La-ukei ta Pol atorou ili tiri lau badu kon Rom 7:7 - Nyindrou

⁷ Ya, i buku batanau malen mesekei kandriyen ndra-in towodau udu bolo oda taha eme loke badeh, taha kasehek ki buku sah bah? Batanau malen badeh, kandriyen ndra-in nadeh? Bwe! Arile, na batanau malen le badeh, mesekei jo i tanan karei ma lomondra ndra-in i buku sah. Batanau malen mene tiye anya, “Madam salikis lakou doh, lakou doh!” Eksodus 20:17; Dutoronomi 5:21 Ya, buku batanau malen batiye lakou doh bwe, jo badeh, winiyan bala tanan kandriyen ta madalakis i buku sah bwe

La-ukei ta Pol atorou ili tiri lau badu kon Rom 7:7 Referans Kwoze

La-ukei ta Pol atorou ili tiri lau badu kon Rom 3:20

Tasah, Kindrei atehei batanau tan eme tataha, ta leheya taha ta kandriyen ndra-in tataha i buku sah. Batanau tan le doh, winiyan bamani kandriyen ndra-in tataha bwe. Eme ma, ari ndramak winiyan basahan mwasin ta mada Kindrei na lahou iy amekes in hamon ta batanau malen, bwe.

La-ukei ta Pol atorou ili tiri lau badu kon Rom 4:15

Tasah, taha tanan, lahou ta batanau malen badeh, ta leheya losen, ma ta adeu maha-an i la-u iri mwan ma badih amekes kandriyen ndra-in. Batanau malen winiya baseben taha bakohok tandrakan ta Kindrei bwe. Ya, buku batanau malen aliy bwe eh, iri kandriyen ndra-in ale winiyan basahan ta mada sahou bwe le.

1 Korin 15:56

Nyamu imek ta edeu sisi-in badeh, ta kandriyen ndra-in. Ma boto-on ta kandriyen ndra-in doh, eme ta batanau Kindrei mene atehei ili mine Moses.

La-ukei ta Pol atorou ili tiri lau badu kon Rom 13:9

Tasah, taha tanan, batanau malen mene ndratorowenei tiye i buku doh, “Ou sateu badih udu mwan, ya ou sadai ndramak samak, ya ou sabahana, ya madam salikis lakou ta ndramak ari ja.” Eksodus 20:13-15, 17; Dutoronomi 5:17-19, 21 Ma saba batanau malen ja badu hawe oro doh badeh, sukik le bada batanau ari le doh: “Ou aseken iri lau ari ari badu hawem, i le buku ou aso-ok ou le.” Lebitikus 19:18

La-ukei ta Pol atorou ili tiri lau badu kon Rom 7:8

Arile, kandriyen ta karei ma lomondra ndra-in silahei san ta bokoro-ei jo. Ya iri kandriyen doh i madasan ta batanau malen ma mesekei budon tek towodau ta amekes madak alikis lakou ari, ya lakou ari doh. Tasah, buku none batanau malen mene basehek tek bwe, idah nane karei ma lomondra ndra-in winiyan batowodau boto-on bwe.

1 Tesalonaika 4:5

Aha salelei bada aha ta amekes lomondra ma kandriyen ndra-in, ma madalakis laleyah, i buku iri lau tana iri Kindrei bwe amekes.

La-ukei ta Pol atorou ili tiri lau badu kon Rom 3:5

Taha kasehek ki buku sah bah? (Jo asehek sahou dah i buku taha ndramak asehek). Ki buku kandriyen ndra-in taha ale amekes, idoh badeh, leheyani iri mwan ma badih ta kandriyen mwasin ta Kindrei, ya idah kameh, taha kasehek saba sahou bah? Taha katiye anya ja, Kindrei edeu maha-an eme la-u taha le badeh, ari katin bwe?

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.

Epesus 5:3

Eme ma, kandriyen ta karei, ma lomondra ndra-in marakon, ma hawe kandriyen ta madalakis sasahan ndrokowa aha. Aha mwan ma badih ta Kindrei, kora-on aha kasihi san tiri mwan ma badih, korou sahou kewek taha amekes kandriyen i buku doh.

La-ukei ta Pol atorou ili tiri lau badu kon Rom 7:13

Handru, batanau malen badeh, mwasin labai. Arile, buku sah ja? Lakou mwasin doh bwidi jo imek deh? Bwe, bala buku badeh, bwe! Arile, idoh badeh, asahan na seken ta kandriyen ndra-in badu bolo oda taha mesekei taha tebelese sahou badu bolo batanau malen ma bwidi taha amak. Kindrei le alelei kandriyen ndra-in amekes gok doh, tasah iy aseken kandriyen ndra-in doh keme lewan, ma iri lau katanan buku kandriyen ta karei ma lomondra ndra-in badeh, ndra-in labai.

La-ukei ta Pol atorou ili tiri lau badu kon Rom 7:11

Tasah, kandriyen ta karei ma lomondra ndra-in badeh, silahei san tan eme mesekei jo amekes kandriyen ndra-in; eme ya i san le ta batanau malen badeh, karei ma lomondra ndra-in wasai jo ma idi jo imek.

La-ukei ta Pol atorou ili tiri lau badu kon Rom 7:5

Tasah, bwena mene, kandriyen ta karei ma lomondra ndra-in badu bolo taha badeh, ndratondrokei taha. Ma batanau malen mesekei kandriyen ta karei ma lomondra ndra-in doh towodau udu bolo oda taha eme loke; eme ya ta katin doh taha mene adek san ta tiyani taha ala bolo imek.

La-ukei ta Pol atorou ili tiri lau badu kon Rom 6:15

Ya taha kasehek ki buku sah bah? Taha badeh, bare bahandra batanau malen ta Moses ja bwe. Taha badeh, are bahandra tikisiy ta Kindrei labai, ma iy aloh taha lau mwasin labai ta madan. Ya, mwasin tataha ka-en hamon ta so-ok tataha le ma amekes kandriyen ndra-in? Bwe handru en!

La-ukei ta Pol atorou ili tiri lau badu kon Rom 4:1

Abo, taha kasehek tubu taha Abraham ki buku sah bah? Saba tanan iy ndra aliy, ya ma iy takalahei?

Aposel 20:33

Jo badeh, bawasai ta akohok ra-ei kolau tado ma hawe bakohok ari silba hawe bek nyikilikin bwe.

Tarou ta Luk 12:15

Ano Jises tiye i tiri mwan ma badih, “Bale ado kudu tado! Mada ado kaleu tado, ta ado badeh, saseken lakou doh, lakou doh le, tasah koha ndramak badeh, winiyan bado luluwen na lakou solo-an doh, bwe. I buku tan lakou solo-an labai, arile iri lakou mari doh kameh winiyan basebenei koham ta udu le buku doh, bwe le.”

Metiu 5:28

Arile, jo katiye kewek tam, ki buku none ari ndramak kanyolom boto-on kili bada ari badih ta amekes budon ndra-in ta karei kili tan, iy ndramak doh ndramesekei karei hawe iy badih doh ndrado ndrinen kabwe.

Jenesis 3:6

Eme i badih dah anyolom kei dah ma buwan badeh mwasin labai ta aimon, eme iy lomondra, “Mwasin handru en i buku jo kasahan badih ta tanan.” Eme iy andrei rayah ma iy aimon ai. Ano badeh iy andrei rayah i mine udun ma udun aimon ale.

Tarou ta Luk 20:16

Iy kameh idi oro lau doh amak, ma iy kameh atehei bilin ili mine iri lau rayah ja kabo gok ta aliy.” Ya iri lau anuhun sahou sokek doh aleu labai, eme iri anya, “Sasahan ai, ma ndri-iy ai!”

La-ukei ta Pol atorou ili tiri lau badu kon Rom 5:20

Udu hamon, iri lau akohok kandriyen ta batanau, eme bwidi iri sakalawi iri kandriyen ta batanau ili labai ja. Iri lau mara-ei amekes kandriyen ndra-in solo-an labai, arile Kindrei badeh tikisi iri tinan labai ja.

Hiburu 7:19

Iy babwidi ari lakou basahan bala mwasin bwe. Eme ma Kindrei sihi madasan rasan ja, idoh udu mwasin ja ta kandriyen malen. Taha atondrok madasan doh, eme ta madasan le doh, taha kameh winiyan ala mirihik ta Kindrei.