La-ukei ta Pol atorou ili tiri lau badu kon Rom 6:12 - Nyindrou

¹² Eme ya, taha samokon karei ma lomondra ndra-in satondrok bada taha. Bada taha doh kameh imek le. Kora-on kandriyen ndra-in ariu budon tataha ma aha a-en hamon le ta seken ta bada taha.

La-ukei ta Pol atorou ili tiri lau badu kon Rom 6:12 Referans Kwoze

Galesiya 5:16

Eme ma, jo asehek i buku doh: Aha kalelei Malawin Ndrabun katondrok manyah ma kandriyen taha, ya, i buku aha amekes eh, aha winiyan ba-en hamon ta seken ta kandriyen ta bada aha ja bwe.

La-ukei ta Pol atorou ili tiri lau badu kon Rom 6:16

Aha ndratanan, buku none aha katehei aha ka bonyo-ou ta ari ndramak, ma aha kanuhun sahou tan, badeh, aha ndrasahan bonyo-ou tan kabwe. I buku aha a bonyo-ou ta karei ma lomondra ndra-in kameh, ndra-in ta aliy imek. Ya, buku none aha anuhun sahou ta Kindrei kameh, mwasin ta aliy kameh, iy aloh aha lau mwasin mara-ei ta madan.

La-ukei ta Pol atorou ili tiri lau badu kon Rom 8:13

Tasah, i buku none aha katehei manyah taha mari badu bolo oda aha mari ki mine karei ma lomondra ndra-in, idah kameh, aha amak; arile i buku none aha katehei Malawin Ndrabun kasebenei aha katikahei karei ma lomondra ndra-in badu bolo oda aha ki-iu, idah kameh, aha winiyan bamak bwe, aha kameh ado le buku doh.

Galesiya 5:24

Eme, are lau oro badu hawe Jises Krais badeh, ndrasani san ta kandriyen ta bada oro satondrok oro. Idoh i le buku oro ndratahi so-ok ndra-in ta bada oro kimek ki-in bada kei tondreh.

2 Korin 4:11

Ehe, ahi badeh, amekes gok ta Jises, ma ta iri len marakon ahi ado awas are kon munyak dah, iri mwan ma badih badeh, none ta adai ahi kamak. Arile, ahi bamak bwe le, ma idoh leheya iri mwan ma badih, buku koha Jises badeh, udu bolo oda ahi, oda ahi doh badu kon munyak le.

2 Timoti 2:22

Ya, Timoti, buku ou anya asahan buku bwekei mwasin don eh, idoh badeh, ou atobwak a len labai ta iri kandriyen ta ndrine iri lau loweu aso-ok. Ma ou abo gok boto-on in le hamon ta kandriyen mwasin ma amwenen, ma hawe budon mwasin ta Kindrei, kandriyen ta aso-ok iri mwan ma badih rayah ja, kandriyen ta ndrine taha kudu mwasin. Ma ou amekes iri kandriyen doh, hawe iri mwan ma badih, ndrine iri ndraleu mara-ei, ma iri asolom ili ta Kindrei kaseben iri ka-en hamon tan le amwenen.

Epesus 4:22

Sahou ta Krais dah badeh, i buku doh: Bwena mene, aha a-en hamon ta so-ok ta bada aha le amwenen. Iy aso-ok labai, iri kandriyen ta wasai, ma madalakis laleyah, ma hawe kandriyen doh badeh, bokoro-ei iy le. Eme ma, aha karuwi kandriyen malen doh udu ndrine aha keme len.

La-ukei ta Pol atorou ili tiri lau badu kon Rom 2:8

Arile, iri lau rayah ja aseken le budon tiri le, ma iri baseken sahou handru bwe, ya iri an hamon ta kandriyen ndra-in, iri kameh bwese maha-an hawe losen ta Kindrei.

1 Pita 2:11

Aha kawas tek, jo asehek sahou dah ewek taha, buku none aha areu kon munyak, kon taha bwe. Aha lau ta teteheh le, eme ma aha satehei kandriyen ta budon ma ndrine aha ndra-in sa-en bwena taha, ndri-iy. Tasah, kandriyen ndra-in ta budon ma ndrine aha badeh, kameh amekes bahun hawe malawi aha mwasin.

Taitus 2:12

Ma ale tikisiy tan badeh, leheya budon tataha aleu ta tiye taha sala bolo kandriyen ndra-in bamwenen ta mada Kindrei bwe. Ma taha badeh, karuwani kandriyen ndra-in taha amekes ta bada taha sekesek i buku iri lau badu munyak dah amekes, ki-iu. Arile, taha katondrok bada taha kudu mwasin, ma kamekes kandriyen mwasin i buku none lau handru ta Kindrei, na len mari udu bolo munyak na bolo len dah.

Epesus 2:3

Taha marakon mene badeh, asahan buku iri mwan ma badih doh, ma taha an ndra hamon ta so-ok ndra-in ta budon tataha malen. Ya, taha ndra-en hamon tiri lakou marakon, bada taha ma budon tataha anya kamekes. Taha ado buku le aliy, ma taha kameh winiyan akohok ndramas ndra-in doh, buku iri mwan ma badih rayah ba-en hamon ta Kindrei bwe.

La-ukei atorou Jut 1:18

Oro asehek nyala ado i buku doh, “Len hamon eme kameh, iri lau ta bobose kameh asahan, ya iri kameh adeu kona iri i ta Kindrei. Ya iri kameh an hamon ta budon tiri ma so-ok ta bada iri amwenen.”

1 Pita 1:14

Aha kasahan ndramak ta anuhun sahou, tasah aha ndrasahan buku nadu Kindrei. Bwena mene aha budon mwasin bwe, ma aha an hamon ta budon ndra-in. Arile, na dah, aha sa-en hamon ta budon hawe kandriyen ndra-in taha bwena mene ja ai.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

1 Tesalonaika 4:5

Aha salelei bada aha ta amekes lomondra ma kandriyen ndra-in, ma madalakis laleyah, i buku iri lau tana iri Kindrei bwe amekes.

La-ukei ta Pol atorou ili tiri lau badu kon Rom 13:14

Arile, aha katehei kandriyen ta Laban Jises Krais ki buku none awin taha, ma aha karuwani budon ta karei ma lomondra ndra-in badu bolo oda aha.

La-ukei ta Pol atorou ili tiri lau badu kon Rom 8:11

Ya, ki buku none Malawin Ndrabun ta Kindrei mene mete-ei Jises ta imek tan amak eme loken, kamanyah kudu bolo aha, iy winiyan mete-ei aha amak ame loken i le buku Krais mene, iy mete-ei iy eme loken. Ma iy kameh aluhi kohan handru kameh i bada aha i san ta Malawin Ndrabun udu bolo aha.

La-ukei ta Pol atorou ili tiri lau badu kon Rom 6:14

Ya eme, karei ma lomondra ndra-in satondrok aha labai, tasah aha badeh, bado bahandra batanau malen ja bwe; aha badeh, ado bahandra tikisiy ta Kindrei labai.

La-ukei ta Pol atorou ili tiri lau badu kon Rom 5:21

Kandriyen ndra-in le badeh, bwidi imek asahan, eme ma, ta kandriyen ndra-in le doh, iy asahan i buku kabin. Arile, na idah ja, tikisiy ta Kindrei ndrasahan ndra buku kabin. Tasah, ta gok ta tinan tataha, Jises Krais le, Kindrei badeh, tikisi taha, ano iy aloh taha lau mwan ma badih mwasin labai ta madan, eme ma taha akohok kohan handru kameh ta udu le buku doh.

La-ukei atorou Jut 1:16

Iri lau doh bolowa sahou ta Kindrei badeh, ma iri lau nane ta nunu-uh ma ta asehek lau laleyah. Iri a-en hamon le ta budon tiri ma so-ok ta bada iri amwenen. Iri badeh, asehek sahou laleyah, ta atudun nyara iri. Iri sosokok iri mwan ma badih ta bolowa lakou tiri buku luk.

2 Korin 5:4

Handru labai, taha lau marakon badeh, bada taha i buku asiu balei. Taha aden, tasah ta maha-a iri sisi-in taha bwese. Taha bala bwale bada taha badu munyak nane dah bwe. Arile, taha badeh, aso-ok bada taha ari ja ha-un nane Kindrei ndratandrakan ta edeu eme tataha, tasah bada taha doh kameh imek ma tubuni iy ja, ma akohok kohan ta ere le buku doh, ma iy winiyan bamak ja bwe.

Jenesis 4:7

I buku none ou amwekes lakou mwasin, i dah nane ou sekesek; arile ou ndramwesekei kandriyen ndra-in, eme karei ma lomondra ndra-in abe-en ou ma abwe-ek ou udu konam. Eme ou abadok doh?”