Taitus 1:14 - Nyindrou

¹⁴ Ma oro satehei ndranye oro sala ta kundruh ta wasai tiri Juwis, ma ale, oro sa-en hamon ta batanau toro lau ale ba-en hamon ta leheya handru bwe, ndri-iy.

Taitus 1:14 Referans Kwoze

2 Timoti 4:4

Ma, iri kameh adeu kona iri ili ta sahou handru, ma iri adeu ndranye iri ili ta anuhun iri kundruh laleyah.

Kolosi 2:22

Aha sa-en hamon tiri batanau doh, tasah batanau doh ta nyamon nane, iri lau aimon laleyah ndra-au. Ma ale, iri lau le badeh, amekes batanau dah, ma iri leheya taha ta aliy. Arile, batanau dah ta Kindrei bwe.

2 Pita 2:22

Eme, ya iri lau ta leheya kandriyen ta wasai doh badeh, i buku sahou sokek ma la-uh dah: “Taha badeh, tana taha, mwi amok, ano iy ili ini amok tan ja.” Tanan 26:11 “Ma taha tanan ale, i buku none bou ndranyuwi iy, arile iy kameh ili hamon ili ta bolo nyahun tan ja.”

Galesiya 4:9

Arile, na dah, aha ndratana aha Kindrei handru. O, sebwe jo katiye taha ki buku doh: Kindrei ndratanan aha. Ya, i buku sah ja, aha anya kala hamon ja kala hawe iri malawin ndra-in ja? Iri nyamu iri bwe, ma iri winiyan bala ari lakou handru bwe. I buku sah, aha anya kala bonyo-ou tiri ja?

Metiu 15:9

Iri asehek sahou batanau ta lau le, arile iri anya, “Idah sahou ta Kindrei.” Idoh ya iri asolom laleyah eme tek.’ ” Aisaya 29:13

Tarou ta Mak 7:7

Iri asehek sahou batanau ta lau le, arile iri anya, “Idah sahou ta Kindrei.” Idoh ya iri asolom laleyah eme tek.’ ” Aisaya 29:13

Hiburu 12:25

Bale aha ki-in taha, kora-on aha katunuhun, ma aha ba-en hamon ta boho Kindrei bwe. Tasah, ma bwena mene Kindrei ere bwele-e mandrei Sainai asehek sahou boto-on ili tiri lau badu Isra-el are kabede mandrei doh, arile iri tebelese bohon. Eme ma, na bolo len bwena mene doh, iri winiyan batobwak ma bateleyani ndramas ta kandriyen ndra-in tiri bwe. Na idah, Kindrei udu kandrah, ma iy asehek sahou boto-on labai ja eme tataha. Buku taha atehei kona taha i tan, taha winiyan batobwak ma bateleyani ndramas ta kandriyen ndra-in nane doh bwe, handru en.

Taitus 3:11

Tasah, ou badeh, ndratanam ai, ndramak i buku doh ndratubuni konan ndra ta leheya handru. Ma iy amekes lakou ndra ndra-in le. Buku iy tanan lakou doh bamwenen bwe, arile iy amekes le ili, ma iy le kameh amekes iy udu bolo sahou ta Kindrei.