La-ukei ta Pol atorou ili tiri lau badu kon Rom 7:5 - Nyindrou

⁵ Tasah, bwena mene, kandriyen ta karei ma lomondra ndra-in badu bolo taha badeh, ndratondrokei taha. Ma batanau malen mesekei kandriyen ta karei ma lomondra ndra-in doh towodau udu bolo oda taha eme loke; eme ya ta katin doh taha mene adek san ta tiyani taha ala bolo imek.

La-ukei ta Pol atorou ili tiri lau badu kon Rom 7:5 Referans Kwoze

Epesus 2:3

Taha marakon mene badeh, asahan buku iri mwan ma badih doh, ma taha an ndra hamon ta so-ok ndra-in ta budon tataha malen. Ya, taha ndra-en hamon tiri lakou marakon, bada taha ma budon tataha anya kamekes. Taha ado buku le aliy, ma taha kameh winiyan akohok ndramas ndra-in doh, buku iri mwan ma badih rayah ba-en hamon ta Kindrei bwe.

Galesiya 5:24

Eme, are lau oro badu hawe Jises Krais badeh, ndrasani san ta kandriyen ta bada oro satondrok oro. Idoh i le buku oro ndratahi so-ok ndra-in ta bada oro kimek ki-in bada kei tondreh.

Galesiya 3:10

Are lau oro abudon anya oro winiyan an hamon le ta batanau malen mari, eme ma Kindrei kameh sekesek ta budon toro doh, badeh kameh oro akohok andra-i na len iri ales an ta mada sahou ta Kindrei. Tasah, ari ndramak winiyan ba-en hamon ta lakou mari batanau malen tiye iy kamekes, bwe. Idoh i buku le sahou ta Kindrei ndratiye, “Are lau ba-en hamon ta lakou mari torowenei udu bolo buk ta batanau malen dah bwe, Kindrei le kameh edeu maha-an i tiri!” Dutoronomi 27:26

La-ukei ta Pol atorou ili tiri lau badu kon Rom 6:13

Aha badeh, sadeu sese bada aha sala buku none ndron ta ndrole karei ma lomondra ndra-in. Arile aha kadeu bada aha ki mine Kindrei, i buku none oro lau mene amak, ano Kindrei mesekei oro amak ame loken ja, ma aha kadeu bada aha mari ki buku ndron ta ndrole kandriyen mwasin.

La-ukei ta Pol atorou ili tiri lau badu kon Rom 6:21

Arile, na len mene doh, aha akohok saba lakou mwasin ewek taha ta kandriyen ndra-in aha mene amekes? Iri kandriyen ndra-in nane atehei le bwilima ewek taha, neh? Bundruwe lakou mari doh, imek le!

1 Jon 3:4

Iri lau ale amekes kandriyen ndra-in, iri badeh, ba-en hamon ta batanau malen ta Moses bwe. Tasah, kandriyen ndra-in badeh, ba-en hamon ta sahou batanau bwe.

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.

1 Korin 15:56

Nyamu imek ta edeu sisi-in badeh, ta kandriyen ndra-in. Ma boto-on ta kandriyen ndra-in doh, eme ta batanau Kindrei mene atehei ili mine Moses.

Jemis 4:1

Saba lakou handru ale amekes bahun hawe losen udu bolo ndrokowa aha? Sebwe iri kandriyen ta ndrine aha ato-ou ta losen suwi, badeh, udu bolo oda aha, ma amekes bahun hawe budon ma tanan mwasin ta atondrok bada aha mara-ei.

Jemis 1:15

Ya nadah, jo anya kasehek sahou sokek ari i buku doh: Kandriyen ta ndrine taha towodau badeh, i buku badih atehei nah udu ndrinen eme len. Nyara badih doh badeh, “Kandriyen ta ndrine ndramak towodau.” Ya, nyara nah doh badeh, “Kandriyen ndra-in.” Na len kandriyen ndra-in asahan i tinan, iy badeh, leheya kandriyen ndra-in asahan, iri aloh imek.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

Epesus 2:11

Aha ndratanan, na mine iri le amwenen, iri lau badu Isra-el mene asan ku-i iri. Ma iri aloh aha lau tiri bwe. Eme ma, aha kabudon kili hamon ja, aha mene are buku sah handru.

La-ukei ta Pol atorou ili tiri lau badu kon Rom 7:23

arile jo ja anyolom kandriyen randrah ja amekes lahou udu bolo odak mari, ya kandriyen doh akek eme hawe bar tek ta lomondra mwasin. Eme ma kandriyen doh sawei jo udu baha boto-on ta karei ma lomondra ndra-in sokoro-ei bolo odak mari.

La-ukei ta Pol atorou ili tiri lau badu kon Rom 6:23

Tasah, sihine karei ma lomondra ndra-in badeh, imek le. Arile, Kindrei edeu ndramas laleyah i ta lau badeh, kohan ta udu le buku doh i san ta Laban Jises Krais le.

La-ukei ta Pol atorou ili tiri lau badu kon Rom 6:19

Jo asehek sahou dah, i buku taha asehek kede-eh, tasah, i buku none jo kasehek ki san ta Malawin Ndrabun kameh batu aha winiyan bandrei bwe. Na len mene, aha alelei aha a bonyo-ou labai ta karei ma kandriyen ndra-in ta bada aha. Ya i le buku aliy, na dah aha alelei aha mara-ei ka bonyo-ou ta kandriyen mwasin winiyan tiyani manyah taha udu mwasin ma ndrabun buku Kindrei.

La-ukei ta Pol atorou ili tiri lau badu kon Rom 5:20

Udu hamon, iri lau akohok kandriyen ta batanau, eme bwidi iri sakalawi iri kandriyen ta batanau ili labai ja. Iri lau mara-ei amekes kandriyen ndra-in solo-an labai, arile Kindrei badeh tikisi iri tinan labai ja.

La-ukei ta Pol atorou ili tiri lau badu kon Rom 4:15

Tasah, taha tanan, lahou ta batanau malen badeh, ta leheya losen, ma ta adeu maha-an i la-u iri mwan ma badih amekes kandriyen ndra-in. Batanau malen winiya baseben taha bakohok tandrakan ta Kindrei bwe. Ya, buku batanau malen aliy bwe eh, iri kandriyen ndra-in ale winiyan basahan ta mada sahou bwe le.

La-ukei ta Pol atorou ili tiri lau badu kon Rom 3:20

Tasah, Kindrei atehei batanau tan eme tataha, ta leheya taha ta kandriyen ndra-in tataha i buku sah. Batanau tan le doh, winiyan bamani kandriyen ndra-in tataha bwe. Eme ma, ari ndramak winiyan basahan mwasin ta mada Kindrei na lahou iy amekes in hamon ta batanau malen, bwe.

La-ukei ta Pol atorou ili tiri lau badu kon Rom 1:26

Ya eme ta katin doh badeh, Kindrei ruwani minen iu tiri. Ma eme iri amekes karei hawe iri ari ari. Ma iri badih badeh, amadin iri le amwenen.

Tarou ta Jon 3:6

Saba lakou oda taha edeu, badeh ta oda taha. Ya saba lakou Malawin Ndrabun edeu, badeh ta Malawin Ndrabun.

Metiu 15:19

Iri lakou mari ale asahan ta budon ta ndramak badeh, lolowa ndramak amekes lomondra ndra-in. Lakou buku none, budon ndra-in, kandriyen ta adai ndramak imek, ya iri kandriyen mari ta karei, ma kandriyen ta amekes tasou andra-i, kandriyen ta bahana, kandriyen ta amekes sahou wasai ereu mada iri lau ta anuhun sahou, ma kandriyen ta amekes sahou ndra-in i bada ndramak ari ja.

2 Korin 10:3

Handru, taha manyah ado kon munyak dah buku lau laleyah, arile ta bahun dah, taha atik balik ili andri, ahi bakohok ari lakou badu munyak ta amekes bahun doh, bwe.