Taitus 1:1 - Nyindrou

¹ La-ukei dah badeh, jo Pol atorou. Jo badeh, Kindrei le tiye jo asahan lohowan tan, ma tiye jo asahan aposel tan ta atiye sahou badu boho Jises Krais. Kindrei amekes doh badeh, ta jo kaleheya oro lau tan badeh, katehei budon toro handru ki-in hamon ta budon handru. Ma hawe jo kaleheya oro kaleu handru ta tanan ta Kindrei. Ya eme na tanan handru ta Kindrei doh badeh, winiyan leheya oro ta manyah mwasin i buku seken ta Kindrei.

Taitus 1:1 Referans Kwoze

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

1 Timoti 6:3

Eme ya ou badeh, leheya ma tiye sahou dah ta aliu oro: I buku none oro are lau leheya tanan randra labai; bala buku none sahou handru ta Laban Jises Krais bwe, ma hawe bala buku none sahou handru ta lau ta Kindrei, aso leheya dah bwe; badeh kameh, iy ndra ari ai, arile iy tanan lakou bwe. Ma iy doh badeh, tanan sahou bwe, ma iy ta asoh sahou, ma ta aburoh sahou. Ya idoh kameh tiyani madalakis, losen ta lakou, ma hawe sondrokonya, ma amekes budon laleyah,

2 Timoti 2:25

Ma iy kaleheya iri lau nane amekes ndra-in ili tan, ma iy ale kamekes kamunum le ta amekes budon tiri lau nane tebelese hawen. Iy kamekes ki buku doh, tasah Kindrei kameh aseben iri, ma iri kameh winiyan tubuni ndrine iri, ma iri kameh winiyan atanan ta sahou handru, ma iri winiyan a-en hamon tan.

2 Timoti 2:23

Ma ou adeu konam kili tiri sahou ari katin ma moson bwe. Tasah, ou tanam iri sahou doh badeh, ta amekes kandriyen ta tebelese asahan.

2 Pita 1:3

Jises Krais badeh, Kindrei tataha. Eme iy aloh taha, ta taha ka-en hamon ta kandriyen tan, ma taha kadih na lomadan. Eme ma, taha atanan iy, ta iy badeh, mwasin labai. Handru, na boto-on tan le, iy edeu iri lakou mari ndrame tataha, ta taha winiyan manyah ado mwasin, ma taha winiyan amekes iri kandriyen iy aso-ok.

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

2 Pita 3:11

Ya, ki buku none lakou mari kameh kandra-i ki le buku doh, idah kameh, ado barala buku sah bah? Ado badeh, manyah ma kandriyen tado kudu mwasin ki buku lau ta Kindrei handru,

1 Timoti 2:4

Tasah, iy aseken lau mari samak ma lau katanan sahou handru.

Kolosi 2:2

Jo amekes gok boto-on, tasah jo aso-ok ndrine aha kabadok ma aha katukum ka-en hamon ta kandriyen ta aso-ok labai iri nadu tine aha iri mwan ma badih ta Kindrei. Jo badeh, amekes gok boto-on labai, ma idoh kameh atadau budon taha, ma aha winiyan atanan kati sahou aton handru ta Kindrei. Krais amwenen badeh, kati sahou aton.

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

Aposel 13:48

Eme na len doh iri lau badu leheleh anuhun sahou doh badeh, iri sekesek ma atudun sahou ta Laban. Eme oro lau le Kindrei ndralebelei oro ta akohok koha oro ta udu le buku doh badeh, atehei budon toro handru i ta Kindrei.

Epesus 2:8

Lakou doh, aha amwenen mene bamekes bwe. Kindrei edeu laleyah ewek taha. Aha mene atehei le budon handru in ta Krais, ma na so-ok ta Kindrei le amwenen, iy andrei aha ame hamon ja.

1 Jon 2:23

Are lau ale, atehei konan i ta Nadu Kindrei, badeh, ili ta taman Kindrei ale. Are lau ale, atehei ndrinen handru, in ta Nadu Kindrei, badeh, kameh in ta taman ale.

Tarou ta Luk 18:7

Ado abudon i buku sah handru i ta Kindrei? I buku none lau ta Kindrei amwenen, kaden ki tan na len na ben mara-ei. Ado anya idah kameh Kindrei ndrawoyah, ma iy winiyan banuhun boho oro bwai?

2 Timoti 2:10

Eme ma jo sekesek ta ato-ou iri maha-an mari ale asahan tek. Jo bwese iri maha-an ta aseben iri mwan ma badih marakon Kindrei ndrandromwei iri ndrala tan, ma jo anya, iri kameh kakohok kohan handru ta Jises Krais doh, ma iy kameh winiyan andrei iri ala ado hawen are kandrah ta are le buku doh.

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

Rebelesen 1:1

Sahou ale jo atorou dah badeh, mene bame lewan bwe, arile Jises Krais le amwenen bwidiy asahan eme lewan. Kindrei le amwenen edeu i ta nadun Jises Krais, ta iy kaleheya taha lohowan tan, ta se luwen bwe, iri lakou mara-ei doh kameh asahan. Eme, Jises amekes sahou dah i san ta ameh, iy eme suni angelo hawe sahou tan eme tek, Jon, jo lohowan tan, ma iy asehek kati ameh mara-ei doh.