La-ukei ta Pol atorou ili tiri lau badu kon Rom 8:16 - Nyindrou

¹⁶ Ma ale Malawin Ndrabun tiye udu bolo koha taha anya, “Aha badeh, nadu Kindrei.”

La-ukei ta Pol atorou ili tiri lau badu kon Rom 8:16 Referans Kwoze

1 Jon 4:13

I buku sah handru taha kameh atana taha, buku taha an hawe Kindrei? Ya Kindrei in hawe taha? Taha atana taha, tasah iy ndratehei Malawin Ndrabun ndrame la-u taha.

2 Korin 1:22

Iy mene atehei kalem tan amwenen eme tataha: Iy atehei Malawin Ndrabun eme ndrine taha. Ma Malawin Ndrabun doh i buku ari le tiri lakou Kindrei anya kedeu taha hamon. Eme ma taha winiyan atanan i buku doh: Handru labai, Kindrei kameh edeu iri lakou marakon, iy mene tandrakan ta aliy eme tataha.

2 Korin 5:5

Kindrei le ari badeh, ndralokowani taha ta akohok koha taha ha-un doh. Ma iy ndratehei Malawin Ndrabun ndrame tataha. Handru labai, Malawin Ndrabun, iy i buku sahou tandrakan ta Kindrei, ta iy kameh edeu iri lakou hamon, iy mene tiye ta edeu eme ta taha.

Epesus 1:13

Ma aha lau badu leheleh, aha ndrasahan lau ta Kindrei ale, kala le aha mene anuhun sahou handru. Sahou mwasin doh amekes, ma Kindrei atehei aha ahis hawe Krais. Aha atehei budon taha handru in ta Krais, ma Kindrei ndratehei Malawin Ndrabun ndrawek taha i buku kalem ta lakou, iy ndratandrakan ta edeu.

La-ukei ta Pol atorou ili tiri lau badu kon Rom 8:26

Ya eme i le buku aliy, na len taha nyamu taha bwe badeh, Malawin Ndrabun eme aseben taha. Tasah, taha tana taha san ta amekes salom ki buku sah bwe, taha aden le udu ndrine taha na sahou rayah taha winiyan basehek na boho taha bwe; arile i buku none taha aso ta asehek sahou badeh kameh, Malawin Ndrabun le i nyara boho taha ndremenya Kindrei ta aseben.

Epesus 4:30

Aha samekes ndrine Malawin Ndrabun ta Kindrei sandra-i, ta kandriyen aha a-en hamon ta aliy. Aha kabudon kamwenen. Kindrei ndratehei Malawin Ndrabun buku kalem ndrawek taha ta aha katondrok len ta Kindrei eme akohok taha ame hamon ja.

2 Korin 1:12

Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.

La-ukei ta Pol atorou ili tiri lau badu kon Rom 8:23

Oro lakou ala Kindrei mesekei le bwe; taha mari mene asahan ma mwena handru akohok Malawin Ndrabun badeh, mesekei ndrine taha eden handru udu bolo taha ma taha ado le, ma koha taha apwe ta taha kasahan nadun handru ta nyo-ou. Na len doh kameh taha akohok bada taha ha-un ame hamon.

1 Jon 5:10

Buku are lau, iy atehei budon tan handru in ta Nadu Kindrei, iy ndramak doh, sahou handru ta Kindrei doh badeh, udu ndrinen. Are lau, iy batehei budon tan handru ba-en ta Kindrei bwe, iy ta tebelese, ma aloh Kindrei ta wasai, tasah iy batehei budon tan ba-en ta sahou, Kindrei asehek ta nyala nadun bwe.

Metiu 5:9

“Sekesek handru i toro lau ala abadok ta amekes kandriyen mwasin ta mondrei, ya idah kameh iri aloh oro nadu Kindrei.

Tarou ta Luk 20:36

Iri kameh asahan buku iri angelo, ya iri badeh, nadu Kindrei labai, tasah iri amak ame awas ja.

Tarou ta Jon 1:12

Arile, are lau mwan o badih iri atehei budon tiri in tan; ma aso-ok iy labai, iri le doh kameh winiyan asahan nadu Kindrei handru.

Aposel 5:32

Ya, eme aso dah badeh, anyolom lakou mari doh, na mada aso amwenen. Ma hawe Malawin Ndrabun ta Kindrei ale bwidiy aleu iri lakou doh. Kindrei badeh, winiyan edeu Malawin i tare lau, buku none iy anuhun bohon.”

La-ukei ta Pol atorou ili tiri lau badu kon Rom 8:14

Tasah, are lau oro alelei budon ta Malawin Ndrabun atondrok oro, oro baden eh, nadu Kindrei.

La-ukei ta Pol atorou ili tiri lau badu kon Rom 8:19

Tasah, iri lakou mari badu munyak ma kandrah badeh, ado le abe-en, ma hawe koha iri apwe ta anyolom len eme kameh, Kindrei edeu bwabwai ta masiye i ta nadun iri.

La-ukei ta Pol atorou ili tiri lau badu kon Rom 9:8

Kati sahou doh badeh, i buku doh: Lau solo-an abudon anya Abraham badeh, tubu iri, arile nah adeu eme len i buku taha ndranyolom doh kameh asahan nadu Kindrei ai, bwe. Nah ala asahan i san ta kandriyen ta atehei budon handru in ta tandrakan ta Kindrei, iri nah le don adeh asahan lundriye Abraham handru.

La-ukei ta Pol atorou ili tiri lau badu kon Rom 9:26

ma, “Idah kameh, asahan amwenen le ndra kon heh, sahou mene asehek i toro anya, ‘Aha badeh, lau tek bwe,’ udu kon doh kameh aloh iri badeh, ‘nadu Kindrei, iy kohan ta udu le buku doh.’ ” Hoseya 1:10

2 Korin 6:18

“Ma jo kameh asahan tama aha, ma aha kameh asahan naduk iri handru. Laban badeh, iy kati iri boto-on mari; iy amwenen asehek i buku doh.” 2 Samuwel 7:14; 7:8

Galesiya 3:26

Aha mari atehei budon taha handru in ta Krais Jises. Ya, na kandriyen doh, aha asahan nadu Kindrei, ma aha ahas hawe Krais.

Galesiya 4:6

Eme ma Kindrei suni Malawin Mwasin ta nadun Jises eme udu ndrine taha ari ari, tasah taha ndrasahan nadun. Eme ma iy bwidi taha aloh i ta Kindrei i buku doh, “Tama, tama.”

1 Jon 3:1

Aha katou, tama taha Kindrei badeh, tikisiy ma aso-ok taha labai, eme ma iy aloh taha nadun handru. Ehe, idoh handru! Taha nadu Kindrei handru. Iri lau badu munyak ale amekes kandriyen ndra-in, ya iri batehei budon ba-en hamon ta kandriyen mwasin ta Kindrei bwe. Eme ma iri tana iri Kindrei bwe, ma ta kati budon doh iri tana iri, buku taha ndrasahan nadu Kindrei, ma taha a-en hamon ta kandriyen tan mwasin.

1 Jon 3:2

Wurah lomada aha kawas tek, idah taha ndrasahan nadu Kindrei amwenen, arile hamon ta aliy kameh taha a buku sah? Taha tana taha bwe le, arile taha ndratanan, Jises kameh eme hamon, ya taha kameh asahan buku le iy amwenen, tasah taha kameh anyolom iy na mada taha amwenen.

1 Jon 3:10

Buku none aha anya katana aha, are lau handru nadu Kindrei, ma are lau handru badu hawe tama balik Satan, san in aliy: Iri lau mwan ma badih ale bamekes kandriyen mwasin bwe, ma iri batehei ndrine iri mwasin bala ta nadu tine iri ari ja, ta Krais bwe, badeh, iri nadu Kindrei bwe.

Rebelesen 21:7

Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri lau doh kameh akohok lakou mara-ei doh badu minek amwenen. Jo kameh asahan Kindrei tiri, ma iri asahan naduk.