La-ukei ta Pol atorou ili tiri lau badu kon Rom 5:2 - Nyindrou

² Jises badeh, ndrasihi san ta taha lau mwan ma badih atehei budon in ta Kindrei, eme ma taha kameh winiyan ala bolo tikisiy tan, na idah taha areu aliy. Ma taha atondrok Kindrei ta akohok taha, idah kameh taha manyah ado lomadan tan mwasin ado kandrah. Ma idoh bwidi taha sekesek ta aliy.

La-ukei ta Pol atorou ili tiri lau badu kon Rom 5:2 Referans Kwoze

Epesus 2:18

Sahou doh handru. Tasah, na Krais le ari, taha lau marakon akohok Malawin ari le nane doh, ndrasihi san, ta taha winiyan asahan hawe tama taha Kindrei.

Epesus 3:12

Taha ndrahis hawe Krais na budon tataha. Jises badeh, san tataha ta ili asahan hawe Kindrei. Eme ma, taha winiyan banoh ta ame hawen bwe. Tasah, taha tanan iy kameh sekesek labai ta taha ame hawen.

1 Korin 15:1

Aha kawas tek, ma aha nadu tine, jo anya kasehek taha ja, ta aha samani iri sahou mwasin ta Kindrei mene jo ndrasehek ndrawek taha. Eme ma, aha ndratehei budon taha boto-on ndra-en hamon ta aliy.

1 Pita 3:18

Aha abudon Krais ale. Kandriyen tan mwasin handru, arile iy akohok andra-i ale. Ma iy badeh, ndramak, san rasan le ta kandriyen ndra-in tataha. Iy bamekes ari kandriyen ndra-in bwe, arile iy ili i buku saluwe taha ta kandriyen ndra-in tataha. Eme ma, iy anya kakohok taha kala hawe Kindrei. Iri adai iy, odan buku none taha dah, arile iy amak eme awas ja na Malawin Mwasin.

La-ukei ta Pol atorou ili tiri lau badu kon Rom 12:12

Na len ou anyolom bohon i bwena ta lakou Jises kameh edeu tam badeh, ou sekesek. Buku none maha ma isi katok tam, ou sanunu-uh ma ou ado le. Ma, na len mari, ou amekes salom ma ou ado le ta salom; ou sabudon anya Kindrei kameh winiyan bamesekei bwe, ndri-iy.

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

Tarou ta Jon 10:9

Jo le, jo madasan handru, are lau iy anya keme bolon loboho madasan jo udu aliy, iy kameh winiyan bamak bwe. Iy kameh winiyan edek ili bolon, ano iy eme manan ja, ta asilah nan bwidiu nyorowan badu kapa gwa.

2 Korin 4:17

Iy i buku doh: Iri maha-an marakon badeh, abo gok ta sokoso-ou ahi, iri ta len ranah le, ma tinan handru bwe. Arile, lakou doh lokowani ahi ta akohok manyah mwasin udu kandrah. Ma manyah udu kandrah doh kameh udu bwele-en labai tiri maha-an marakon doh nane asahan tahi.

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

La-ukei ta Pol atorou ili tiri lau badu kon Rom 15:13

Ya jo aseken Kindrei, ndramak ta edeu lakou mwasin, kamesekei bolo oda aha kidih na sekesek, ma hawe oda aha kudu mwasin ki-in hamon ta budon taha handru in tan. Ya eme ma budon taha kameh abadok ta anyolom bohon i bwena ta lakou mwasin na boto-on ta Malawin Ndrabun.

Rebelesen 21:23

Udu bolo kon tinan nane doh, an ma bun badeh, banya bwe, tasah lomada Kindrei le ari anya ili bwele-en. Ya, Nadu Sipsip badeh, anya i nyara sun ta aliy.

Rebelesen 21:3

Jo ale anuhun boho ndramak ari udu bada koyeu ta Kindrei asehek sahou boto-on labai i buku doh, “Nadah, ndrahu manyah ta Kindrei udu hawe lau mwan ma badih! Iy kameh manyah udu hawe iri, ma iri kameh asahan lau tan. Kindrei le amwenen kameh udu hawe iri, ma iy kameh asahan Kindrei tiri.

La-ukei ta Pol atorou ili tiri lau badu kon Rom 5:5

Handru, taha atondrok Kindrei ta aseben taha. Taha winiyan babe-en laleyah bwe, winiyan bwe-en! Tasah, Kindrei ndratehei Malawin Ndrabun ndrame. Eme ma Malawin Ndrabun ndranyuhi kandriyen ta Kindrei ta aseken labai iri lau ndrame ndrine taha.

La-ukei ta Pol atorou ili tiri lau badu kon Rom 3:23

Tasah, taha mari badeh, ta amekes kandriyen ndra-in, ma taha asahan i le randra. Taha ataras mara-ei ta kalem mene Kindrei atehei ma taha winiyan bala bolo lomadan tan bwe.

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

Tarou ta Jon 14:6

Jises eme tiye sahou i ta Tomas, “Jo le ari jo san handru, ma jo kati iri sahou handru, ma kati kohan handru kameh udu le buku doh. Ari ndramak winiya bala hawe tama, bala rasan san ja bwe. Iy kameh keme badak bwena.

Tarou ta Jon 10:7

Jises eme asehek sahou san rasan ja, “Jo tiye taha handru, jo madasan handru tiri sipsip.

Rebelesen 21:11

Nyikadi lomada Kindrei badeh, anya ili bwele-e kon tinan nane doh. Lomadan badeh, i randrah labai, i buku bek mwasin, sowan tinan labai. Lomadan i buku bek ari iri aloh jaspa, lewen mara-ei i buku torowe, ou winiyan anyolom udu bilisiu tabasi bilisiu.

Rebelesen 3:21

Ya, buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri lau doh, jo kameh tiye iri kame hawek ma katondrok iri lakou marakon hawek, i buku tama aso-ok jo kamanyah kudu hawen ta atondrok lakou marakon.

Hiburu 6:18

Sahou ma tandrakan, lakou ma la-uh doh winiyan batubuniy bwe, ma Kindrei ale winiyan bawendreya bwe. Ya, lakou ma la-uh doh bwidi ndrine taha abadok ta sakaliye ala hawe Kindrei ta aton are bahandra tondrok tan. Eme ma taha katawiy kihis kudu budon tataha, iri lakou nane iy ndratandrakan ta edeu eme tataha.

La-ukei ta Pol atorou ili tiri lau badu kon Rom 8:24

Kindrei mene ndrakohok taha ndrame hamon, tasah taha mene ndratehei budon tataha handru ndra-en tan. Ya nadah ale, taha atondrok ma atehei budon tataha handru ta lakou Kindrei kameh amekes eme tataha. Arile, iri lakou mwasin taha atondrok ta aliy badeh, ki buku none taha akohok handru, idah kameh taha batondrok ta aliy ja bwai. Tasah, buku none are lau ndratakalahei lakou nane doh, idah nane iy winiyan babe-en ja bwe, neh?

La-ukei ta Pol atorou ili tiri lau badu kon Rom 8:1

Ya eme sendrehendreh ta lakou mari i buku doh: Are lau asahan ari buruwen hawe Krais Jises badeh, batanau malen ta Kindrei winiyan batiyani iy bala ta mada sahou ma badeu maha-an bala tan ja bwe.

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Metiu 25:21

“Tinan tan anya, ‘Lohowan tek, ou ndramak mwasin, ou ndranyowo-ei lakou nadu bwisik, idah kameh jo mesekei ou atondrok lakou tinan; ou ala bolo kon tek ta sekesek.’

Epesus 6:13

Eme ma, aha kakohok iri nyasou marakon ta bahun nane Kindrei edeu ewek taha. Ma aha kameh winiyan banoh, ma batobwak ta bahun anya kasahan bwe. Aha kameh ales boto-on ere le buku doh.

2 Korin 3:18

Na dah, taha mwan ma badih marakon asahan lau ta Kindrei, taha badeh, batone kandriyen asahan ta manyah tataha bwe i buku bwena mene Moses amekes. Koha taha badeh, leheya sun ta Kindrei asahan tataha i buku torowe leheya lakou. Eme ma, len marakon taha badeh, akohok sun ta Laban solo-an, solo-an labai, ma idoh tubuni taha, ma taha asahan buku le Laban amwenen. Malawin Mwasin ta Laban bwidi lakou doh eme tataha.

La-ukei ta Pol atorou ili tiri lau badu kon Rom 14:4

Ou are ndramak handru ya ou anya asehek ki ta lohowan ta ndramak ari ja? I buku none iy lohowan doh abadok ta ales, o bwe, iy taku ta lahou tan, idoh lahou ta Laban tan le barasehek hawe baraleben iy. Arile, iy kameh abadok ta ales, tasah Laban kameh aseben iy.

La-ukei ta Pol atorou ili tiri lau badu kon Rom 11:20

Handru, arile ou anuhun! Oro mene abok a andri tasah oro batehei budon handru toro bwe. Arile ou ales boto-on ta lakou ari le, ta budon handru tam. Ma ou sabudon anya ou ndra ari ai, ndri-iy; ou abudon ou, ma ou anoh.