La-ukei ta Pol atorou ili tiri lau badu kon Rom 6:6 - Nyindrou

⁶ Sahou doh handru, tasah taha ndratanan ta kandriyen ndra-in ta ndrine taha malen badeh, ndratahiy i bada kei tondreh hawe Krais. Eme ya, bada taha ndra-in ta karei ma lomondra ndra-in ano, ma taha winiyan bala bonyo-ou ta karei ma lomondra ndra-in ja bwe.

La-ukei ta Pol atorou ili tiri lau badu kon Rom 6:6 Referans Kwoze

Galesiya 2:20

Jo mene imek hawe Krais udu bada kei tondreh tan, eme na dah, jo badek ba-en hamon ta so-ok tek le amwenen ja bwai, arile na len dah badeh, Krais manyah udu hawek ma jo edek in hamon ta so-ok tan. Handru, na len dah, jo manyah le na budon tek handru i ta Nadu Kindrei. Tasah, iy le tikisi jo, ma iy le akohok kon tek imek udu ta kei tondreh.

Epesus 4:22

Sahou ta Krais dah badeh, i buku doh: Bwena mene, aha a-en hamon ta so-ok ta bada aha le amwenen. Iy aso-ok labai, iri kandriyen ta wasai, ma madalakis laleyah, ma hawe kandriyen doh badeh, bokoro-ei iy le. Eme ma, aha karuwi kandriyen malen doh udu ndrine aha keme len.

Galesiya 5:24

Eme, are lau oro badu hawe Jises Krais badeh, ndrasani san ta kandriyen ta bada oro satondrok oro. Idoh i le buku oro ndratahi so-ok ndra-in ta bada oro kimek ki-in bada kei tondreh.

Galesiya 6:14

Arile, jo le, jo winiyan batudun nyarak o nyara ndramak ari ja bwe. Jo kamasiye kei tondreh ta Laban tataha Jises Krais le. Tasah iy le imek udu bada kei tondreh tan. Ya, na lahou iy amekes doh, boto-on tiri kandriyen mari badu munyak badeh, ndramak ale udu budon tek. Ya, idoh ale, i buku jo imek udu bada kei tondreh hawen, eme ma jo winiyan ba-en hamon ta kandriyen badu munyak ja bwe.

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.

La-ukei ta Pol atorou ili tiri lau badu kon Rom 8:13

Tasah, i buku none aha katehei manyah taha mari badu bolo oda aha mari ki mine karei ma lomondra ndra-in, idah kameh, aha amak; arile i buku none aha katehei Malawin Ndrabun kasebenei aha katikahei karei ma lomondra ndra-in badu bolo oda aha ki-iu, idah kameh, aha winiyan bamak bwe, aha kameh ado le buku doh.

La-ukei ta Pol atorou ili tiri lau badu kon Rom 6:22

Arile na dah, Kindrei le ndrakunoh aha ndrame len ta karei ma lomondra ndra-in, ya na dah, aha ndrasahan bonyo-ou ta Kindrei. Ya bundruwe lakou aha akohok doh kameh winiyan tiyani ou asahan mwasin handru ala akohok koham handru udu le buku doh.

La-ukei ta Pol atorou ili tiri lau badu kon Rom 6:12

Eme ya, taha samokon karei ma lomondra ndra-in satondrok bada taha. Bada taha doh kameh imek le. Kora-on kandriyen ndra-in ariu budon tataha ma aha a-en hamon le ta seken ta bada taha.

La-ukei ta Pol atorou ili tiri lau badu kon Rom 7:14

Taha tanan, batanau malen badeh, Kindrei le edeu. Arile jo badeh, ndrala bonyo-ou ta karei ma lomondra ndra-in, tasah jo ba-en hamon ta seken ta Kindrei bwe.

2 Korin 5:14

Iri lakou marakon ahi amekes badeh, ta aseben ahi bwe. Tasah, tikisiy hawe so-ok ta Krais badeh, tutuni ahi ta amekes gok tan. Tasah, ahi ndratanan ta lakou ari le dah: Ndramak ari le tubuni taha ma iy ndramak, ma idoh i buku taha marakon amak ta iri lakou taha amekes mwena.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.