La-ukei ta Pol atorou ili tiri lau badu kon Rom 6:7 - Nyindrou

⁷ Tasah, are lau imek hawe Krais badeh, iy ndrano ta karei ma lomondra ndra-in, ma iri kandriyen ndra-in winiyan batondrok iy ja bwe.

La-ukei ta Pol atorou ili tiri lau badu kon Rom 6:7 Referans Kwoze

1 Pita 4:1

Krais mene ndrabwese-ei maha-an tinan labai, ta aseben taha, eme ma aha ale kalokou aha ta bwese maha-an buku asahan taha. Aha katawi budon taha ki buku le Krais. Aha sanoh ta bwese maha-an, ndri-iy, tasah ndramak ndrabwese-ei maha-an, iy ndraruwaniy, ma iy kameh bwalen amekes kandriyen ndra-in ja.

La-ukei ta Pol atorou ili tiri lau badu kon Rom 8:1

Ya eme sendrehendreh ta lakou mari i buku doh: Are lau asahan ari buruwen hawe Krais Jises badeh, batanau malen ta Kindrei winiyan batiyani iy bala ta mada sahou ma badeu maha-an bala tan ja bwe.

La-ukei ta Pol atorou ili tiri lau badu kon Rom 7:4

Eme ya, aha nadu tine, aha badeh, i buku aliy. Aha ndrahas hawe bada Krais, eme ma aha ndramak hawen. Ma batanau malen ta Moses winiyan basehek taha ja bwai. Idoh i buku aha ndramak, ma batanau malen winiyan batondrok aha ja bwe, ma aha are laleyah. Nadah, aha atasou a ta mwan ari ja, iy imek ma iy amak eme loken ta imek tan, ta taha winiyan amekes iri kandriyen mwasin Kindrei aso-ok.

La-ukei ta Pol atorou ili tiri lau badu kon Rom 7:2

Jo kasehek ki buku doh: Badih tasou asahan ari buruwen hawe udun na len iy bamak bwe. Arile, i buku none udun mwan imek badeh, kandriyen ta asahan ari buruwen badeh, batanau malen tiye ndrano.

La-ukei ta Pol atorou ili tiri lau badu kon Rom 6:8

Ya, i buku none taha ndramak hawe Krais badeh, taha atehei budon tataha handru, ta taha kameh manyah ado hawen ale.

La-ukei ta Pol atorou ili tiri lau badu kon Rom 6:2

Bwe handru en! Taha badeh, buku lau ndramak, ma taha ndraruwani kandriyen ta karei ma lomondra ndra-in. Eme ma, i buku sah handru, ya taha amekes kandriyen doh ili le gwek ai?

Metiu 11:19

Ya, jo Nadu Ndramak Awas, jo eme aimon nyamon, ma a-un gwa waen hawe iri lau. Eme ma iri lau asehek jo i buku doh, ‘Aden, aha katou iy ndramak ta aimon nyamon tinan, ma iy ndramak ta a-un gwa waen solo-an labai. Iy ndramak ndra-in labai. Tasah handru iy amekes kawas hawe iri lau ta akohok takis, ma iri lau ba-en hamon ta batanau ta Moses bwe?’ Ehe, iri amekes sahou i buku doh. Arile, are lau mwan ma badih ale idih ta budon ta Kindrei, iy kameh amekes kandriyen mwasin, ya iri lau kameh atana iri buku none ndramak doh edek san mwasin handru.”