene ndratiye, iy anya kedeu kohan handru keme tataha mwan ma badih na gok Jises Krais amekes. Eme ma, iy atehei jo asahan aposel tan ta atiye sahou mwasin doh.

Taitus 3:7

Ya eme, to badeh, kamekes budon ta to kirih ma kabadok, ta bolo manyah tato udu le buku doh hawe Kindrei. Ki buku none ari nah abe-en lakou mwasin badu mine taman. Tasah, na kandriyen ta tikisiy tan le badeh, mesekei to ado mwasin labai ta madan.

Taitus 2:13

To mari badeh, kandriyen tato ki le buku doh na len mari. Tasah, to abe-en lakou kameh eme, eme ma lakou doh kameh mesekei to sekesek ta aliy. Lakou to abe-en doh badeh, Jises Krais ta aseben taha, iy kameh eme, ma hawe lomadan tan. Iy badeh, Kindrei tataha, iy Kindrei boto-on labai, ma iy le badeh, mene sebenei taha ado bolo kandriyen ta karei ma lomondra ndra-in ame hamon.

2 Timoti 2:15

Ou abo gok boto-on handru ta asahan lohowan mwasin ta mada Kindrei, eme ma iy winiyan aso-ok gok tam. Buku ou asahan lohowan mwasin, bwilin winiyan bama ta gok tan bwe, tasah Kindrei anyolom ou, ma ou atiye sahou tan amwenen handru.

2 Timoti 2:13

Buku taha anya, taha ka-en hamon tan, arile taha ba-en hamon ta sahou tataha amwenen bwe, ndri-iy ai, iy ki-in hamon ta sahou tan le amwenen, ma iy kameh atehei taha a ta mada sahou. Tasah, iy winiyan batubuni sahou tan amwenen bwe-en!”

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

Taitus 2:7

Eme ya udu bolo lahou tam mari, kandriyen tam kudu mwasin labai, ta iri lau kanyolom ou. Ma, i buku none ou leheya iri lau, ou asehek na ndrinem ki handru le.

1 Tesalonaika 5:8

Arile, taha lau ta Kindrei, taha buku iri lau ta len, eme ma mwasin ta taha kabudon kamwenen buku ndramak ba-un gwa lolo-ou bwe. Eme ma, taha katehei budon tataha kamwenen kili ta Kindrei, ma taha kaso-ok nadu tine taha ari, ari. Kandriyen doh i buku ndramak ta bahun, iy asini awin hayen udu batalan ta amekes bahun. Ma taha ale kales, ma katadau taha boto-on ta atondrok Kindrei akohok taha ame hamon ja. Buku taha amekes kandriyen doh, taha a buku ndramak ta bahun atehei barak, iri amekes na hayen udu batun ta amekes bahun.

La-ukei ta Pol atorou ili tiri lau badu kon Rom 6:23

Tasah, sihine karei ma lomondra ndra-in badeh, imek le. Arile, Kindrei edeu ndramas laleyah i ta lau badeh, kohan ta udu le buku doh i san ta Laban Jises Krais le.

Metiu 25:46

“Ya oro kameh au ala bolo kon ndra-in, arile iri lau mwasin kameh au ala bolo kon mwasin.”

Metiu 25:34

“Ya kabin kameh tiye toro lau areu minen salin anya, ‘Ado kame, tama ndranyosowani ado. Ado kame kakohok ndrahune ado, tama ndralowosaniy kala munyak dah ma ha-un kahis le.

Rebelesen 17:8

Nyabwe munyak nane ou ndranyolom eh, bwena mene iy ere aliy, arile nadah badeh, iy bare aliy ja bwai. Arile, iy kameh udu mana munu lek lawe-en labai, ari katin bwe, eme len, ma iy kameh ili akohok andra-i labai ma amai mara-ei. Iri lau mwan ma badih badu kon munyak nane nyara iri bado bolo buk ta Kindrei bwe, udu ndra bada len mene Kindrei bamekes kon munyak bwe le en, iri winiyan bakohok kohan handru bwe, arile iri doh kameh anyolom nyabwe munyak, ma mani iri kameh atur. Tasah, bwena mene iy ere aliy, ma na len dah ja iy bare aliy bwe, arile iy kameh barasahan na len hamon.

Rebelesen 13:8

Iri lau mara-ei badu kon munyak ale, nyara iri bado bolo buk ta Kindrei bwe, udu ndra bada len Kindrei mene amekes kon munyak, iri mara-ei doh kameh winiyan bakohok kohan handru bwe, arile iri kameh atudun nyara nyabwe ndras nane. Buk doh badeh, buk ta ndramak konen i buku Nadu Sipsip ta Kindrei, bwena mene iri lau adai iy imek.

2 Timoti 2:10

Eme ma jo sekesek ta ato-ou iri maha-an mari ale asahan tek. Jo bwese iri maha-an ta aseben iri mwan ma badih marakon Kindrei ndrandromwei iri ndrala tan, ma jo anya, iri kameh kakohok kohan handru ta Jises Krais doh, ma iy kameh winiyan andrei iri ala ado hawen are kandrah ta are le buku doh.

1 Timoti 6:19

Ya, ki buku none oro kamekes kandriyen doh, idah kameh, oro atukum toro le lakou mwasin labai, ta udu le buku doh na len hamon kameh eme. Ya idah kameh, oro winiyan kuhi koha oro handru.

La-ukei ta Pol atorou ili tiri lau badu kon Rom 5:21

Kandriyen ndra-in le badeh, bwidi imek asahan, eme ma, ta kandriyen ndra-in le doh, iy asahan i buku kabin. Arile, na idah ja, tikisiy ta Kindrei ndrasahan ndra buku kabin. Tasah, ta gok ta tinan tataha, Jises Krais le, Kindrei badeh, tikisi taha, ano iy aloh taha lau mwan ma badih mwasin labai ta madan, eme ma taha akohok kohan handru kameh ta udu le buku doh.

Aposel 15:18

Ya eme Laban amekes lakou mari dah, mene lau ndratanan ndra bwena ndra-au ndra-au.’ ” Amos 9:11-12

Tarou ta Jon 17:2

Tasah ou ndratehei boto-on tam ndrame tek ta atondrok iri lau marakon, ma jo kameh edeu kohak udu luluwen ili toro lau nane oro atehei budon toro in tek.

Tarou ta Jon 10:28

Jo atehei kohak handru ili tiri, ma iri kameh winiyan bamak bwe, ma ari ndramak winiyan baruwi iri ado minek bala len bwe.

Tarou ta Jon 6:68

Saimon Pita eme asehek ili tan i buku doh, “Laban, are handru kameh aso kala hawen? Sahou ou asehek badeh, kohan handru udu aliy iy winiyan bano bwe, iy kameh ta udu le buku doh.

Tarou ta Jon 6:54

Are lau iy aimon odak, ma iy a-un ndrayek, idah kameh kohan handru udu tan udu le buku doh, ma jo kameh mete-ei iy amak ja na len hamon.

Tarou ta Jon 5:39

Aha abo gok ta asilah sahou iri torowenei udu bolo buk ndrabun, tasah budon taha anya, iri sahou doh kameh adeu taha kohan handru udu le buku doh. Idoh mwasin, arile sahou iri ndratorowenei badeh, nyarak udu aliy, ma kohan handru ale badeh, udu ndra hawek.

1 Timoti 6:12

ou badeh, abadok ta sakaliye ta budon handru. Ma ou anyolom ki bwena ta koham handru ta winiyan bamak bwe. Ma koham handru doh mene Kindrei ndratehei ndrawek tam; na len iy aloh ou ame len, asehek budon tam handru i ndranye lau mari anuhun.

1 Tesalonaika 2:15

Iri Juwis badu Isra-el le doh, mene adai iri propet, ma adai Laban Jises ale. Eme ma, na len idah badeh, iri amekes ndra-in eme tahi, ma tikahei ahi are bolo kon mara-ei, ma iri tebelese ta kandriyen nane Kindrei aso-ok labai. Handru, iri badeh, asahan lau ta amekes bahun ili ta lau marakon,

La-ukei ta Pol atorou ili tiri lau badu kon Rom 16:25

Sendrehendreh ta aliy i buku doh: Taha badeh, katudun Kindrei. Iy le kameh winiyan aseben aha ales boto-on ta bolo budon handru taha, in hamon ta sahou mwasin mene jo atiye ewek taha. Sahou mwasin doh ta nyala Jises Krais, ma hawe in hamon ta sahou bwena mene aton mara-ei kabatana le munyak asahan eme eme taku dah.

La-ukei ta Pol atorou ili tiri lau badu kon Rom 5:4

Buku ndrine taha abadok udu le buku doh, idah kameh kandriyen tataha mwasin winiyan sebenei taha, buku iri none anya kasahan. Ya, buku kandriyen tataha mwasin sebenei taha ala bolo iri none don eh, badeh, taha atondrok le Kindrei eme ta aseben taha.

La-ukei ta Pol atorou ili tiri lau badu kon Rom 5:2

Jises badeh, ndrasihi san ta taha lau mwan ma badih atehei budon in ta Kindrei, eme ma taha kameh winiyan ala bolo tikisiy tan, na idah taha areu aliy. Ma taha atondrok Kindrei ta akohok taha, idah kameh taha manyah ado lomadan tan mwasin ado kandrah. Ma idoh bwidi taha sekesek ta aliy.

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

La-ukei ta Pol atorou ili tiri lau badu kon Rom 1:2

Sahou mwasin doh bwena mene iy tandrakan, ma atehei i kani iri propet, ma torowenei udu bolo tarou tan.

Tarou ta Jon 17:24

“Tama! Ou ndratehei oro ndrame tek, eme jo aso-ok oro kame kare hawek, kare kon kameh jo udu aliy. Ma jo aso-ok oro kanyolom lomadak mene ou adeu eme tek, tasah ou aso-ok jo bwena labai, ano kon munyak barasahan.

Kolosi 1:27

Ma Kindrei anya kaleheya taha mwan ma badih tan, ta taha katanan: Sahou aton doh badeh, mwasin labai, ma winiyan aseben iri lau badu Isra-el, ma hawe taha mwan ma badih badu rakon ja ale. Ma sahou aton doh buku: Krais badeh, kohan udu bolo aha, ma aha atondrok iy keme kakohok aha kala kare kandrah hawen.

Tarou ta Mak 10:30

iy kameh akohok lakou solo-an handru na len dah. Iy kameh akohok ndramas buku san rinek (100) ja i bwele-e lakou tan bwena. Ndramas doh buku asiu solo-an ja, ma nadu tinen mwan solo-an ja ma buru-un solo-an solo-an ja, ma tinen hawe nadun ma bilin solo-an, ma ale hawe iri lau amekes ndra-in i tan ale. Arile len hamon, Kindrei kameh winiyan edeu kohan handru i tan ta winiyan bano bwe ta udu le buku doh.

Tarou ta Mak 10:17

Eme Jises anya kedek san anya ki-iu le badeh, ndramak ari sakaniy in hamon tan eme, aluh udu andri mada Jises, ma iy ndremenya iy, “Ndramak ta leheya, ou mwasin handru. Jo kamekes saba kandriyen handru ya jo kakohok kohan mwasin ta ereu le buku doh len mari?”