La-ukei ta Pol atorou ili tiri lau badu kon Rom 6:2 - Nyindrou

² Bwe handru en! Taha badeh, buku lau ndramak, ma taha ndraruwani kandriyen ta karei ma lomondra ndra-in. Eme ma, i buku sah handru, ya taha amekes kandriyen doh ili le gwek ai?

La-ukei ta Pol atorou ili tiri lau badu kon Rom 6:2 Referans Kwoze

1 Jon 3:9

Buku none are lau asahan nadu Kindrei, iy kameh bamekes kandriyen ndra-in ja bwe. Tasah, Kindrei ndrasahan taman, ma koha kandriyen mwasin udu la-un, ma iy kameh winiya ba-en hamon ta kandriyen ndra-in tan bwena bwe.

Kolosi 3:3

Tasah, aha badeh, ba-en hamon ta kandriyen badu munyak buku bwena, bwe. Aha a buku lau ndramak bwena labai. Ma kohan ha-un doh aha ndrandrei hawe Krais, idoh iri mwan ma badih badu kon munyak winiyan batou bwe. Udu mirihik hawe Kindrei, ma aton ta mada iri.

La-ukei ta Pol atorou ili tiri lau badu kon Rom 7:4

Eme ya, aha nadu tine, aha badeh, i buku aliy. Aha ndrahas hawe bada Krais, eme ma aha ndramak hawen. Ma batanau malen ta Moses winiyan basehek taha ja bwai. Idoh i buku aha ndramak, ma batanau malen winiyan batondrok aha ja bwe, ma aha are laleyah. Nadah, aha atasou a ta mwan ari ja, iy imek ma iy amak eme loken ta imek tan, ta taha winiyan amekes iri kandriyen mwasin Kindrei aso-ok.

1 Pita 2:24

Krais mene ndrabwese-ei kandriyen ndra-in tataha mari ere bolo odan, kala iy mene sukik udu bada kei tondreh. Iy mesekei kandriyen doh ta sikinei taha ta kandriyen ndra-in tataha, ma mesekei taha asahan lau ha-un ja. Ma taha kamekes kandriyen buku Kindrei le aso-ok, tasah Krais ndramak ta kandriyen ndra-in tataha, ma mesekei taha ndrasahan ndramwenen ja.

Galesiya 2:19

Tasah, jo tanan, i buku none jo anya kudu baha tondrok ta batanau malen le badeh, gok ta batanau malen le ta suni jo i san ta imek, ma jo ki buku iri lau ndramak. Arile, na dah, gok ta batanau malen doh kano ai. Ya jo badeh, ki hamon ja ta kandriyen mwasin ta mada Kindrei.

La-ukei ta Pol atorou ili tiri lau badu kon Rom 7:6

Arile, na dah, taha ndramak, ma taha ruwani iri lakou mene tawi taha, ma taha ndrame len. Taha winiyan bare bahandra tondrok ta kandriyen bwena ndratorowenei udu bolo batanau malen ja bwai. Arile taha ka-en hamon ta san ha-un ta Malawin Ndrabun aseben taha.

1 Pita 1:14

Aha kasahan ndramak ta anuhun sahou, tasah aha ndrasahan buku nadu Kindrei. Bwena mene aha budon mwasin bwe, ma aha an hamon ta budon ndra-in. Arile, na dah, aha sa-en hamon ta budon hawe kandriyen ndra-in taha bwena mene ja ai.

Kolosi 2:20

Aha tanan, aha badeh, ndramak hawe Krais, ma aha ndramani batanau ndra-in tiri kabin ta bwena tiri malawin ndra-in badu munyak dah. Buku sah handru, na dah ja, aha anya kadek buku iri mwan ma badih badu kon munyak? Kora-on aha ndranuhun rayah mwan ma badih anya kariu aha, ma a-en hamon ta batanau doh:

Galesiya 6:14

Arile, jo le, jo winiyan batudun nyarak o nyara ndramak ari ja bwe. Jo kamasiye kei tondreh ta Laban tataha Jises Krais le. Tasah iy le imek udu bada kei tondreh tan. Ya, na lahou iy amekes doh, boto-on tiri kandriyen mari badu munyak badeh, ndramak ale udu budon tek. Ya, idoh ale, i buku jo imek udu bada kei tondreh hawen, eme ma jo winiyan ba-en hamon ta kandriyen badu munyak ja bwe.

La-ukei ta Pol atorou ili tiri lau badu kon Rom 5:11

Ya lakou ari ja i buku doh: Kabin tataha Jises Krais, iy le ari bwidi ndrine taha asahan mwasin hawe Kindrei. Eme ma, ta gok tan nane doh, taha sekesek ta Kindrei handru.

Jenesis 39:9

Ari lau ja bado bwele-ek ja udu asiu dah bwe, jo le. Podipa badeh batawiy ari lakou bare minen ja bwe, arile udun: Tasah ou badeh udun labai. I buku sah handru kameh jo kamwekes kandriyen ndra-in ma karei ki ta Kindrei?”

Tarou ta Luk 20:16

Iy kameh idi oro lau doh amak, ma iy kameh atehei bilin ili mine iri lau rayah ja kabo gok ta aliy.” Ya iri lau anuhun sahou sokek doh aleu labai, eme iri anya, “Sasahan ai, ma ndri-iy ai!”

La-ukei ta Pol atorou ili tiri lau badu kon Rom 6:15

Ya taha kasehek ki buku sah bah? Taha badeh, bare bahandra batanau malen ta Moses ja bwe. Taha badeh, are bahandra tikisiy ta Kindrei labai, ma iy aloh taha lau mwasin labai ta madan. Ya, mwasin tataha ka-en hamon ta so-ok tataha le ma amekes kandriyen ndra-in? Bwe handru en!