La-ukei ta Pol atorou ili tiri lau badu kon Rom 8:3 - Nyindrou

³ Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.

La-ukei ta Pol atorou ili tiri lau badu kon Rom 8:3 Referans Kwoze

Galesiya 3:13

Arile, batanau malen le badeh, leheya taha buku taha winiyan ba-en hamon ta lakou mara-ei batanau malen tiye, bwe, ya taha kakohok maha-an ta aliy. Arile, Krais badeh aseben taha, iy ndrakonohei taha mene ado bolo maha-an ta batanau malen ndrame len. Iy le ari badeh, ari kandriyen ndra-in bwe, arile iy akohok kon tataha bwese maha-an tataha; tasah sahou ta Kindrei tiye i buku doh, “I buku, are lau atahi iy sukik udu bada kei ta kandriyen ndra-in tan badeh, iy udu bahandra maha-an ta Kindrei.” Dutoronomi 21:23

2 Korin 5:21

Iy Krais doh, iy tanan ta amekes kandriyen ndra-in bwe, arile Kindrei ndratukumwi kandriyen ndra-in tataha marakon ndrala le bwele-en, ma iy asahan i buku ari ndramak ndra-in handru. Iy amekes i buku doh, ta taha winiyan are hawe Krais, ma na le boto-on tan amwenen, taha winiyan asahan iri mwan ma badih mwasin ta mada Kindrei.

Hiburu 10:14

Ta salom tan ari le, iri lau Kindrei aloh iri ndra tan, iy eme ndrasikinei kandriyen ndra-in tiri marakon ndra-au, ma iy ndrabwidi iri ndrasahan mwasin labai ta are le buku doh.

1 Pita 2:24

Krais mene ndrabwese-ei kandriyen ndra-in tataha mari ere bolo odan, kala iy mene sukik udu bada kei tondreh. Iy mesekei kandriyen doh ta sikinei taha ta kandriyen ndra-in tataha, ma mesekei taha asahan lau ha-un ja. Ma taha kamekes kandriyen buku Kindrei le aso-ok, tasah Krais ndramak ta kandriyen ndra-in tataha, ma mesekei taha ndrasahan ndramwenen ja.

La-ukei ta Pol atorou ili tiri lau badu kon Rom 6:6

Sahou doh handru, tasah taha ndratanan ta kandriyen ndra-in ta ndrine taha malen badeh, ndratahiy i bada kei tondreh hawe Krais. Eme ya, bada taha ndra-in ta karei ma lomondra ndra-in ano, ma taha winiyan bala bonyo-ou ta karei ma lomondra ndra-in ja bwe.

Galesiya 3:21

Idoh badeh, ma mesekei batanau malen badek se hawe tandrakan ta Kindrei bwai? Bwe labai! I buku none batanau malen mene ndratehei winiyan edeu kohan ha-un ma mesekei lau manyah mwasin, badeh Kindrei winiyan aloh iri lau mwasin mara-ei ta madan na san ta batanau malen le.

La-ukei ta Pol atorou ili tiri lau badu kon Rom 8:32

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.

La-ukei ta Pol atorou ili tiri lau badu kon Rom 3:20

Tasah, Kindrei atehei batanau tan eme tataha, ta leheya taha ta kandriyen ndra-in tataha i buku sah. Batanau tan le doh, winiyan bamani kandriyen ndra-in tataha bwe. Eme ma, ari ndramak winiyan basahan mwasin ta mada Kindrei na lahou iy amekes in hamon ta batanau malen, bwe.

Hiburu 2:14

Oro nah nane Jises asehek doh, oro lau mwan ma badih. Eme Jises asahan ndramak awas ma konen i buku le oro, iy kameh winiyan imek, ma iri kandriyen doh kameh winiyan sulumwi boto-on ta balik nane, amekes iri lau amak.

Pilipai 2:7

Arile, iy atehei iy i buku ari ndramak laleyah, i buku ari bonyo-ou ma asahan i buku ndramak awas amwenen.

Hiburu 10:12

Arile Krais badeh, atehei iy i nyara salom ili ta iri kandriyen ndra-in, eme ma gok tan i buku pris asahan mwasin labai ta udu le buku doh. Ano iy iu ili manyah udu loboho mine Kindrei salin.

Hiburu 4:15

Tasah, nyamu taha amwenen winiyan batisih iri kandriyen ndra-in iu bwe. Arile tinan tiri pris tataha amwenen doh, iy le ari winiyan tikisi taha. Tasah, iri maha-an asahan tataha, badeh, mene ndrasahan tan ta none iy ale. Arile iy bamekes ari kandriyen ndra-in bwe.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

La-ukei ta Pol atorou ili tiri lau badu kon Rom 9:3

Ki buku none mwasin eh, jo aseken losen ta Kindrei keme la-uk, ya jo kakohok kon tiri lau ndraye ahi rabuk, keme len ta Krais, ya eme oro le kakohok kohan ta udu le buku doh.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Tarou ta Jon 9:24

Iri luhi iy ndramak nane eme hamon san rasan ja, ma iri asehek i tan, “Abo, ou tandrakan, ma masiye Kindrei na dah, ma ou asehek sahou handru! Ahi tanan, iy ndramak nane bwidi madam asak, iy badeh, irek ta lomondra ndra-in.”

Tarou ta Mak 15:27

Ya udu hawen ale iri atahi uru lau la-uh ta bahana ado kabeden. Ari ereu minen salin, ya ari ereu minen kamweu.

La-ukei ta Pol atorou ili tiri lau badu kon Rom 7:18

Eme jo tanan ta bolo odak badeh, kandriyen mwasin bado aliy bwe. Handru, bolo budon tek, jo aseken ta amekes kandriyen mwasin, arile winiyan bwe, kandriyen ndra-in udu le bolo odak kada-ah.