La-ukei ta Pol atorou ili tiri lau badu kon Rom 9:1 - Nyindrou1 Jo badu hawe Krais. Eme ma, sasah jo asehek dah badeh, wasai bwe, handru. Malawin Ndrabun atondrok bolo budon tek mari ma tiye tek, ta jo badeh, bawasai bwe. Gade chapit la |
Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.
Udu mada Kindrei ma hawe udu mada Jises hawe iri angelo ndrabun badeh, jo tiye sahou boto-on dah i tam, ta ou badeh, a-en hamon ta sahou batanau dah. Ma ou abudon kamwenen, ou sala mwasin ta ndramak mwasin tam le, ndri-iy. Ou badeh, a mwasin ta ndramak ndra-in ale, i buku le ndramak mwasin tam. I buku none ou manyah anuhun sahou turu, ou areu le alih turu, ta aseben uru ari ari. Ma budon doh badeh, kudu bolo lahou tam mari ou amekes.
Kindrei tanan budon tek. Eme ma, buku jo kawendreya badeh, Kindrei winiyan nyowani wendreya tek doh, iri mwan ma badih kameh winiyan atanan ta aliy. Arile, jo bawendreya bwe. Jo asehek handru. Jo bwalek edeu maha-an tinan ewek taha, ma abolosen ewek taha ta kandriyen ndra-in mene asahan ndrokowa aha. Eme ma, jo mene bawek hamon bawek Korin ta anyolom aha ja bwe.