La-ukei ta Pol atorou ili tiri lau badu kon Rom 6:4 - Nyindrou

⁴ Handru, na alomwa taha badeh, taha a bolo imek ta Krais, eme ya, Kindrei ihi taha ala hawen i san ta alomwa taha a bolo imek tan. Eme ya, i buku none Krais mene amak eme loken ta imek tan i san ta boto-on ta taman, ma eme taha ale winiyan manyah ado bolo manyah ha-un.

La-ukei ta Pol atorou ili tiri lau badu kon Rom 6:4 Referans Kwoze

2 Korin 5:17

Ya, bolo len dah, are lau mwan o badih, atehei budon tiri mara-ei in ta Krais, badeh, Kindrei ndrabwidi iri ndrasahan ha-un labai. Eme ma, kandriyen malen bwena ndra-au mara-ei, ma kandriyen mwasin ha-un ndrasahan.

Kolosi 3:10

Ma aha ndrasahan ha-un ja. Ya, Kindrei le amwenen mene bwidi ndrine aha asahan ha-un ja. Ma len mari, iy edeu tanan ewek taha, ma iy bwidi aha asahan ha-un, ma kone ndramak doh i buku le Kindrei amwenen.

La-ukei ta Pol atorou ili tiri lau badu kon Rom 7:6

Arile, na dah, taha ndramak, ma taha ruwani iri lakou mene tawi taha, ma taha ndrame len. Taha winiyan bare bahandra tondrok ta kandriyen bwena ndratorowenei udu bolo batanau malen ja bwai. Arile taha ka-en hamon ta san ha-un ta Malawin Ndrabun aseben taha.

1 Pita 3:21

Gwa doh badeh, i buku le gwa mene iri alomwa aha lau a bolon. Tasah, Kindrei ndrandrei aha ndrame hamon na gwa ta alomwa. Arile, gwa ta alomwa doh, ta sikine badam ndraka-an bwe, idoh ta leheya i tiri lau mari, buku none aha aso-ok Krais, ma aha anya ka-en hamon ta kandriyen tan mwasin. Ya, ta akohok aha ame hawe Kindrei handru badeh, iy ndramete-ei Jises ndrareu bolo lek ndrame loken.

La-ukei ta Pol atorou ili tiri lau badu kon Rom 6:9

Tasah, taha ndratanan, na len Krais amak eme loken ta imek badeh, iy winiyan bamak ja bwe; ya imek winiyan batondrok iy ja bwe.

2 Korin 13:4

Handru, Krais mene asahan ndramak le, ma iy nyamun handru bwe. Eme ma, iri tatahi iy i bada kei tondreh, ma iy imek. Arile, nadah ja bwe. Na boto-on ta Kindrei laba tinan labai, bwidi iy amak eme awas ja. Ahi aposel badeh, ahis hawe Krais, ma ahi ale lau laleyah, ma ahi nyamu ahi bwe. Arile, na le boto-on ta Kindrei, ahi ale ado hawe Krais. Eme ma, ahi kameh adek bolo aha ta amekes ndrokowa aha kudu mwasin na boto-on dah.

La-ukei ta Pol atorou ili tiri lau badu kon Rom 6:3

Sebwe aha tana aha bwe nadeh? Alomwa taha badeh, amekes taha mara-ei asahan ari buruwen hawe Krais Jises, ma hawe alomwa taha a bolo imek tan.

1 Jon 2:6

Ya, buku are lau anya, “Jo ta Kindrei” o “Kindrei udu hawek,” tekedek ma hawe kandriyen tan mara-ei badeh, ki buku le ta Jises.

1 Korin 6:14

Na le boto-on ta Kindrei, iy mete-ei Laban udu bolo lek tan eme loken ja. Ma iy kameh mete-ei taha ale.

La-ukei ta Pol atorou ili tiri lau badu kon Rom 8:11

Ya, ki buku none Malawin Ndrabun ta Kindrei mene mete-ei Jises ta imek tan amak eme loken, kamanyah kudu bolo aha, iy winiyan mete-ei aha amak ame loken i le buku Krais mene, iy mete-ei iy eme loken. Ma iy kameh aluhi kohan handru kameh i bada aha i san ta Malawin Ndrabun udu bolo aha.

Epesus 4:17

Ta nyara Laban, jo anya kabatanau aha ki buku doh: Aha sa-en hamon ja, ta kandriyen tiri mwan ma badih badu kon munyak, iri tanan Kindrei bwe. Budon tiri badeh, ari katin bwe.

La-ukei ta Pol atorou ili tiri lau badu kon Rom 6:19

Jo asehek sahou dah, i buku taha asehek kede-eh, tasah, i buku none jo kasehek ki san ta Malawin Ndrabun kameh batu aha winiyan bandrei bwe. Na len mene, aha alelei aha a bonyo-ou labai ta karei ma kandriyen ndra-in ta bada aha. Ya i le buku aliy, na dah aha alelei aha mara-ei ka bonyo-ou ta kandriyen mwasin winiyan tiyani manyah taha udu mwasin ma ndrabun buku Kindrei.

Tarou ta Jon 11:40

Ano Jises asehek sahou i tan i buku doh, “Jo nane ndrasehek tam eh, i buku ou atehei budon tam mara-ei eme tek eh, idah kameh ou winiyan anyolom boto-on ta Kindrei.”

Aposel 2:24

Arile, Kindrei mete-ei iy amak eme awas ja ta imek; ma sebenei iy ta sisi-in ta imek. Tasah, imek badeh, winiyan batawi iy bwe.

Kolosi 4:1

Aha lau ta atondrok iri lau ta amekes gok taha, aha ale badeh, kamekes mwasin ma kandriyen amwenen kili tiri. Aha tanan, ndramak ta atondrok aha badeh, udu kandrah.

Epesus 5:8

Tasah, bwena mene aha are ndra bolo kandriyen ta lulik. Arile, na dah, aha ndrasahan iri mwan ma badih ta Laban, ma aha ndrame ta lomada sun, ma iy sihi mada aha ndrasak ta atanan iri kandriyen ndra-in mene aha amekes. Eme ma, aha ka-en hamon ta kandriyen mwasin, buku iri mwan ma badih are ta lomada sun.

Tarou ta Jon 2:11

Jises amekes lahou tinan hawe kalem ma bwena badeh, udu kon Kana udu loboho Galili. Ma iy leheya boto-on ma kandriyen tan, eme ma iri lau tan anyolom, ma iri atehei budon tiri handru in le tan.

Aposel 2:32

Kindrei badeh, mete-ei Jises amak eme awas ta imek. Eme ya aso dah badeh, asehek nyala lakou handru mene asahan.

La-ukei ta Pol atorou ili tiri lau badu kon Rom 6:8

Ya, i buku none taha ndramak hawe Krais badeh, taha atehei budon tataha handru, ta taha kameh manyah ado hawen ale.