La-ukei ta Pol atorou ili tiri lau badu kon Rom 8:1 - Nyindrou

¹ Ya eme sendrehendreh ta lakou mari i buku doh: Are lau asahan ari buruwen hawe Krais Jises badeh, batanau malen ta Kindrei winiyan batiyani iy bala ta mada sahou ma badeu maha-an bala tan ja bwe.

La-ukei ta Pol atorou ili tiri lau badu kon Rom 8:1 Referans Kwoze

2 Korin 5:17

Ya, bolo len dah, are lau mwan o badih, atehei budon tiri mara-ei in ta Krais, badeh, Kindrei ndrabwidi iri ndrasahan ha-un labai. Eme ma, kandriyen malen bwena ndra-au mara-ei, ma kandriyen mwasin ha-un ndrasahan.

Galesiya 3:13

Arile, batanau malen le badeh, leheya taha buku taha winiyan ba-en hamon ta lakou mara-ei batanau malen tiye, bwe, ya taha kakohok maha-an ta aliy. Arile, Krais badeh aseben taha, iy ndrakonohei taha mene ado bolo maha-an ta batanau malen ndrame len. Iy le ari badeh, ari kandriyen ndra-in bwe, arile iy akohok kon tataha bwese maha-an tataha; tasah sahou ta Kindrei tiye i buku doh, “I buku, are lau atahi iy sukik udu bada kei ta kandriyen ndra-in tan badeh, iy udu bahandra maha-an ta Kindrei.” Dutoronomi 21:23

La-ukei ta Pol atorou ili tiri lau badu kon Rom 5:1

Taha ndratehei budon tataha ndra tan ma Kindrei ndraloh taha lau mwasin mara-ei ta madan. Eme ma Laban tataha Jises Krais bwidi ndrokowa Kindrei ma ndrokowa taha badeh, udu mwasin, ma iy bwidi ndrine taha kamunum kudu le hawe Kindrei.

1 Korin 1:30

Tasah, Kindrei ndratehei aha ndrahis hawe Krais Jises, ma iy atehei Krais asahan kati iri tanan mwasin tataha. Na iy le, taha asahan ndrabun ma lau mwasin labai ta madan. Ma iy ale i nyara san ta Kindrei akohok taha ame hamon ja.

La-ukei ta Pol atorou ili tiri lau badu kon Rom 8:34

Are lau winiyan tiye anya taha ndrandra-i? Lau bwe! Krais Jises le badeh, mene imek, ya eme ja, iy amak eme loken ili manyah udu kabede taman loboho lim salin! Ya eme iy le aseben taha na sahou.

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

Tarou ta Jon 15:4

Arile ado badeh, kahis badak, jo kihis bada ado ale. Buku andra waen bahis badan tinan bwe, idah kameh iy winiyan bato-ou salin bwe. Idoh i buku ado bahis badak bwe, ado kameh winiyan bato-ou sali ado bwe.”

Pilipai 3:9

Jo ihis hawe Krais doh badeh, bala san ta jo in hamon ta kandriyen malen tiri Juwis bwe, arile i san ta budon handru le i ta Krais badeh, jo asahan ndramak mwasin udu mada Kindrei anyolom jo na len jo atehei budon tek handru i ta Krais.

La-ukei ta Pol atorou ili tiri lau badu kon Rom 8:14

Tasah, are lau oro alelei budon ta Malawin Ndrabun atondrok oro, oro baden eh, nadu Kindrei.

1 Korin 15:22

I buku doh: Iri lau mwan ma badih bwena mene ahis hawe Adam, iri marakon badeh ndramak. I buku le, iri lau mwan ma badih ahis handru hawe Krais, iri kameh amak ame awas ja, ma akohok koha iri mwasin.

Galesiya 5:16

Eme ma, jo asehek i buku doh: Aha kalelei Malawin Ndrabun katondrok manyah ma kandriyen taha, ya, i buku aha amekes eh, aha winiyan ba-en hamon ta seken ta kandriyen ta bada aha ja bwe.

La-ukei ta Pol atorou ili tiri lau badu kon Rom 8:4

Iy amekes doh, ta talou taha ame len, ya kandriyen mwasin ala batanau malen asehek badeh, kasahan handru, i tataha lau an hamon ta Malawin Ndrabun, ya sa-en hamon ta kandriyen ndra-in badu bolo oda taha aseken.

La-ukei ta Pol atorou ili tiri lau badu kon Rom 8:39

ma na saba lakou ja Kindrei mesekei, iri lakou mara-ei doh winiyan bapwai taha ta bolo tikisiy ta Kindrei bwe. Tikisiy tan doh eme tataha i san ta Krais Jises, iy Laban tataha.

Galesiya 5:25

Malawin Ndrabun edeu kohan handru eme tataha; eme ma taha kalelei iy katondrok bolo tekedek tataha.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

Tarou ta Jon 14:20

Len doh kameh asahan taha, ma aha kameh atanan ta jo badeh, in hawe tama, aha a-en hawek, ma jo in hawe aha.

La-ukei ta Pol atorou ili tiri lau badu kon Rom 7:20

Eme ya, i buku none jo amekes sasah nane jo bwalek amekes, jo le amwenen badeh, batiyani kandriyen ndra-in bwe. Idoh badeh, karei ma lomondra ndra-in udu bolo odak le amekes lahou doh.

La-ukei ta Pol atorou ili tiri lau badu kon Rom 7:17

Ya eme jo le amwenen badeh, batiyani kandriyen ndra-in bwe. Idoh badeh, karei ma lomondra ndra-in udu bolo odak le amekes lahou doh.

2 Korin 12:2

Jo tanan ndramak ta Krais ari. Udu bolo jaha ronoh hahuw (14) ndra-au, Kindrei badeh, andrei iy ma mwasin iu ili bolo kandrah loken, loken labai handru on. Sebwe, iy ma mwasin o malawin le, jo bala tanan bwai. Kindrei le ari badeh, tanan ai.

La-ukei ta Pol atorou ili tiri lau badu kon Rom 16:7

Ya sekesek tek doh ki ta Andronikus hawe Juniyas. Uru badeh, ndraye ahi rabuk ta amekes lahou hawek ya uru hawe jo mene aso ado bolo kou. Ya uru ma la-uh badeh, lahou turu ili labai udu bolo ndrokowa oro aposel ta Jises. Ma uru atehei budon turu handru i ta Krais bwena tek.

La-ukei ta Pol atorou ili tiri lau badu kon Rom 16:3

Jo anya katiye sahou ta sekesek tek doh ki ta Prisila uru udun Akwila. Uru badeh, ta badu hawek ta amekes lahou ta Krais Jises.

La-ukei ta Pol atorou ili tiri lau badu kon Rom 5:16

Ndramas ta Kindrei ma kandriyen ndra-in ale ta iy ndramak ari le nane, babwidi lakou bala le randra asahan tataha bwe. Winiyan bwe-en! Kandriyen ndra-in ari le ta iy ndramak nane bwidiy, ma Kindrei atehei lau mwan ma badih ala ta mada sahou, ma iy asehek i buku doh, “Iri marakon kandra-i ka-au mara-ei.” Arile, ndramas ta Kindrei i buku doh: Buku iri lau mwan ma badih amekes kandriyen ndra-in solo-an labai, Kindrei eme tikisi iri, iy eme aloh iri lau mwan ma badih mwasin labai ta madan.

La-ukei ta Pol atorou ili tiri lau badu kon Rom 8:2

Idoh handru, tasah na lahou ta Krais Jises, Malawin Ndrabun le badeh, mesekei taha ahis hawen, ma taha winiyan a-en hamon ta kandriyen ta kohan handru ma manyah mwasin. Ya, iy tolowei taha udu bolo kandriyen ta karei ma lomondra ndra-in, eme ma iri kandriyen doh winyan batondrok taha ma batiyani taha bala san ta imek ja bwe.

La-ukei ta Pol atorou ili tiri lau badu kon Rom 8:9

Arile, i buku none aha katehei Malawin Ndrabun katondrok aha handru, ya aha karuwani budon ta karei ma lomondra ndra-in lolowa aha; idah kameh, aha a-en hamon ta budon ta Malawin Ndrabun leheya aha. Tasah, are lau bandrei Malawin Ndrabun ta Krais bwe, iy badeh badu hawe Krais bwe.

La-ukei ta Pol atorou ili tiri lau badu kon Rom 8:11

Ya, ki buku none Malawin Ndrabun ta Kindrei mene mete-ei Jises ta imek tan amak eme loken, kamanyah kudu bolo aha, iy winiyan mete-ei aha amak ame loken i le buku Krais mene, iy mete-ei iy eme loken. Ma iy kameh aluhi kohan handru kameh i bada aha i san ta Malawin Ndrabun udu bolo aha.

Galesiya 3:26

Aha mari atehei budon taha handru in ta Krais Jises. Ya, na kandriyen doh, aha asahan nadu Kindrei, ma aha ahas hawe Krais.

Epesus 1:1

Jo Pol, jo aposel ari ta Krais Jises. Na so-ok tan amwenen, Kindrei atehei jo buku ari aposel, ma jo edek rakon, i rakon ta atiye sahou mwasin ta Jises Krais. Jo atorou la-ukei dah ewek taha mwan ma badih ta Kindrei, aha are kon tinan Epesus. Aha badeh, a-en hamon handru ta Krais Jises, ma aha ahis hawen.