La-ukei ta Pol atorou ili tiri lau badu kon Rom 8:5 - Nyindrou

⁵ Are lau oro an hamon ta karei ma lomondra ndra-in badu bolo oda oro badeh, ndratehei budon toro ndrahas ndra ta aliy kabwe; arile, are lau oro an hamon ta budon ta Malawin Ndrabun badeh, atehei budon toro handru in hamon tan.

La-ukei ta Pol atorou ili tiri lau badu kon Rom 8:5 Referans Kwoze

1 Korin 2:14

Are lau, Malawin Ndrabun bado hawen bwe, iy kameh winiyan bakohok iri lakou ta Malawin Ndrabun bwe. Tasah, iy abudon anya, ndramas kede-eh lakou laleyah. Eme ma, iy bala tanan lakou doh bamwenen bwe, tasah Malawin Ndrabun bado hawen ta aseben iy bwe.

Tarou ta Jon 3:6

Saba lakou oda taha edeu, badeh ta oda taha. Ya saba lakou Malawin Ndrabun edeu, badeh ta Malawin Ndrabun.

La-ukei ta Pol atorou ili tiri lau badu kon Rom 8:9

Arile, i buku none aha katehei Malawin Ndrabun katondrok aha handru, ya aha karuwani budon ta karei ma lomondra ndra-in lolowa aha; idah kameh, aha a-en hamon ta budon ta Malawin Ndrabun leheya aha. Tasah, are lau bandrei Malawin Ndrabun ta Krais bwe, iy badeh badu hawe Krais bwe.

Tarou ta Mak 8:33

Arile Jises tubuni iy ma iy anyolom oro lau tan, eme ma iy to-en Pita anya, “Satan, ou a len a konak! Ou ba-en hamon ta budon ta Kindrei bwe. Ou a-en hamon le ta budon tiri lau.”

2 Korin 10:3

Handru, taha manyah ado kon munyak dah buku lau laleyah, arile ta bahun dah, taha atik balik ili andri, ahi bakohok ari lakou badu munyak ta amekes bahun doh, bwe.

2 Pita 2:10

Ya idoh kameh, asahan i handru i toro lau heh amekes kandriyen ta karei ta amadin bada oro, ma tebelese sahou i tiri lau ta atondrok oro. Iri lau ta leheya tanan ta wasai badeh, winiyan banoh, ma iri winiyan banuhun ari ndramak, ma babwerei ta aluhe iri lakou badu kandrah, bwe.

Epesus 5:9

Sun ta Kindrei badeh, udu hawe aha, ma iy amekes iri kandriyen mwasin, iri kandriyen amwenen, ma kandriyen ta sahou handru asahan eme lewan. Aha badeh, ka-en hamon tiri kandriyen doh.

1 Korin 15:48

Iri lau marakon badu munyak badeh, a buku le iy ndramak nane badu munyak. Ya iri lau marakon badu kandrah kameh asahan i buku le iy ndramak nane badu kandrah.

Galesiya 5:17

Tasah, so-ok ma kandriyen ta bada taha i randrah labai, bala buku none so-ok ma kandriyen ta Malawin Ndrabun bwe. Uru ma la-uh doh winiyan badek se bwe. Eme ma, iri lakou aha anya kamekes, aha winiyan bamekes bwe.