La-ukei ta Pol atorou ili tiri lau badu kon Rom 9:8 - Nyindrou

⁸ Kati sahou doh badeh, i buku doh: Lau solo-an abudon anya Abraham badeh, tubu iri, arile nah adeu eme len i buku taha ndranyolom doh kameh asahan nadu Kindrei ai, bwe. Nah ala asahan i san ta kandriyen ta atehei budon handru in ta tandrakan ta Kindrei, iri nah le don adeh asahan lundriye Abraham handru.

La-ukei ta Pol atorou ili tiri lau badu kon Rom 9:8 Referans Kwoze

Tarou ta Jon 1:13

Iri basahan nadu Kindrei ta ndraye tama taha hawe tine taha iri amwenen bwe, buku uru asehek sahou ta nyala uru kato-ou nah, bwe. Kindrei le ari badeh, bwidi iri asahan nadun, tasah iri atehei budon tiri handru in tan le ari.

La-ukei ta Pol atorou ili tiri lau badu kon Rom 8:14

Tasah, are lau oro alelei budon ta Malawin Ndrabun atondrok oro, oro baden eh, nadu Kindrei.

Jenesis 31:15

Iy badeh amwekes aru i buku none lau badu leheleh. Iy atehei aru a ta sisih ma iy ale ndrani sihine aru, mene ndrano.

Metiu 3:9

Ya ado sabudon ado ma satiye ado sala buku doh: ‘Aso badeh tama aso Abraham, eme ya aso anya, aso mwasin le ai.’ Arile bwe. Jo katiye tado kamwenen: Kindrei winiyan mesekei bek dah asahan i nadu Abraham.

La-ukei ta Pol atorou ili tiri lau badu kon Rom 8:16

Ma ale Malawin Ndrabun tiye udu bolo koha taha anya, “Aha badeh, nadu Kindrei.”

La-ukei ta Pol atorou ili tiri lau badu kon Rom 8:19

Tasah, iri lakou mari badu munyak ma kandrah badeh, ado le abe-en, ma hawe koha iri apwe ta anyolom len eme kameh, Kindrei edeu bwabwai ta masiye i ta nadun iri.

Hiburu 11:11

Abraham ndrasahan alon kabwe, ma Sara ale winiyan bato-ou nah bwe, arile Abraham atehei budon tan mara-ei handru udu ta Kindrei le ari, iy ta amekes iri lakou marakon badeh, in hamon le tiri tandrakan tan mwena. Eme ma Sara tuwi nadun mwan.