La-ukei ta Pol atorou ili tiri lau badu kon Rom 4:11 - Nyindrou

¹¹ Ano badeh, barasan ku-in i nyara kalem ta leheya buku Kindrei ndraloh iy ndramak mwasin ta madan. Tasah, iy atehei budon tan handru bwena, ya kandriyen ta asan ku-i taha badeh, udu hamon labai. Ya eme Abraham asahan tama iri lau mari iri an hamon ta san ta budon handru. Handru, iri basan ku-i iri ba-au bwe, arile Kindrei aloh iri lau mwasin mara-ei ta madan.

La-ukei ta Pol atorou ili tiri lau badu kon Rom 4:11 Referans Kwoze

La-ukei ta Pol atorou ili tiri lau badu kon Rom 3:22

San i buku doh: Buku are mwan o badih iy atehei budon tan handru in ta Jises Krais, Kindrei kameh aloh iy ndramak mwasin. Kindrei bamekes san rasan tiri Juwis, ya san rasan tiri lau badu leheleh ja, bwe. Iy bwidi san rasan le kabwe.

Tarou ta Luk 19:9

Eme Jises tiye i tan i buku doh, “Na len dah Kindrei ndrasebenei oro ndramak badu asiu dah, tasah na dah, ndramak dah, ndrasan lundriye Abraham.

Hiburu 11:7

Nowa atehei iri budon tan mara-ei ili le ta Kindrei, eme iy i tanan iri saba lakou iy banyolom bwena bwe kameh asahan hamon. Iy anuhun boho Kindrei, iy eme bwidi ndron ra-ei ta aseben iy, udun hawe nadun oro mara-ei ala bolon. Ta budon tan i ta Kindrei le badeh, iy atehei iri lau marakon badu kon munyak ala ta mada sahou, ma Kindrei aloh iy lau mwasin labai ta madan, tasah ta kandriyen tiri budon tan mara-ei ili le Kindrei.

2 Korin 1:22

Iy mene atehei kalem tan amwenen eme tataha: Iy atehei Malawin Ndrabun eme ndrine taha. Ma Malawin Ndrabun doh i buku ari le tiri lakou Kindrei anya kedeu taha hamon. Eme ma taha winiyan atanan i buku doh: Handru labai, Kindrei kameh edeu iri lakou marakon, iy mene tandrakan ta aliy eme tataha.

Pilipai 3:9

Jo ihis hawe Krais doh badeh, bala san ta jo in hamon ta kandriyen malen tiri Juwis bwe, arile i san ta budon handru le i ta Krais badeh, jo asahan ndramak mwasin udu mada Kindrei anyolom jo na len jo atehei budon tek handru i ta Krais.

Epesus 4:30

Aha samekes ndrine Malawin Ndrabun ta Kindrei sandra-i, ta kandriyen aha a-en hamon ta aliy. Aha kabudon kamwenen. Kindrei ndratehei Malawin Ndrabun buku kalem ndrawek taha ta aha katondrok len ta Kindrei eme akohok taha ame hamon ja.

Epesus 1:13

Ma aha lau badu leheleh, aha ndrasahan lau ta Kindrei ale, kala le aha mene anuhun sahou handru. Sahou mwasin doh amekes, ma Kindrei atehei aha ahis hawe Krais. Aha atehei budon taha handru in ta Krais, ma Kindrei ndratehei Malawin Ndrabun ndrawek taha i buku kalem ta lakou, iy ndratandrakan ta edeu.

Galesiya 6:16

Ya, are lau oro an hamon ta kandriyen doh, mondrei ma tikisiy kudu hawe oro mara-ei. Oro le badeh, Isra-el handru ta Kindrei.

Galesiya 5:5

Arile, Malawin Ndrabun ta Kindrei badeh, ibo gok ta amekes budon tahi mara-ei kabadok, na len ahi atondrok manyah mwasin ta Kindrei hamon doh. Ma Krais kameh amekes ahi asahan amwenen handru i le buku iy.

Galesiya 3:29

Ya, buku none aha badu hawe Krais handru, badeh, aha nadu Abraham ai. Ma idah kameh, aha akohok kohan ha-un ma manyah mwasin mene Kindrei tandrakan ta aliy.

Galesiya 3:22

Arile bwai! Sahou ta Kindrei ndratiye anya lau mwan ma badih badu kon munyak mara-ei badeh, ado bolo kowah ta karei ma lomondra ndra-in. Kindrei le alelei lakou doh asahan tasah, iy anya katehei nyosowan mwasin tan mene iy tandrakan badeh, ki tiri lau heh atehei budon tiri handru in ta Jises Krais.

Galesiya 3:7

Eme ma, aha badeh, ndranyolom ma ndratanan ndramwenen ta lakou doh: Iri mwan ma badih nane atehei budon tiri handru in ta sahou ta Kindrei, iri doh badeh lundriye Abraham amwenen.

La-ukei ta Pol atorou ili tiri lau badu kon Rom 10:11

I le buku none buk ndrabun mene ndrasehek anya, “Are lau atehei budon tan handru in tan kameh iy winiyan bani bwilima bwe.” Aisaya 28:16

La-ukei ta Pol atorou ili tiri lau badu kon Rom 10:6

Arile, ndramak in hamon ta kandriyen ta budon handru, eme Kindrei aloh iy mwasin mara-ei ta madan, iy ndramak doh in hamon ta sahou doh, “Ndrinem badeh, satiye anya, ‘Are lau winiyan ili bolo kandrah?’ ” Dutoronomi 30:12 ma kandrei Krais keme andri katiye sahou mwasin keme tataha.

La-ukei ta Pol atorou ili tiri lau badu kon Rom 10:4

Tasah, Krais ndraweneyani batanau malen ta Moses kabwe, ya eme are lau oro atehei budon handru le badeh, Kindrei aloh iy mwasin mara-ei ta madan.

Tarou ta Jon 6:35

Jises tiye i tiri i buku doh, “Jo le, jo jabi ramen handru kohan udu aliy. Are lau iy eme hawek, iy winiyan bamak son bwe, ma are lau iy atehei budon tan eme tek, balen kameh winiyan bamar ta gwa ja bwe.

Rebelesen 9:4

Ma iri badu kandrah tiye tiri i buku doh, “Aha sabwidi iri bwidiu sa ndra-i o, ma kei hawe iri lakou rayah ale ateh udu bwele-e munyak, idoh badeh, ndri-iy labai. Gok taha handru badeh, ta sokoso-ou iri mwan ma badih nane, kalem ta Kindrei bado bwili iri bwe.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

La-ukei ta Pol atorou ili tiri lau badu kon Rom 9:30

Ya eme taha kasehek ki buku doh: Iri lau badu leheleh bamekes lahou boto-on ta asilah madasan ta Kindrei kaloh iri mwasin mara-ei ta madan bwe, arile iri badeh, ndratakalahei madasan ta Kindrei kaloh iri mwasin mara-ei ta madan. Ya, san doh badeh, i san ta budon handru le.

La-ukei ta Pol atorou ili tiri lau badu kon Rom 9:6

Lundriye Isra-el solo-an batehei budon tiri ba-en ta Krais bwe. Ya, ta katin doh, sebwe jo katiye anya, Kindrei ba-en hamon ta tandrakan mene iy amekes i ta Abraham bwe, nadeh? Bwe! Tasah, lundriye Isra-el badeh, solo-an labai, arile iri mara-ei basahan lau handru ta Kindrei bwe, rayah le.

La-ukei ta Pol atorou ili tiri lau badu kon Rom 3:26

Arile, na len dah ja, Kindrei suni Jises eme imek i nyara salom ta akunoh kandriyen ndra-in taha mene amekes. Handru, iy amekes i buku doh ta taha winiyan atanan, iy le ari badeh, mwasin mara-ei. Ma iri mwan ma badih marakon atehei budon tiri in ta Jises imek ta akunoh iri ame hamon, Kindrei winiyan aloh iri mwasin ta madan.

Tarou ta Jon 8:33

Iri Juwis ame asehek i ta Jises, “Ahi dah nadu Abraham handru. Ahi bala buku bonyo-ou ta ari ndramak bwe le. I buku sah ja, ou anya, ahi kameh mani gok tahi bonyo-ou?”

Tarou ta Jon 6:47

Handru labai jo tiye taha. Are lau iy atehei budon tan eme tek, idah kameh kohan handru winiyan bano bwe ta udu le buku doh.

Tarou ta Jon 6:40

Budon ta tama badeh, iy aso-ok lau marakon kanyolom kili le ta nadun, ma iri katehei budon tiri kili le ta nadun. Idah kameh koha iri winiyan bano bwe, ta udu le buku doh. Jo eme kameh mete-ei iri lau amak, ame loken ja na len hamon.”

Tarou ta Jon 3:36

Are lau iy atehei budon tan handru in ta Nadu Kindrei, kohan handru kameh ta udu le buku doh. Are lau iy batehei Nadu Kindrei bado ndrinen bwe, iy kameh winiyan banyolom kohan handru doh bwe, ma losen ta Kindrei kameh udu ndra bwele-en udu gwek.”

Metiu 16:16

Saimon Pita asumon iy i buku doh, “Ou Krais, Kindrei suni ou ame dah. Ou Nadu Kindrei kohan handru udu aliy.”

Metiu 8:11

Jo katiye tado, lau solo-an badu leheleh kameh ame, badu loboho an eme loken, ma badu loboho an i andri. Ya iri kameh akohok ndrahune iri ta manyah ta nyamon tinan hawe Abraham, ma hawe Aisik, ma hawe Jekop udu bahandra tondrok ta Kindrei.

La-ukei ta Pol atorou ili tiri lau badu kon Rom 9:33

I le buku tarou ta Kindrei asehek nyala aliy anya, “Ndranye aha kanuhun, jo nyahani bek udu Sayon ta tono-ei kati iri lau kato-ak Ma bek doh kameh tono-ei kati iri lau, ma iy kameh amekes lau taku areu san. Are lau atehei budon tan handru in tan kameh iy winiyan bani bwilima bwe.” Aisaya 8:14; 28:16

Jenesis 17:24

Abraham jaha tan asahan ndro ronoh ndro ari (99) badeh, sani ku-i lakou tan iu,

Tarou ta Jon 3:33

Are lau iy andrei sahou tan, ma iy tawiy ihis udu ndrinen, iy lau le doh badeh, tanan sahou ta Kindrei, handru.

La-ukei ta Pol atorou ili tiri lau badu kon Rom 3:30

Tasah, Kindrei ari le doh kabwe. Iy le kameh anyolom kandriyen tiri lau asan ku-i iri, ma iy anyolom kandriyen tiri lau basan ku-i iri bwe; buku iri ma lubuk atehei le budon tiri handru in ta Jises imek ta sikine kandriyen ndra-in tiri, iy winiyan aloh iri ma lubuk mwasin mara-ei.

La-ukei ta Pol atorou ili tiri lau badu kon Rom 4:10

Kindrei aloh iy mwasin ta madan udu mwena ta kandriyen ta asan ku-i taha deh, bwe em, kandriyen ta asan ku-i taha asahan mwena? Bwe, Kindrei aloh iy ndramak mwasin ta madan mwena, ano kandriyen doh udu hamon.