Biblia Todo Logo
Bib sou entènèt

- Piblisite -




La-ukei ta Pol atorou ili tiri lau badu kon Rom 9:4 - Nyindrou

4 Iri badeh, lau tan amwenen, lau badu Isra-el. Iri mene batehei budon tiri ba-en tan bwe, arile iy mene mesekei iri asahan nadun ta nyo-ou, ma edeu lomadan ma boto-on tan mwasin i tiri. Iy mene amekes sahou randra le ma hawe edeu batanau malen, ma hawe leheya san ta asalom ma atudun handru udu bolo asiu tinan tan. Iy amekes iri lakou mwasin doh i tiri hawe edeu tandrakan i tiri.

Gade chapit la Kopi




La-ukei ta Pol atorou ili tiri lau badu kon Rom 9:4
61 Referans Kwoze  

Bolo len doh badeh, aha bahis hawe Krais bwe le. Aha are ndra len labai tiri lau badu Isra-el, iri lau mene Kindrei atehei iri kasahan lau tan amwenen. Iy edeu sahou randra le ili tiri, ta iy kameh nyosowani iri, buku bwena mene iy ndrasehek. Arile, aha are ndra manan ta lakou doh. Handru, aha ado ndra kon munyak dah, arile aha batondrok Kindrei ta akohok aha bwe. Tasah, aha bala tanan sahou randra le ta Kindrei ma tandrakan tan bwe.


Lundriye Isra-el solo-an batehei budon tiri ba-en ta Krais bwe. Ya, ta katin doh, sebwe jo katiye anya, Kindrei ba-en hamon ta tandrakan mene iy amekes i ta Abraham bwe, nadeh? Bwe! Tasah, lundriye Isra-el badeh, solo-an labai, arile iri mara-ei basahan lau handru ta Kindrei bwe, rayah le.


Jo kameh amwekes sahou randra le hawem ma edeu lundriyem oro a sola.”


Ya tandrakan ta lakou doh badeh, i tado ma hawe i ta nadu ado oro, ma i toro lau badu len. Idoh i toro lau heh Kindrei aloh oro ame hawen.”


Sahou randra le ma bwena mene badeh, iri kandriyen ta atudun nyaran udu aliy, eme ma iri bwidi ndrahune lau ta atudun nyaran, na mine iri amwenen.


Eme ya, aha bakohok Malawin Ndrabun ta nohowa aha bwe, arile, na Malawin Ndrabun le idih udu bolo oda aha mesekei aha asahan nadu Kindrei handru. Ma na iy le, taha aloh Kindrei anya, “Tama, tama.”


Kindrei edeu kandriyen malen ili mine Moses. Arile, kandriyen mwasin ta tikisiy ma ta sahou handru badeh, udu bada Jises Krais.


“Jo kameh balek winiyan bamani tandrakan tek i tam ma hawe i ta lundriyem oro na len, eme, eme, bwe. Sahou randra le dah, winiyan ta bano bwe. Jo kameh asahan Kindrei tam ma Kindrei ta lundriyem oro.


Tasah iri ndramas ma salom solo-an doh, ta nyamon, ta gwa ta a-un, ma iri lakou solo-an ta anyu. Iri kandriyen doh ta bada lau le, ta iri ka-en hamon ta aliy, winiya le len ta Kindrei kameh baramekes iri lakou marakon amwenen ma i ha-un ja.


Bolon udu alih hamon ta kolau tinan nane doh iri aloh ndrok ndrabun ndrabun labai ta mada Kindrei.


Jises anyolom Nataniyel edek ales eme hawen. Iy eme asehek, “Iy ndramak eme dah badeh, iy ndramak ari handru badu Isra-el, iy tanan wendreya bwe!”


Jises asehek i tiri lau tinan ja i buku doh, “Ado kanuhun sahou sokek ari ja i buku doh: Ndramak ari bwidi bilin ta waen ari, ma iy bwidi kou awudiy. Ma in bolo bilin nane iy ihi lek ari ta atik ma apis buwa waen, ano iy tahi asiu ra-em ta atondrok. Ano iy atehei bilin ili mine iri salibah ta atondrok. Ma iy iu ili kon rakon ja.


Ano badeh ndramak dan anya, “Nyaram kameh bala Jekop ja bwe ai, nyaram kameh aloh Isra-el, tasah ou badeh boto-on labai ta akek i la-u Kindrei hawe iri ndramak.”


I dah sahou randra le tek ou samaniy, udu ndrokowak hawe ndrokowam hawe lundriyem oro: lau mwan mari badeh kasan ku-i lakou tiri ki-iu.


Ano ma kabatana doh badeh, Laban amwekes sahou randra le hawe Abram, ano Kindrei tiye, “Jo badeh tandrakan ta edeu munyak i ta lundriyem oro badeh, kobek tan badeh udu Ijip ili taku gwa Yupretis,


Seben solo-an solo-an udu aliy oh! Ya, ari ma bwena badeh, i buku doh: Kindrei mene atehei sahou tan amwenen i tiri Juwis ta atondrok ma aseben iri mwan ma badih winiyan atanan ta iri sahou tan marakon.


Iri anya iri Juwis? Jo ale jo Juwis! Iri anya iri lau badu Isra-el? Jo ale, jo badu Isra-el! Iri anya tubu iri Abraham? Jo ale i buku aliy!


Eme ma, udu bolo buk ndrabun, Kindrei amekes i buku le aliy. Iy amekes iri tandrakan i ta Abraham hawe lundriyen oro. Sahou ta Kindrei batiye anya “toro lundriyem solo-an,” bwe. Badeh tiye, “i ta lundriyem ari” le. Jenesis 12:7; 13:15; 24:7 Ya iy doh badeh, Krais.


Udu bwele-e bwisi lakou nane doh, iri bwidi lakou la-uh, kone uru buku angelo. Uru doh leheya lomada Kindrei i buku iy udu bwele-e bwisi lakou doh. Udu bahandra koroha bani uru, kon ta leheya tikisiy ta Kindrei udu aliy. Kon doh ta toboroya ndra ta mani kandriyen ndra-in tiri lau iu. Arile, na dah, jo winiyan basihidi kati iri sahou marakon doh bwai.


Iri bwidi lakou marakon udu ndrahune iri ano. Len marakon, iri pris ala bolo asiu ranah ili manan, iri aloh kon ndrabun, ta amekes gok ta atudun Kindrei.


Swiv nou:

Piblisite


Piblisite