La-ukei ta Pol atorou ili tiri lau badu kon Rom 8:2 - Nyindrou

² Idoh handru, tasah na lahou ta Krais Jises, Malawin Ndrabun le badeh, mesekei taha ahis hawen, ma taha winiyan a-en hamon ta kandriyen ta kohan handru ma manyah mwasin. Ya, iy tolowei taha udu bolo kandriyen ta karei ma lomondra ndra-in, eme ma iri kandriyen doh winyan batondrok taha ma batiyani taha bala san ta imek ja bwe.

La-ukei ta Pol atorou ili tiri lau badu kon Rom 8:2 Referans Kwoze

La-ukei ta Pol atorou ili tiri lau badu kon Rom 6:14

Ya eme, karei ma lomondra ndra-in satondrok aha labai, tasah aha badeh, bado bahandra batanau malen ja bwe; aha badeh, ado bahandra tikisiy ta Kindrei labai.

2 Korin 3:17

Na dah, Laban badeh, ndra Malawin Mwasin; ma are lau Malawin Mwasin ta Laban udu hawen, iri kameh ari maha-an ta a-en hamon ta batanau ta Moses ja bwe. Ma iri ale kameh are len labai ta kandriyen ndra-in.

La-ukei ta Pol atorou ili tiri lau badu kon Rom 6:18

Aha badeh, ndrame len ta karei ma lomondra ndra-in, ya eme aha ndrasahan bonyo-ou ta amekes le kandriyen mwasin ta udu mada Kindrei.

2 Korin 3:6

Kindrei amwenen mene bwidi ahi winiyan, ma ahi bwidi gok tan ta sahou randra le ha-un nane doh. Sahou randra le ha-un nane doh, bala buku batanau ta Moses bwena mene bwe. Idoh lakou ha-un ja Malawin Ndrabun badeh, amekes asahan. Batanau malen ta Moses badeh, leheya taha kameh amak le. Iy nyamun ta edeu kohan buku lakou Malawin Ndrabun amekes asahan eme tataha bwe.

1 Korin 15:45

Iri torowenei sahou udu bolo buk ndrabun ta Kindrei i buku doh, “Ndramak ma bwena handru badeh, Adam, iy andrei kohan.” Jenesis 2:7 Arile Adam ari ja badeh, asahan hamon labai, iy asahan ta Malawin Mwasin ta edeu kohan handru ili ta lau marakon.

Tarou ta Jon 8:36

Ya, buku Nadu Ndramak Awas ndrabwidi aha ndramani iri gok taha bonyo-ou, badeh, kameh aha winiyan bamekes gok ta bonyo-ou ja bwe.

Tarou ta Jon 8:32

Idah kameh aha atanan sahou handru, ma sahou handru kameh bwidi aha mani gok taha bonyo-ou.”

La-ukei ta Pol atorou ili tiri lau badu kon Rom 7:4

Eme ya, aha nadu tine, aha badeh, i buku aliy. Aha ndrahas hawe bada Krais, eme ma aha ndramak hawen. Ma batanau malen ta Moses winiyan basehek taha ja bwai. Idoh i buku aha ndramak, ma batanau malen winiyan batondrok aha ja bwe, ma aha are laleyah. Nadah, aha atasou a ta mwan ari ja, iy imek ma iy amak eme loken ta imek tan, ta taha winiyan amekes iri kandriyen mwasin Kindrei aso-ok.

La-ukei ta Pol atorou ili tiri lau badu kon Rom 6:22

Arile na dah, Kindrei le ndrakunoh aha ndrame len ta karei ma lomondra ndra-in, ya na dah, aha ndrasahan bonyo-ou ta Kindrei. Ya bundruwe lakou aha akohok doh kameh winiyan tiyani ou asahan mwasin handru ala akohok koham handru udu le buku doh.

Tarou ta Jon 6:63

Oda ndramak winiyan badeu kohan handru bala ta ndramak bwe. Idoh badeh Malawin Ndrabun edeu kohan handru. Sahou jo asehek ewek taha badeh, ta Malawin Ndrabun, ma iri sahou doh edeu koha iri ewek taha.

Tarou ta Jon 4:14

Buku are lau a-un gwa, jo edeu i wa-in, balen kameh winiyan bamar ja bwe. Gwa nane jo edeu i wa-in doh kameh asahan i buku gwa mulin udu bolo odan eme loken ma edeu kohan handru ta winiyan bano bwe, kameh ta udu le buku doh.”

Tarou ta Jon 4:10

Jises eme asumon sahou tan ja i buku doh, “Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.”

Galesiya 5:1

Taha ado mwasin na dah, tasah Krais kuhi taha, ado bahandra batanau malen ame len. Eme ya aha badeh, kabadok aha, ta aha sala bonyo-ou sala baha maha-an ta batanau malen ja.

Galesiya 2:19

Tasah, jo tanan, i buku none jo anya kudu baha tondrok ta batanau malen le badeh, gok ta batanau malen le ta suni jo i san ta imek, ma jo ki buku iri lau ndramak. Arile, na dah, gok ta batanau malen doh kano ai. Ya jo badeh, ki hamon ja ta kandriyen mwasin ta mada Kindrei.

La-ukei ta Pol atorou ili tiri lau badu kon Rom 5:21

Kandriyen ndra-in le badeh, bwidi imek asahan, eme ma, ta kandriyen ndra-in le doh, iy asahan i buku kabin. Arile, na idah ja, tikisiy ta Kindrei ndrasahan ndra buku kabin. Tasah, ta gok ta tinan tataha, Jises Krais le, Kindrei badeh, tikisi taha, ano iy aloh taha lau mwan ma badih mwasin labai ta madan, eme ma taha akohok kohan handru kameh ta udu le buku doh.

La-ukei ta Pol atorou ili tiri lau badu kon Rom 7:21

Ya eme sendrehendreh ta aliy i buku doh: Jo anya kamekes kandriyen mwasin badeh, kandriyen ndra-in nane udu bolo odak kodo-on aliu jo amekes le kandriyen ndra-in ja.

Rebelesen 22:1

Angelo nane leheya jo ale ta gwa ari doh, kohan handru udu aliy, ta adeu ili wa-i iri lau. Lewen mara-ei, i buku torowe. Bare gwa doh badeh, udu loboho bada koyeu ta Kindrei uru Nadu Sipsip tan, arorou eme len.

La-ukei ta Pol atorou ili tiri lau badu kon Rom 3:27

Ya, i buku Kindrei amekes lakou doh ta aseben taha, ya saba madasan handru kameh taha katudun nyara taha le amwenen? Kameh bwe nadeh! San doh ndraso mara-ei. Arile, ta saba katin handru san doh ndraso mara-ei? Sebwe taha ba-en hamon ta batanau Kindrei edeu i mine Moses mene bwe, eme ya, idoh le badeh, sokei san ta atudun nyara taha le nadeh? Bwe! Kandriyen ta adeu budon handru i ta Jises, idoh le adeh, sokei san mara-ei ta atudun nyara taha.

Rebelesen 11:11

Udu hamon ta len taloh ranah nane doh ano badeh, Kindrei aluhi kohan ili turu, ma uru suri uru ales; ma iri lau anyolom uru, ma mani iri mara-ei atur, ma iri anoh andra-i labai.

La-ukei ta Pol atorou ili tiri lau badu kon Rom 7:23

arile jo ja anyolom kandriyen randrah ja amekes lahou udu bolo odak mari, ya kandriyen doh akek eme hawe bar tek ta lomondra mwasin. Eme ma kandriyen doh sawei jo udu baha boto-on ta karei ma lomondra ndra-in sokoro-ei bolo odak mari.

La-ukei ta Pol atorou ili tiri lau badu kon Rom 8:1

Ya eme sendrehendreh ta lakou mari i buku doh: Are lau asahan ari buruwen hawe Krais Jises badeh, batanau malen ta Kindrei winiyan batiyani iy bala ta mada sahou ma badeu maha-an bala tan ja bwe.

La-ukei ta Pol atorou ili tiri lau badu kon Rom 16:3

Jo anya katiye sahou ta sekesek tek doh ki ta Prisila uru udun Akwila. Uru badeh, ta badu hawek ta amekes lahou ta Krais Jises.

Galesiya 6:2

Aha badeh, kabwese maha-an ta nadu tine aha ari ja. Ya i buku none aha kamekes kandriyen doh, aha an hamon ta kandriyen ta Krais.

Jemis 1:25

Arile, sahou ta Kindrei udu bolo tarou malen ma hawe sahou mwasin badeh, amekes gok ta atokos kandriyen ndra-in iu, ma bwidi taha ado mwasin. Batanau doh badeh, amwenen mara-ei. Buku taha mwan o badih anyolom batanau doh amwenen ma a-en hamon ta sahou tan handru, ma Kindrei kameh winiyan amekes iri gok mara-ei tiri mwan o badih nane asahan mwasin labai. Ma iri mwan ma badih buku doh badeh, iri winiyan banuhun sahou laleyah doh bwe, ma maniy suwi labai.