La-ukei ta Pol atorou ili tiri lau badu kon Rom 7:8 - Nyindrou

⁸ Arile, kandriyen ta karei ma lomondra ndra-in silahei san ta bokoro-ei jo. Ya iri kandriyen doh i madasan ta batanau malen ma mesekei budon tek towodau ta amekes madak alikis lakou ari, ya lakou ari doh. Tasah, buku none batanau malen mene basehek tek bwe, idah nane karei ma lomondra ndra-in winiyan batowodau boto-on bwe.

La-ukei ta Pol atorou ili tiri lau badu kon Rom 7:8 Referans Kwoze

La-ukei ta Pol atorou ili tiri lau badu kon Rom 7:11

Tasah, kandriyen ta karei ma lomondra ndra-in badeh, silahei san tan eme mesekei jo amekes kandriyen ndra-in; eme ya i san le ta batanau malen badeh, karei ma lomondra ndra-in wasai jo ma idi jo imek.

1 Korin 15:56

Nyamu imek ta edeu sisi-in badeh, ta kandriyen ndra-in. Ma boto-on ta kandriyen ndra-in doh, eme ta batanau Kindrei mene atehei ili mine Moses.

La-ukei ta Pol atorou ili tiri lau badu kon Rom 4:15

Tasah, taha tanan, lahou ta batanau malen badeh, ta leheya losen, ma ta adeu maha-an i la-u iri mwan ma badih amekes kandriyen ndra-in. Batanau malen winiya baseben taha bakohok tandrakan ta Kindrei bwe. Ya, buku batanau malen aliy bwe eh, iri kandriyen ndra-in ale winiyan basahan ta mada sahou bwe le.

La-ukei ta Pol atorou ili tiri lau badu kon Rom 7:13

Handru, batanau malen badeh, mwasin labai. Arile, buku sah ja? Lakou mwasin doh bwidi jo imek deh? Bwe, bala buku badeh, bwe! Arile, idoh badeh, asahan na seken ta kandriyen ndra-in badu bolo oda taha mesekei taha tebelese sahou badu bolo batanau malen ma bwidi taha amak. Kindrei le alelei kandriyen ndra-in amekes gok doh, tasah iy aseken kandriyen ndra-in doh keme lewan, ma iri lau katanan buku kandriyen ta karei ma lomondra ndra-in badeh, ndra-in labai.

La-ukei ta Pol atorou ili tiri lau badu kon Rom 5:20

Udu hamon, iri lau akohok kandriyen ta batanau, eme bwidi iri sakalawi iri kandriyen ta batanau ili labai ja. Iri lau mara-ei amekes kandriyen ndra-in solo-an labai, arile Kindrei badeh tikisi iri tinan labai ja.

Tarou ta Jon 15:22

“Iri winiyan batona kandriyen ndra-in tiri bwe, buku jo bame basehek tiri bwe. Arile, na dah, jo asehek iri lakou ili tiri, eme ma iri ari madasan ta tone ndra-in tiri bwai.

La-ukei ta Pol atorou ili tiri lau badu kon Rom 7:17

Ya eme jo le amwenen badeh, batiyani kandriyen ndra-in bwe. Idoh badeh, karei ma lomondra ndra-in udu bolo odak le amekes lahou doh.

Tarou ta Jon 15:24

Iri winiyan batona kandriyen ndra-in tiri bwe, buku jo bamekes lakou bado ndrokowa iri bwe. Arile, na dah, jo amekes iri lakou ale, ari ndramak bamekes se bwe. Iri ndranyolom saba lakou jo amekes, eme ma iri baso-ok aru tama ja bwe.

Tarou ta Mak 7:22

Ya i buku none kandriyen ta madalakis ta lakou ta ndramak, ya kandriyen ta ramwes, kandriyen ta wendreya l au, kandriyen ta aten lau, kandriyen ta atudun nyaram, ma hawe kandriyen ta nyaladan.

La-ukei ta Pol atorou ili tiri lau badu kon Rom 3:20

Tasah, Kindrei atehei batanau tan eme tataha, ta leheya taha ta kandriyen ndra-in tataha i buku sah. Batanau tan le doh, winiyan bamani kandriyen ndra-in tataha bwe. Eme ma, ari ndramak winiyan basahan mwasin ta mada Kindrei na lahou iy amekes in hamon ta batanau malen, bwe.

La-ukei ta Pol atorou ili tiri lau badu kon Rom 7:9

Kabatana batanau malen bame bwe le badeh, jo anya jo mwasin ta mada Kindrei, ya jo bato-ou ta karei ma lomondra ndra-in bwe; arile na len batanau malen asahan badeh, karei ma lomondra ndra-in towodau udu ndrinek eme loken ma amekes jo imek.