La-ukei ta Pol atorou ili tiri lau badu kon Rom 8:4 - Nyindrou

⁴ Iy amekes doh, ta talou taha ame len, ya kandriyen mwasin ala batanau malen asehek badeh, kasahan handru, i tataha lau an hamon ta Malawin Ndrabun, ya sa-en hamon ta kandriyen ndra-in badu bolo oda taha aseken.

La-ukei ta Pol atorou ili tiri lau badu kon Rom 8:4 Referans Kwoze

Galesiya 5:16

Eme ma, jo asehek i buku doh: Aha kalelei Malawin Ndrabun katondrok manyah ma kandriyen taha, ya, i buku aha amekes eh, aha winiyan ba-en hamon ta seken ta kandriyen ta bada aha ja bwe.

Kolosi 1:22

Arile, Krais ndramak ndrala bada kei tondreh, na lakou doh badeh, Kindrei bwidi ndrine aha asahan mwasin labai hawen. Iy amekes buku doh ta atiye aha ame hawen, aha kameh winiyan asahan ndrabun ma ha-un, ma ari ndra-in winiya bado ta madan ja bwe.

La-ukei atorou Jut 1:24

Kindrei badeh, winiyan tondrokei aha ado mwasin, ma aha winiyan bataku ta kandriyen ndra-in bwe. Iy winiyan andrei aha ala bolo lomadan ma ado kon tan mwasin. Eme ma, iri lau kameh winiyan basehek kandriyen taha bwe, aha kameh are ta sekesek le ai.

Hiburu 12:23

Idah aha ndruni iri nah Kindrei aso-ok iri tinan labai, nyara iri iy ndratorowenei udu bolo buk tan udu kandrah. Eme aha ndrasilahei Kindrei amwenen, iy atehei lau marakon are ta mada sahou. Ma malawi iri lau ale mwena mene ndramak, Kindrei aloh iri lau mwasin, ma iri ndrasahan mwasin labai ta madan.

Rebelesen 14:5

Iri mara-ei badeh, bamekes ari sahou wendreya o ari kandriyen ndra-in ta karei bwe.

1 Jon 3:2

Wurah lomada aha kawas tek, idah taha ndrasahan nadu Kindrei amwenen, arile hamon ta aliy kameh taha a buku sah? Taha tana taha bwe le, arile taha ndratanan, Jises kameh eme hamon, ya taha kameh asahan buku le iy amwenen, tasah taha kameh anyolom iy na mada taha amwenen.

La-ukei ta Pol atorou ili tiri lau badu kon Rom 2:26

Ya, i buku none iri are lau badu leheleh basan ku-i iri ba-en hamon ta batanau malen bwe, arile iri le badeh, an hamon ta batanau malen, sebwe iri i le buku none iri lau asan ku-i iri, ma iri asahan kawas ta Kindrei nadeh?

Tarou ta Luk 1:6

Uru ma la-uh badeh, bamekes se kandriyen ndra-in bandra-i ta mada Kindrei bwe. Uru badeh, an hamon handru ta sahou batanau ta Laban, ma an hamon ta kandriyen ta Laban mari.

La-ukei ta Pol atorou ili tiri lau badu kon Rom 3:31

Ya, buku iri mwan ma badih atehei budon tiri handru in ta Jises ma Kindrei aloh iri mwasin mara-ei, sebwe budon tiri handru doh badeh, akohok ta ano ma tubuloh batanau mene Kindrei edeu ili mine Moses nadeh? Bwai! Kandriyen ta budon handru doh, leheya taha i buku batanau badeh, boto-on le gwek.

2 Korin 10:2

Jo tiye taha ta len buku jo ewek, jo kameh winiyan asehek sahou boto-on labai ewek taha, arile jo bwalek amekes ai. Arile, jo kameh winiyan amekes ili tiri mwan ma badih nane orou sahou eme badak, anya jo badeh, ba-en hamon ta kandriyen ta Kindrei bwe, ta munyak le.

2 Korin 10:3

Handru, taha manyah ado kon munyak dah buku lau laleyah, arile ta bahun dah, taha atik balik ili andri, ahi bakohok ari lakou badu munyak ta amekes bahun doh, bwe.