La-ukei ta Pol atorou ili tiri lau badu kon Rom 6:3 - Nyindrou

³ Sebwe aha tana aha bwe nadeh? Alomwa taha badeh, amekes taha mara-ei asahan ari buruwen hawe Krais Jises, ma hawe alomwa taha a bolo imek tan.

La-ukei ta Pol atorou ili tiri lau badu kon Rom 6:3 Referans Kwoze

Galesiya 3:27

Aha ndralomwa, ma aha ndrala le se hawe Krais, eme ma aha ndrakohok kandriyen ta Krais.

La-ukei ta Pol atorou ili tiri lau badu kon Rom 6:8

Ya, i buku none taha ndramak hawe Krais badeh, taha atehei budon tataha handru, ta taha kameh manyah ado hawen ale.

1 Korin 12:13

Handru, taha rayah badeh, Juwis, ma rayah bwe. Taha rayah badeh, bonyo-ou, ma taha rayah badeh, bwe. Arile, Malawin Ndrabun ndratehei taha mara-ei ndrala ndrahis ta bada Krais le ari. Iy amekes doh bwena, kala taha mene alomwa taha na Malawin Ndrabun ari le nane, eme ma, Kindrei tiye iy ta eme ndrine taha mara-ei.

1 Pita 3:21

Gwa doh badeh, i buku le gwa mene iri alomwa aha lau a bolon. Tasah, Kindrei ndrandrei aha ndrame hamon na gwa ta alomwa. Arile, gwa ta alomwa doh, ta sikine badam ndraka-an bwe, idoh ta leheya i tiri lau mari, buku none aha aso-ok Krais, ma aha anya ka-en hamon ta kandriyen tan mwasin. Ya, ta akohok aha ame hawe Kindrei handru badeh, iy ndramete-ei Jises ndrareu bolo lek ndrame loken.

Aposel 2:38

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

Metiu 28:19

Ado kala kon mari, ya kamesekei iri lau mari kasahan lau tek, ado kalomwa iri na nyara tama, ma nadun ma hawe Malawi Ndrabun.

Jemis 4:4

Aha badeh, ndraruwani Kindrei, i buku le badih ndraruwani udun, ya iy ndrasahan badih ta madasarah. Buku ari mwan o badih, iy aso-ok kandriyen badu kon munyak labai, iy lau le doh kameh baseken Kindrei bwe. Sebwe, aha tana aha bwe nadeh? Jo katiye taha ja, buku none ari ndramak anya kasahan kawas ta kandriyen badu kon munyak, iy ndrasahan lau ta bahun i ta Kindrei.

1 Korin 9:13

Ou tanam, buku iri lau amekes gok ado bolo asiu tinan ta Kindrei, iri badeh, akohok nyamon badu asiu tinan ta Kindrei. Ya, iri lau amekes gok ta asun sipsip udu bwele-e mada koto-ok, iri badeh, akohok niri oda sipsip nane iri lau adeu ili ta asun ta nyara salom.

La-ukei ta Pol atorou ili tiri lau badu kon Rom 7:1

Aha nadu tine, jo asehek sahou dah i tiri lau ala tanan iri batanau malen. Sebwe aha ndratanan nadeh? Batanau malen badeh, winiyan atondrok ndramak ma mulin na le len iy udu bwele-e munyak dah. I buku iy ndramak, batanau malen winiyan batondrok iy ja bwai.

La-ukei ta Pol atorou ili tiri lau badu kon Rom 6:16

Aha ndratanan, buku none aha katehei aha ka bonyo-ou ta ari ndramak, ma aha kanuhun sahou tan, badeh, aha ndrasahan bonyo-ou tan kabwe. I buku aha a bonyo-ou ta karei ma lomondra ndra-in kameh, ndra-in ta aliy imek. Ya, buku none aha anuhun sahou ta Kindrei kameh, mwasin ta aliy kameh, iy aloh aha lau mwasin mara-ei ta madan.

Aposel 19:5

Oro anuhun sahou doh ano badeh, ma alomwa oro na nyara Laban Jises.

1 Korin 6:9

Aha tanan bwe nadeh? Iri lau ale ta amekes iri kandriyen ndra-in doh, iri kameh winiya bala bolo tondrok ta Kindrei bwe. Aha sawendreya ndrine aha amwenen. Iri lau marakon ale amekes kandriyen ndra-in ta karei, iri lau ale asolom ili ta sukumada kei, iri lau ale amekes karei hawe iri badih tasou, iri lau ale ta amekes iri kandriyen ta bwilima udu aliy hawe iri lau rayah ja,

1 Korin 5:6

Aha atudun nyara aha amwenen, eme ma kandriyen doh bamwenen bwe. Sebwe aha tanan sahou sokek doh, “Nadu kono-o yis sese le winiyan bwidi jabi ramen mara-ei apus eme loken.” Yis doh leheya kandriyen ndra-in.

Aposel 8:16

tasah Malawin Ndrabun badeh, bala la-u oro ari bwe le; oro badeh, alomwa oro na nyara Laban Jises le.

2 Korin 13:5

Aha katona ndrine aha ma katanan kamwenen, sebwe, aha atehei budon taha handru in ta Jises o bwe. Sebwe, aha ndratanan, Krais Jises badeh, udu ndrine aha. Buku bwe eh, budon taha ndrataras nadeh?

1 Korin 15:29

Ya ndremenya tek rayah i buku doh: Sahou ta Kindrei dah kameh mete-ei iri lau mwan ma badih ndramak bwena ado bolo lek tiri amak ame awas ja. Buku sahou dah handru bwe, tasah handru lau rayah ja anyu ta aseben iri lau mene ndramak bwena? Ya, saba tanan handru iri anya kamekes? Ya, buku iri lau mene ndramak, bamak bame awas ja bwe, tasah handru lau rayah anyu ta aseben iri ja?

1 Korin 3:16

Aha marakon ndratanan ndramwenen ta aha badeh, asiu ndrabun handru ta Kindrei, ma Malawin Mwasin tan in hawe aha.

1 Korin 6:19

Handru, bada aha badeh, taha le bwe. Bada aha badeh, buku asiu ndrok ta Malawin Ndrabun. Sebwe, aha babudon ta aliy bwe nadeh? Kindrei atehei Malawin Mwasin ndrawek taha, ma iy udu bolo oda aha. Eme ma aha taha le bwe, aha ta Kindrei ale.

1 Korin 9:24

Iri lau sakaliye ta nyorei, iri marakon sakaliye, arile ndramak ari le udu bolo iri marakon kameh akohok ndramas. Ya, aha kasakaliye boto-on ta akohok ndramas doh.

1 Korin 10:2

Udu bolo asi kandrah ma bolo gwa ndras doh, iri marakon anyu, eme iri asahan lau ta Moses, ma a-en hamon tan.