La-ukei ta Pol atorou ili tiri lau badu kon Rom 9:7 - Nyindrou

⁷ Sahou dah handru. Jo ale batiye anya iri lundriye Isra-el doh asahan lundriye Abraham handru, bwe. Bwe labai! Tasah, bwena mene Kindrei tiye i ta Abraham i buku doh, “Lundriyem oro hamon kameh asahan solo-an labai, in hamon ta san ta nadum Aisik amwenen.” Jenesis 21:12

La-ukei ta Pol atorou ili tiri lau badu kon Rom 9:7 Referans Kwoze

Jenesis 21:12

Arile Kindrei tiye, “Ou sabudon tinan labai ta nah nadu badih ta lahou tam kede-eh. Ou badeh anuhun boho Sara asehek tam, tasah na Aisik le kameh lundriyem oro asahan.

Galesiya 4:23

Eme, nah badu ndrine lohowan tan, adeu iy eme len i buku none iri adeu nah eme len kede-eh. Arile, i nah ta udun handru, adeu iy eme len in hamon le ta tandrakan ta Kindrei.

Pilipai 3:3

Eme ya ado satehei budon tado handru sa-en toro, tasah oro asan ku-i oro, eme oro anya, i san doh kameh mesekei oro asahan lau ta Kindrei, arile bwe. Arile, taha lau ala atehei budon tataha handru i ta Kindrei bala san doh bwe, taha asahan lau ta Kindrei i san ta taha ruwani ta amekes kandriyen ndra-in. Ma taha atudun Kindrei i san ta Malawin Ndrabun, hawe taha ale sekesek i le ta Krais ta lakou mene iy mesekei eme tataha. Ya eme taha batehei boto-on ta taha bala ta kandriyen ta lahou badu bada taha amekes, bwe. Idoh badeh, ndrano ndra-au.

Tarou ta Luk 3:8

Ado kadeu nah ma ado kabatanau oro ta oro katubuni ndrine oro ta kandriyen ndra-in toro ki san ta tikisiy. Ya ado sabudon ado ma satiye ado sala buku doh: ‘Aso badeh tama aso Abraham, eme ya aso anya, aso mwasin.’ Arile bwe. Jo katiye tado kamwenen, Kindrei winiyan mesekei iri bek dah, winiyan asahan i nadu Abraham.

Tarou ta Jon 8:33

Iri Juwis ame asehek i ta Jises, “Ahi dah nadu Abraham handru. Ahi bala buku bonyo-ou ta ari ndramak bwe le. I buku sah ja, ou anya, ahi kameh mani gok tahi bonyo-ou?”

Tarou ta Luk 16:30

“Eme iy anya, ‘Tama Abraham, ki buku none ari lau ndrasu-u, ya iy kamak ki loke, idoh mwasin ai. Winiyan tiye tanan i toro, ma idah kameh, oro ruwani kandriyen ndra-in toro ai.’

Metiu 3:9

Ya ado sabudon ado ma satiye ado sala buku doh: ‘Aso badeh tama aso Abraham, eme ya aso anya, aso mwasin le ai.’ Arile bwe. Jo katiye tado kamwenen: Kindrei winiyan mesekei bek dah asahan i nadu Abraham.

Galesiya 4:28

Eme, aha nadu tine, aha badeh, nadu Kindrei i hamon ta tandrakan i le buku Aisik.