Taitus 1:13 - Nyindrou

¹³ Kandriyen doh badeh, handru. Eme ou tiye sahou boto-on ki toro lau mene ndra-en hamon ta leheya wasai, kame hamon ma ka-en hamon ta leheya handru.

Taitus 1:13 Referans Kwoze

Taitus 2:2

Ma ou leheya oro lau-en badeh, ka-en hamon toro kandriyen doh: Oro badeh, budon toro kaleu, ma oro badeh, ki ndramak ala lau mari kanuhun oro, ma oro badeh, ki ndramak ta atondrok bada oro, ma oro badeh, ki ndramak handru ta budon toro kihis ta tanan handru. Ma oro badeh, ki ndramak ta amekes mwasin i ta lau mari, ma hawe oro badeh, ki ndramak ta ado le i buku none oro bwese maha-an solo-an.

1 Timoti 5:20

I buku none oro are lau ta bwena ta lau ta Kindrei kamekes karei ma lomondra ndra-in badeh, ou asehek keme ndranye lau mari kanuhun. Eme ya iri lau mari kanuhun ma iri kanoh ta aliy, ya iri sa-en hamon ta aliy.

Taitus 2:15

Eme oro tanan mari doh badeh, ou leheya oro na len mari, ma ou batanau oro, ma aliu oro, are ba-en hamon ta aliy bwe, kame hamon. Ou amekes lakou mari doh, i buku none ou ndramak handru, ta anoh bwe. Ya iri sabudon anya, ou badeh ari ndramak laleyah, ndri-iy.

2 Timoti 4:2

Ou atiye sahou ta Kindrei. Ya, ou abudon ta lakou doh kameh asahan, ma ou atiye sahou ta Kindrei kili. Buku iri lau alokou iri ta anuhun sahou, o, iri balokou iri bwe, ndri-iy ai. Len marakon ou abadok ta atiye sahou tan kili. Sahou tam badeh, korou ndrine iri ta asor iri ta tobolowe ndrine iri, ma karuwe kandriyen ndra-in. Ou suruni ndrine iri ta a-en hamon ta kandriyen ta Kindrei. Ou leheya iri ki buku doh, arile ou winiyan bandra-i hawe iri bwe. Ou abo gok le, ta leheya iri.

2 Korin 13:10

Katin ta jo udu ndra len atorou la-ukei ewek taha dah, i buku doh: Jo aso-ok aha kasehek nyala manyah taha op. Buku jo ewek asahan hawe aha, jo bwalek ta tone boto-on ta gok nane Laban edeu eme tek, bwe. Iy atehei eme tek dah, ta atadau aha; ta amekes aha andra-i bwe.

1 Timoti 4:6

I buku none ou leheya batanau dah i ta nadu tinem oro, ou lohowan mwasin labai ta Krais Jises. Ma ou ale amekes ou abadok na aliy. Ma idah kameh, ou abadok na sahou ta budon handru mene ou anuhun ma ou a-en hamon ta aliy.

1 Timoti 1:10

Ya kandriyen malen badeh, ta leheya iri lau ta karei, hawe i tiri lau mwan amekes mwan, ya i tiri badih amekes badih, ma i tiri lau ta bahana iri ndramak, ma hawe i tiri lau ta wasai, hawe i tiri lau ta wasai ta tandrakan handru i loken. Ma hawe i ta saba kandriyen bamwenen ta sahou handru bwe.