Taitus 1:10 - Nyindrou

¹⁰ Tasah, iri lau solo-an ba-en hamon ta sahou ta Kindrei bwe. Iri asehek sahou laleyah ma wendreya iri lau. Iri lau ta wendreya doh badeh, iri lau ala ta asan ku-i iri, ya udu bolo iri doh badeh, iri Juwis solo-an.

Taitus 1:10 Referans Kwoze

1 Timoti 1:6

Oro rayah ndraruwani budon doh, ya oro ndra-en hamon ta sahou laleyah.

1 Jon 4:1

Wurah lomada aha kawas tek ta Kindrei, iri propet solo-an ta wasai ndradek bolo kon munyak, aha satehei budon taha boto-on sala ta sahou tiri mari aha anuhun, ndri-iy labai. Lau solo-an kameh anya, “Kindrei atehei sahou tan eme tek ta asehek ewek taha.” Arile, aha kanyolom ma kanuhun sahou kamwenen, kora-on sahou doh ta Kindrei bwe, ya iy sawendreyani aha.

Galesiya 2:4

Tasah iri lau rayah ta wasai ame bolo oro i buku nadu tine oro tiye anya, are lau anya kasahan lau ta Kindrei badeh, kasan ku-in. Arile winiyan bwe. Iri lau doh badeh, lalou, ya iri aton ame le ta anya kasilah manyah mwasin taha akohok udu bada Jises Krais. Tasah, manyah tataha ba-en hamon ta kandriyen malen bwe. Ma iri anya kamekes taha kasahan bonyo-ou ta kandriyen tiri Juwis.

Epesus 4:14

Buku taha asahan i buku doh, badeh, taha winiyan bado buku nadu nah bwisik ja, ta budon taha ateu bwe. Ma iri sahou wasai marakon tiri lau ta tamar winiyan batoroyani budon tataha bwe, ma taha winiyan asahan buku ndron udu bolo bayau. Ma idoh ale winiyan baruwi taha buku jor aluhi ndron bwe, ma taha winiyan bateheh laleyah bwe, ma mani budon handru.

Jemis 1:26

Buku none ari mwan o badih iy anya, iy lau ta Kindrei ma iy atudun iy handru, arile iri batondrok boho iri bamwenen bwe, iri ndrawendreyani iri amwenen, ya eme ma budon hawe salom tiri doh badeh, ari moson ta aliy bwe.

2 Timoti 3:13

Ma iri lau ndra-in ale kameh amekes kandriyen ndra-in mara-ei ja. Eme ma iri lau ta wasai kameh wendreya iri lau. Balik ale kameh wendreya iri lau ta wasai doh, ma kandriyen tiri kameh asahan ndra-in mara-ei ja.

Aposel 11:2

Ya, na len Pita ili Jerusalem badeh, oro lau mene atehei budon toro handru i ta Jises ado aliy. Oro ale atehei budon toro boto-on ta asan ku-i oro asehek iy anya,

Rebelesen 2:14

‘Ya, aha mwasin handru, arile jo tek sahou rayah udu taha: Iri lau rayah are bolo aha kede-eh badeh, a-en hamon ta leheya ta Balam, iy mene leheya Balak, san ta ariu iri lau badu Isra-el ta taku ala bolo kandriyen ndra-in. Eme ma, Balak andrekei iri mwan ma badih rayah badu Isra-el ta aimon nyamon nane iri asalom ili ta nyara kindrei ta wasai, iri amekes na sukumada kei, ma iri amekes kandriyen ndra-in ta karei.

Rebelesen 2:6

Handru labai, aha amekes kandriyen ari mwasin labai. Aha badeh, bwale aha kandriyen tiri lau ta Nikolas. Jo ale bwalek kandriyen iri amekes.

1 Jon 2:18

Wurah lomada ado naduk ta nyara Krais, len ta munyak dah ta udu badeh, ndrame mirihik labai ta ano ai. Buku none aha ndranuhun, lau ta kaliu hawe Krais kameh asahan. Ya, idah, iri lau solo-an ta kaliu hawe Krais ndrasahan ai. Eme ma taha ndratana taha, len ta munyak ta ano badeh, ndrame mirihik ai.

2 Timoti 4:4

Ma, iri kameh adeu kona iri ili ta sahou handru, ma iri adeu ndranye iri ili ta anuhun iri kundruh laleyah.

1 Timoti 1:4

Ma oro sasehek sala le ta nyala kundruh laleyah, ma hawe sasehek sare tubu oro. Bolo iri sahou doh kameh ta amekes ndrales udu bolo oro le, ya winiyan basebenei oro ta budon handru i ta Kindrei bwe, ma hawe winiyan basebenei lahou tan bwe.

Galesiya 3:1

Aha mwan ma badih badu Galesiya, bale aha ndra-au! Are lau ndrawahei budon taha, ma aha ndra bale aha bwe? Jo mene udu hawe aha amwenen badeh, jo leheya aha aleu handru ta iri adai Jises Krais imek, udu bada kei tondreh.

Aposel 20:29

Ya aha katondrok iri kamwenen, tasah hamon kameh jo ruwani aha, idah kameh lau solo-an ndra-in ame bolo aha ta tobolowe budon hawe manyah taha. Ya kandriyen tiri kameh i buku iri mwi badu lokei ame atikah iri nadu sipsip.

Aposel 15:1

Oro lau rayah ado Judiya badeh, ame andri kon Antiyok, ma eme oro leheya iri lau ta budon handru anya, “Ado badeh, winiyan bado mwasin bwe, i buku none ado basan ku-i ado bwe. Idoh badeh, in hamon ta batanau ta Moses tiye.”

Aposel 15:24

“Aso ndranuhun lau rayah badu hawe aso ndrawek bolo aha. Aso badeu ari budon bala toro bwe, arile oro ndrawek ndrabwidi budon taha ndrandra-i na sahou oro asehek.

1 Timoti 1:9

Taha tanan ale, kandriyen malen atehei eme badeh, ta leheya iri lau mwasin bwe. Arile, kandriyen malen atehei eme, ta leheya iri lau ta tebelese labai. I buku none iri lau ta banuhun sahou ta Kindrei bwe, ya ta i tiri lau ta amekes karei ma lomondra ndra-in, ya i tiri lau ta a-um tama iri hawe tine iri amak, ma hawe i tiri lau ta adai lau amak.

Taitus 1:6

Ndramak ta batun badeh, nyaran ki mwasin labai, ma iy badeh, udun ari le. Ma hawe nadun oro badeh, ka nah ta budon handru, ma oro sala nah ta tebelese ta amekes lakou laleyah. Arile, oro badeh, ki nah ta anuhun boho tama oro.

1 Jon 2:4

Buku ari ndramak asehek anya, “Jo ta Kindrei handru ma jo tanan iy,” arile, iy ba-en hamon tiri sahou, nane Kindrei edeu eme tataha ta a-en hamon ta aliy bwai, sebwe iy ndramak doh ta wendreya. Ma sahou ta Kindrei handru badeh, bado ndrinen bwe.