La-ukei ta Pol atorou ili tiri lau badu kon Rom 7:4 - Nyindrou

⁴ Eme ya, aha nadu tine, aha badeh, i buku aliy. Aha ndrahas hawe bada Krais, eme ma aha ndramak hawen. Ma batanau malen ta Moses winiyan basehek taha ja bwai. Idoh i buku aha ndramak, ma batanau malen winiyan batondrok aha ja bwe, ma aha are laleyah. Nadah, aha atasou a ta mwan ari ja, iy imek ma iy amak eme loken ta imek tan, ta taha winiyan amekes iri kandriyen mwasin Kindrei aso-ok.

La-ukei ta Pol atorou ili tiri lau badu kon Rom 7:4 Referans Kwoze

1 Pita 2:24

Krais mene ndrabwese-ei kandriyen ndra-in tataha mari ere bolo odan, kala iy mene sukik udu bada kei tondreh. Iy mesekei kandriyen doh ta sikinei taha ta kandriyen ndra-in tataha, ma mesekei taha asahan lau ha-un ja. Ma taha kamekes kandriyen buku Kindrei le aso-ok, tasah Krais ndramak ta kandriyen ndra-in tataha, ma mesekei taha ndrasahan ndramwenen ja.

La-ukei ta Pol atorou ili tiri lau badu kon Rom 8:2

Idoh handru, tasah na lahou ta Krais Jises, Malawin Ndrabun le badeh, mesekei taha ahis hawen, ma taha winiyan a-en hamon ta kandriyen ta kohan handru ma manyah mwasin. Ya, iy tolowei taha udu bolo kandriyen ta karei ma lomondra ndra-in, eme ma iri kandriyen doh winyan batondrok taha ma batiyani taha bala san ta imek ja bwe.

Epesus 2:15

Ma iy ndrakahei kandriyen malen mene ta Moses hawe iri sahou batanau badu hawen badeh ndra-au. Iy amekes i buku doh ta atukum iri mwan ma badih badu Isra-el amwenen, ma iri mwan ma badih badu kon leheleh. Ma iri asahan lau rabuk ha-un ja ahis le hawe Krais. Ta kandriyen doh le, bwidi ndrine taha udu mwasin labai.

La-ukei ta Pol atorou ili tiri lau badu kon Rom 7:6

Arile, na dah, taha ndramak, ma taha ruwani iri lakou mene tawi taha, ma taha ndrame len. Taha winiyan bare bahandra tondrok ta kandriyen bwena ndratorowenei udu bolo batanau malen ja bwai. Arile taha ka-en hamon ta san ha-un ta Malawin Ndrabun aseben taha.

Galesiya 5:18

Arile, i buku none aha a-en hamon ta Malawin Ndrabun eh, badeh, aha ba-en baha batanau malen bwai.

Kolosi 1:22

Arile, Krais ndramak ndrala bada kei tondreh, na lakou doh badeh, Kindrei bwidi ndrine aha asahan mwasin labai hawen. Iy amekes buku doh ta atiye aha ame hawen, aha kameh winiyan asahan ndrabun ma ha-un, ma ari ndra-in winiya bado ta madan ja bwe.

La-ukei ta Pol atorou ili tiri lau badu kon Rom 6:22

Arile na dah, Kindrei le ndrakunoh aha ndrame len ta karei ma lomondra ndra-in, ya na dah, aha ndrasahan bonyo-ou ta Kindrei. Ya bundruwe lakou aha akohok doh kameh winiyan tiyani ou asahan mwasin handru ala akohok koham handru udu le buku doh.

Galesiya 3:13

Arile, batanau malen le badeh, leheya taha buku taha winiyan ba-en hamon ta lakou mara-ei batanau malen tiye, bwe, ya taha kakohok maha-an ta aliy. Arile, Krais badeh aseben taha, iy ndrakonohei taha mene ado bolo maha-an ta batanau malen ndrame len. Iy le ari badeh, ari kandriyen ndra-in bwe, arile iy akohok kon tataha bwese maha-an tataha; tasah sahou ta Kindrei tiye i buku doh, “I buku, are lau atahi iy sukik udu bada kei ta kandriyen ndra-in tan badeh, iy udu bahandra maha-an ta Kindrei.” Dutoronomi 21:23

La-ukei ta Pol atorou ili tiri lau badu kon Rom 6:14

Ya eme, karei ma lomondra ndra-in satondrok aha labai, tasah aha badeh, bado bahandra batanau malen ja bwe; aha badeh, ado bahandra tikisiy ta Kindrei labai.

Kolosi 2:14

Idoh i buku Kindrei ndratarani la-ukei bilisiu, tarou ta batanau udu aliy. Ya tarou mene, turuki taha ta mada sahou, ma anya korou sahou eme tataha ta iri kandriyen ndra-in taha amekes bwena. Arile, Kindrei ndratolowei iri lakou buku doh: Udu kala Jises Krais imek udu bada kei tondreh, Kindrei andrei la-ukei nane doh, iy tatahiy ili bada kei tondreh, ma sokosowei iri tarou ta batanau mari ma sahou ta imek udu aliy iu.

Kolosi 1:10

Aru amekes salom doh, ta aha winiyan adek buku iri mwan ma badih handru ta Laban, ma iy kameh aso-ok iri kandriyen taha marakon. Ma aha kameh winiyan amekes iri gok mwasin. Eme ma, aha kameh winiyan atanan Kindrei amwenen.

Pilipai 1:11

Ya, i buku none ado adah na kandriyen mwasin ta Kindrei, i san ta Jises Krais aseben ado, idah kameh iri lau anyolom ma iri atudun Kindrei ta aliy.

Rebelesen 19:7

Nadah badeh, ndrine taha kudu mwasin ma taha kasekesek, ma katudun nyaran! Tasah, len ta tasou ta Nadu Sipsip badeh, ndrasahan. Ya, badih tan badeh, ndranyosowani iy.

La-ukei ta Pol atorou ili tiri lau badu kon Rom 6:2

Bwe handru en! Taha badeh, buku lau ndramak, ma taha ndraruwani kandriyen ta karei ma lomondra ndra-in. Eme ma, i buku sah handru, ya taha amekes kandriyen doh ili le gwek ai?

Kolosi 2:20

Aha tanan, aha badeh, ndramak hawe Krais, ma aha ndramani batanau ndra-in tiri kabin ta bwena tiri malawin ndra-in badu munyak dah. Buku sah handru, na dah ja, aha anya kadek buku iri mwan ma badih badu kon munyak? Kora-on aha ndranuhun rayah mwan ma badih anya kariu aha, ma a-en hamon ta batanau doh:

Pilipai 4:17

Idoh ta tiye anya ja, jo aseken lakou, bwe. Arile, jo aseken labai ta takaleh rayah lakou ta Kindrei ja kewek la-u lakou rayah mwasin tado mene ado ndrakohok.

Tarou ta Jon 3:29

Aha kabudon sahou tek doh: Ndramak mwan ari sudi badih, iy badih doh kameh ili udun. Kawas ta iy mwan ili ales ereu le ai, iy atehei ndranyen, ma iy sekesek labai ta anuhun boho ndramak nane asoh badih. I buku nane dah, sekesek ndratuhi jo mara-ei.

Metiu 26:26

Kala oro aimon nyamon doh, Jises kuhi jabi ramen, ma iy asolom i la-un, iy boso-ei i noro lau tan, ma iy anya, “Ado kakohok ma ado kaimon, idah odak amwenen.”

Rebelesen 21:9

Ano, angelo ari badu hawe oro ma ndro taloh mene, tawi bwekei ma ndro taloh irek na losen ta Kindrei udu aliy, eme hawek asehek i buku doh, “Ou ame ma jo kaleheya ou ta udu Nadu Sipsip, iy badih doh kameh i tasou i tan.”

Hiburu 10:10

Taha ndrasahan ndra buku iri lau ndrabun, tasah Krais anuhun Kindrei, ma iy atehei badan amwenen i nyara salom san rasan le ma kabwe.

2 Korin 11:2

Tasah, jo abudon solo-an ta tekedek taha, i buku Kindrei abudon boto-on labai tiri lau mwan ma badih tan, kora-on iri katelei san mwasin. Jo aso-ok aha ka-en hamon handru ta Jises Krais le ari. Jo anya katehei aha kala mine Krais, buku tama badih bihin atik nadun anya kili bahandra mwan tan. Jo aso-ok aha kare le buku badih bihin iy bare bada ari mwan bwe le, winiya le len iy ili bahandra mwan tan nane uru ndra tandrakan ta atasou.

1 Korin 10:16

Taha adeu wurah i ta bwesam nane taha lau ta Kindrei a-un na aliy, ma ndremenya Laban ta nyosowaniy op. Bwesam le doh tukumwi taha ala se hawe ndraye Krais. Ya, jabi ramen nane taha abo-os ta taha anya kaimon, idoh badeh, tukumwi taha ahis hawe bada Krais.

Tarou ta Jon 15:8

Tama akohok lomadan tinan labai, ta aha ato-ou buwa kei solo-an labai. I san le doh bwidi aha asahan iri lau tek handru.

Tarou ta Jon 6:51

Jo jabi ramen kohan handru udu aliy, iy udu kandrah eme andri. Buku are lau iy aimon jabi ramen dah, kohan handru kameh udu le buku doh. Jabi ramen dah i buku odak, ta jo edeu ta koha iri lau badu kon munyak.”

Tarou ta Mak 4:20

Ya lau rayah ja, i buku none buwa wit ateh in munyak mwasin. Iri anuhun sahou ta Kindrei, eme iri tawiy ma iri ato-ou sali iri. Rayah asahan tonoh (30), rayah ndro hanoh (60), ma rayah asahan rinek (100).”

La-ukei ta Pol atorou ili tiri lau badu kon Rom 6:11

Ya eme i le buku aliy, taha ka-en hamon ta kandriyen ta Krais doh. Ya, taha kasehek nyala taha le ki buku doh: Taha mene ndramak hawe Krais, ya karei ma lomondra ndra-in winiyan batondrok taha ja bwe. Taha ndrahas hawe Krais, eme ma taha ndrakohok koha Kindrei ta udu le buku doh.

La-ukei ta Pol atorou ili tiri lau badu kon Rom 7:3

Ya, i buku none iy badih udun bamak bwe, ya iy ki ta mwan ari ja badeh, iy amekes karei, tasah udun ma mwena bamak bwe; arile ki buku none udun kimek badeh, sahou ta aliy bwai, iy winiyan i tasou ta ndramak ari ja. Idoh badeh, iy bamekes karei bwe, iy udu laleyah.