La-ukei ta Pol atorou ili tiri lau badu kon Rom 8:7 - Nyindrou

⁷ Ya, are lau atehei karei ma lomondra ndra-in udu bolo budon tan badeh, kameh mesekei le bahun hawe Kindrei. Tasah, are lau amekes kandriyen i buku doh, iri lau doh badeh, batehei oro bala bahandra tondrok ta batanau malen ta Kindrei bwe, ya iri winiyan ba-en hamon ta batanau tan bwe.

La-ukei ta Pol atorou ili tiri lau badu kon Rom 8:7 Referans Kwoze

1 Korin 2:14

Are lau, Malawin Ndrabun bado hawen bwe, iy kameh winiyan bakohok iri lakou ta Malawin Ndrabun bwe. Tasah, iy abudon anya, ndramas kede-eh lakou laleyah. Eme ma, iy bala tanan lakou doh bamwenen bwe, tasah Malawin Ndrabun bado hawen ta aseben iy bwe.

Jemis 4:4

Aha badeh, ndraruwani Kindrei, i buku le badih ndraruwani udun, ya iy ndrasahan badih ta madasarah. Buku ari mwan o badih, iy aso-ok kandriyen badu kon munyak labai, iy lau le doh kameh baseken Kindrei bwe. Sebwe, aha tana aha bwe nadeh? Jo katiye taha ja, buku none ari ndramak anya kasahan kawas ta kandriyen badu kon munyak, iy ndrasahan lau ta bahun i ta Kindrei.

La-ukei ta Pol atorou ili tiri lau badu kon Rom 7:22

Ya udu bolo budon tek jo abudon anya batanau malen ta Kindrei badeh, mwasin, ya eme taha kasekesek ma ka-en hamon le ta aliy;

Hiburu 8:10

Jo Laban, jo kameh asehek sahou randra le dah hawe iri lau badu Isra-el na len eme: Jo kameh atehei kandriyen tek ili bolo budon tiri, ano kameh jo torowenei iri sahou tek udu bwele-e ade iri. Jo kameh asahan Kindrei tiri, eme iri kameh asahan iri lau mwan ma badih tek.

2 Timoti 3:4

Iri kameh atehei iri kawas tiri ili mine iri lau ndra-in ta bahun, ma a-en hamon ta budon tiri ndra-in. Iri kameh abudon iri le, ma iri aso-ok, ta amekes bada iri kasekesek, ma iri baso-ok Kindrei bwe.

Kolosi 1:21

Aha ale ado mwasin hawe Kindrei. Arile, bwena mene aha are len labai ta Kindrei, ma aha ta bahun hawen. Tasah, budon taha mene amekes bahun i tan, ma aha amekes kandriyen ta lomondra ndra-in.

La-ukei ta Pol atorou ili tiri lau badu kon Rom 8:4

Iy amekes doh, ta talou taha ame len, ya kandriyen mwasin ala batanau malen asehek badeh, kasahan handru, i tataha lau an hamon ta Malawin Ndrabun, ya sa-en hamon ta kandriyen ndra-in badu bolo oda taha aseken.

La-ukei ta Pol atorou ili tiri lau badu kon Rom 5:10

Bwena mene taha amekes bahun hawe Kindrei kahis le badeh, na le len doh Nadu Kindrei imek. Ta gok ta imek nane doh iy ndrabwidi kandriyen ta bahun mari udu ndrokowa Kindrei hawe taha, ma iy bwidi ndrine taha udu mwasin hawe Kindrei. Na dah, Nadu Kindrei, kohan handru ta udu le buku doh, winiyan bamak ja bwe. Eme ma, taha winiyan atanan handru, na koha nadun le doh, Kindrei kameh andrei taha ame hamon, ma iy kameh aseben taha tinan labai ja.

La-ukei ta Pol atorou ili tiri lau badu kon Rom 1:28

Ma laba tinan labai, iri batawi budon ta Kindrei mene leheya iri ta amekes bwe. Eme Kindrei ruwani iri ado ndrahun ta budon ndra-in tiri, ma kandriyen ndra-in iri samekes badeh, iri amekes ja.

Tarou ta Jon 7:7

Ndrine iri lau marakon badu kon munyak winiya bandra-i bawek tado bwe. Ndrine iri kameh andra-i eme tek, tasah jo asehek kandriyen ndra-in iri amekes.

La-ukei ta Pol atorou ili tiri lau badu kon Rom 3:31

Ya, buku iri mwan ma badih atehei budon tiri handru in ta Jises ma Kindrei aloh iri mwasin mara-ei, sebwe budon tiri handru doh badeh, akohok ta ano ma tubuloh batanau mene Kindrei edeu ili mine Moses nadeh? Bwai! Kandriyen ta budon handru doh, leheya taha i buku batanau badeh, boto-on le gwek.

La-ukei ta Pol atorou ili tiri lau badu kon Rom 1:30

Iri bwale iri Kindrei ma iri bobose iri lau, ya iri anya iri le ai, ma hawe iri atudun nyara iri, ya iri amekes tanan ha-un ta amekes kandriyen ndra-in, ma iri tebelese boho tama iri hawe tine iri.

Metiu 12:34

Idoh buku le aha Parasi. Aha lau buku le mwak ndra-in, ya aha winiyan bamekes sahou mwasin na boho aha bwe. Tasah, boho ndramak badeh, asehek iri budon solo-an ale idih ereu bolo ndrinen amwenen.

2 Pita 2:14

Arile, mada iri badeh, ndra ta karei le, ma oro badeh, abuyeh iri badih tasou ta amadin iri, eme iri winiyan baruwaniy ta amekes bwe. Ya, i buku iri anyolom are lau bales handru ta budon tan i ta Kindrei bwe, idah kameh iri asehek sahou nyaman ta atamas oro ka-en hamon tiri. Eme i san le doh kameh, iri amekes oro asahan lau tiri. Ma iri ale badeh, leheya iri le ta tanan mwasin labai ta aliu luk hawe lakou badu mine iri lau. Eme iri lau ta leheya tanan ta wasai doh badeh, Kindrei ndratandrakan ta iri kameh winiyan basahan ari ndramak awas bwe, oro ta amak le au.

Metiu 5:19

“Ya are lau winiyan banuhun randra sahou nadu bwisik ta batanau malen bwe, ma iy leheya lau ta iri ka-en hamon ta kandriyen tan doh, iy winiyan basahan bala tinan bado ta tondrok ta Kindrei, bwe. Arile, are lau none ma leheya lau ta iri kanuhun ma kamekes batanau malen, iy kameh, aloh nyaran i tinan handru udu bolo tondrok ta Kindrei.

1 Korin 9:21

Buku jo ili udu hawe iri lau, iri bado bahandra tondrok ta kandriyen malen bwe, badeh, kameh jo kamani kandriyen malen, ta ariu iri ame hamon. Arile, jo bamani kandriyen ta Kindrei bwe. Jo badeh, edek udu bahandra batanau handru ta Krais.

Kolosi 2:18

Eme ma, buku rayah mwan ma badih asehek ta nyala lakou iri ndranyolom udu bolo ameh tiri, ma buku iri anya korou sahou kewek taha, tasah aha ba-en hamon tiri bwe, ma batehei aha ba-au bala andri mara-ei bwe, ma batehei bwili ndru-u aha bala andri bala tiri angelo bwe; ya, aha badeh, kadeu kona aha kili tiri. Bar tiri mwan ma badih buku doh badeh, ta amekes lakou laleyah. Tasah, iri badeh, a-en hamon ta kandriyen ta ndrine iri malen atondrok iri kahis.