La-ukei ta Pol atorou ili tiri lau badu kon Rom 9:16 - Nyindrou

¹⁶ Ya eme Kindrei lebelei lau badeh, ba-en hamon ta seken ta ndramak, ma hawe ba-en hamon ta lahou bwe; arile idoh badeh, na tikisiy ta Kindrei le.

La-ukei ta Pol atorou ili tiri lau badu kon Rom 9:16 Referans Kwoze

Epesus 2:8

Lakou doh, aha amwenen mene bamekes bwe. Kindrei edeu laleyah ewek taha. Aha mene atehei le budon handru in ta Krais, ma na so-ok ta Kindrei le amwenen, iy andrei aha ame hamon ja.

Pilipai 2:13

Tasah, Kindrei le badeh, edeu boto-on i tado ta amekes lomondra mwasin ta sasah iy aseken ado ta amekes ma edeu boto-on i tado ta amekes.

Jemis 1:18

Na budon tan le amwenen, iy bwidi taha asahan nadun na sahou tan handru, ma iy asahan tama taha. Handru, iy atehei sahou tan eme tataha, eme ma taha atehei budon tataha mara-ei in le tan. Iy amekes i buku doh, ta taha kare bwele-e lakou marakon iy ndramesekei.

La-ukei ta Pol atorou ili tiri lau badu kon Rom 9:11

Arile, in hamon ta kandriyen tan, Kindrei le lebelei ndramak na le so-ok tan amwenen; iy babudon ta lahou ndramak amekes bwe. Eme ma, kabatana Rebeka batehei uru nah mumwir doh bwe le, ma uru bamekes se kandriyen ndra-in hawe kandriyen mwasin bwe le badeh, Kindrei ndratehei budon tan ndra-en andri kabwe, ta are turu kameh kakohok nyaran ma kasahan lau tan handru. Eme Kindrei tiye Rebeka anya, “Iy kadok kameh asahan lohowan ta iy bwaneh.” Jenesis 25:23

Tarou ta Luk 10:21

Na len doh badeh, Jises idih labai na sekesek ta Malawin Ndrabun, eme iy tiye, “Tama, ou Laban badu munyak ma kandrah! Jo masiye ou! Tasah, ou tone lakou dah ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe. Ehe, idoh asahan na seken tam le.

Tarou ta Jon 3:8

Siyer badeh, atohou salan labai, ou anuhun kurun, arile ou winiyan batiye buku iy atohou udu loboho heh handru eme, o iy atohou ili loboho heh bwe. Taha kameh a buku aliy. Taha lau marakon badeh, kasahan ha-un ja na Malawin Ndrabun.”

Metiu 4:8

Ano ja balik andrei iy uru au ala bwele-e mandrei ari lawe-en, eme ma balik leheya iy ta boto-on ma lomadan tiri kon tinan mari badu munyak, iri kabin atondrok.

Metiu 11:27

Eme ma, Jises asehek ili ja buku doh, “Tama ndratehei lakou mari ndrame minek. Ya ari ndramak ja winiyan bala tanan jo bala mwasin bwe. Tama le ari tanan jo udu mwasin labai. Ya ari ndramak ja winiyan bala tanan tama bala mwasin bwe; jo nadun le ari tanan iy, hawe oro lau le jo ndranyowonyani oro ndrala mada taman, oro le tana oro tama.

Galesiya 2:2

Kindrei asehek sahou eme tek, i san ta ameh, eme ma jo ili. Aso ala asahan Jerusalem, ano jo ili atukum hawe iri lau ta mwena tiri lau ta Kindrei. Jo batukum hawe iri lau mari bwe. Jo atukum hawe iri lau ta mwena le tiri. Jo asehek tiri le ta sahou mwasin jo mene ndrasehek tiri mwan ma badih badu leheleh. Jo badeh, abudon i buku doh: “Kora-on iri basekesek ta sahou jo asehek dah bwe, ma iri gok jo amekes dah kameh iu laleyah.” Eme ma jo asehek nyala iri.