La-ukei ta Pol atorou ili tiri lau badu kon Rom 5:12 - Nyindrou

¹² Taha tanan, ndramak ari le bwidi kandriyen ndra-in, ya, ta kandriyen ndra-in doh le, kandriyen ndra-in mari asahan kon munyak. Ano ja, kandriyen ndra-in tiyani imek eme. Eme ma imek eme andrei lau marakon, tasah lau marakon amekes iri kandriyen ndra-in.

La-ukei ta Pol atorou ili tiri lau badu kon Rom 5:12 Referans Kwoze

La-ukei ta Pol atorou ili tiri lau badu kon Rom 5:19

Ndramak ari le, iy tebelese boho Kindrei, eme ta kandriyen ta tebelese tan nane doh, eme bwidi lau mara-ei asahan lau mwan ma badih mara-ei ta amekes kandriyen ndra-in. I buku le, ndramak ari le, iy in hamon tiri sahou batanau, ta kandriyen tan le doh, lau mwan ma badih solo-an kameh winiya asahan lau mwan ma badih mwasin labai ta mada Kindrei.

La-ukei ta Pol atorou ili tiri lau badu kon Rom 6:23

Tasah, sihine karei ma lomondra ndra-in badeh, imek le. Arile, Kindrei edeu ndramas laleyah i ta lau badeh, kohan ta udu le buku doh i san ta Laban Jises Krais le.

La-ukei ta Pol atorou ili tiri lau badu kon Rom 3:23

Tasah, taha mari badeh, ta amekes kandriyen ndra-in, ma taha asahan i le randra. Taha ataras mara-ei ta kalem mene Kindrei atehei ma taha winiyan bala bolo lomadan tan bwe.

Jemis 1:15

Ya nadah, jo anya kasehek sahou sokek ari i buku doh: Kandriyen ta ndrine taha towodau badeh, i buku badih atehei nah udu ndrinen eme len. Nyara badih doh badeh, “Kandriyen ta ndrine ndramak towodau.” Ya, nyara nah doh badeh, “Kandriyen ndra-in.” Na len kandriyen ndra-in asahan i tinan, iy badeh, leheya kandriyen ndra-in asahan, iri aloh imek.

Jenesis 2:17

Arile kei ala ta leheya tanan ndra-in ma ta leheya tanan mwasin badeh ou saimon buwan ndri-i labai. I buku na len ou aniy kameh, ou kameh amak.”

Jenesis 3:19

Ma i dah kameh ou amwekes lahou boto-on ma sa-ar asahan ta amwekes nyamon. Winiya len ou le barala hamon barala munyak ja mene amwekes ou na aliy, ma ou kameh a munyak leleyah.”

Jenesis 3:6

Eme i badih dah anyolom kei dah ma buwan badeh mwasin labai ta aimon, eme iy lomondra, “Mwasin handru en i buku jo kasahan badih ta tanan.” Eme iy andrei rayah ma iy aimon ai. Ano badeh iy andrei rayah i mine udun ma udun aimon ale.

La-ukei ta Pol atorou ili tiri lau badu kon Rom 5:21

Kandriyen ndra-in le badeh, bwidi imek asahan, eme ma, ta kandriyen ndra-in le doh, iy asahan i buku kabin. Arile, na idah ja, tikisiy ta Kindrei ndrasahan ndra buku kabin. Tasah, ta gok ta tinan tataha, Jises Krais le, Kindrei badeh, tikisi taha, ano iy aloh taha lau mwan ma badih mwasin labai ta madan, eme ma taha akohok kohan handru kameh ta udu le buku doh.

Jemis 3:2

Na len ari, ari taha badeh, abudon ta amekes kandriyen ndra-in, ma taha atalei. Arile, kandriyen doh badeh, asahan tataha mari. Buku ari mwan o badih basehek rayah sahou ndra-in bwe, iy badeh, lau mwasin handru, ya iy winiyan tondrokei badan ma kandriyen tan mara-ei.

La-ukei ta Pol atorou ili tiri lau badu kon Rom 5:18

Eme ma, taha kabudon kamwenen tiri sahou doh. Ndramak ari le bwena mene bwidi lakou ari ba-en hamon ta kandriyen ta batanau bwe, iy sakalawiy labai, eme ma, ta kandriyen ndra-in tan nane, Kindrei eme atehei taha lau mwan ma badih mara-ei ala ta mada sahou. I buku le, ndramak ari mene amekes lakou ari in hamon ta kandriyen mwasin labai, eme Kindrei anyolom ta idoh, ma iy eme aloh taha mara-ei lau mwasin labai ta madan, ma kohan handru udu tataha.

La-ukei ta Pol atorou ili tiri lau badu kon Rom 6:21

Arile, na len mene doh, aha akohok saba lakou mwasin ewek taha ta kandriyen ndra-in aha mene amekes? Iri kandriyen ndra-in nane atehei le bwilima ewek taha, neh? Bundruwe lakou mari doh, imek le!

1 Korin 15:56

Nyamu imek ta edeu sisi-in badeh, ta kandriyen ndra-in. Ma boto-on ta kandriyen ndra-in doh, eme ta batanau Kindrei mene atehei ili mine Moses.

Epesus 2:3

Taha marakon mene badeh, asahan buku iri mwan ma badih doh, ma taha an ndra hamon ta so-ok ndra-in ta budon tataha malen. Ya, taha ndra-en hamon tiri lakou marakon, bada taha ma budon tataha anya kamekes. Taha ado buku le aliy, ma taha kameh winiyan akohok ndramas ndra-in doh, buku iri mwan ma badih rayah ba-en hamon ta Kindrei bwe.