La-ukei ta Pol atorou ili tiri lau badu kon Rom 3:9 - Nyindrou

⁹ Sendrehendreh ta aliy taha kasehek ki buku sah bah? Sebwe taha lau badu Juwis badeh, are mwasin labai ja tiri lau mwan ma badih rayah ja nadeh? Bwe handru en! Tasah, taha mene ndrasehek, iri Juwis hawe iri lau badu leheleh mari badeh, ado bahandra tondrok ta kandriyen ndra-in mari.

La-ukei ta Pol atorou ili tiri lau badu kon Rom 3:9 Referans Kwoze

Galesiya 3:22

Arile bwai! Sahou ta Kindrei ndratiye anya lau mwan ma badih badu kon munyak mara-ei badeh, ado bolo kowah ta karei ma lomondra ndra-in. Kindrei le alelei lakou doh asahan tasah, iy anya katehei nyosowan mwasin tan mene iy tandrakan badeh, ki tiri lau heh atehei budon tiri handru in ta Jises Krais.

La-ukei ta Pol atorou ili tiri lau badu kon Rom 6:15

Ya taha kasehek ki buku sah bah? Taha badeh, bare bahandra batanau malen ta Moses ja bwe. Taha badeh, are bahandra tikisiy ta Kindrei labai, ma iy aloh taha lau mwasin labai ta madan. Ya, mwasin tataha ka-en hamon ta so-ok tataha le ma amekes kandriyen ndra-in? Bwe handru en!

La-ukei ta Pol atorou ili tiri lau badu kon Rom 11:32

Ma eme ta sendrehendreh ta sahou, jo asehek i buku doh: Kindrei mene alelei lau mari tebelese badeh, ta katin doh: Ta iy kaleheya tikisiy tan keme lewen la-u lau mari.

La-ukei ta Pol atorou ili tiri lau badu kon Rom 3:19

Ya nadah, taha ndratanan, iri sahou mari, batanau ta Kindrei amekes, idoh badeh, i tiri ado bahandra tondrok ta batanau doh. Eme ma, ari mwan o badih ja winiyan basehek anya, “Jo mwasin mara-ei,” bwe. Taha mwan ma badih badu kon marakon amekes lakou ndra-in i ta mada Kindrei, eme ma batanau tan kameh atehei taha mara-ei a ta mada sahou.

Pilipai 1:18

Arile, idoh babwereyaniy se jo bwe. Buku none oro amekes andra-i deh mwasin, badeh, jo sekesek le ta aliy. Tasah, oro ma lubuk atiye le sahou ta nyala Krais. Eme ya mesekei jo sekesek laba tinan labai ta aliy badeh, ili le ai.

Galesiya 3:10

Are lau oro abudon anya oro winiyan an hamon le ta batanau malen mari, eme ma Kindrei kameh sekesek ta budon toro doh, badeh kameh oro akohok andra-i na len iri ales an ta mada sahou ta Kindrei. Tasah, ari ndramak winiyan ba-en hamon ta lakou mari batanau malen tiye iy kamekes, bwe. Idoh i buku le sahou ta Kindrei ndratiye, “Are lau ba-en hamon ta lakou mari torowenei udu bolo buk ta batanau malen dah bwe, Kindrei le kameh edeu maha-an i tiri!” Dutoronomi 27:26

1 Korin 14:15

Idah kameh jo kamekes barala buku sah handru? Sebwe, jo kameh asolom ili ta Kindrei na malawik, ma na iri budon tek marakon. Jo ale kiyah wari na malawik, ma na iri budon tek marakon ale.

1 Korin 10:19

Aha kabudon, jo asehek sahou i buku sah? Sebwe jo asehek anya, “Salom nane iri lau adeu ili ta kindrei ta wasai, idoh lakou handru,” o, “Kindrei ta wasai iri amekes na sukumada kei, iy lakou handru ai, neh?”

1 Korin 4:7

I buku sah handru? Are lau handru atehei aha asahan kabin? Iri lakou marakon ere taha kede-eh, Kindrei le ari edeu. Neh? I buku Kindrei edeu lakou mwasin labai ewek taha laleyah, ya buku sah ja, aha atudun nyara aha amwenen, anya, aha le amekes iri lakou nane doh?

La-ukei ta Pol atorou ili tiri lau badu kon Rom 11:7

Ya, asah i buku doh: Iri Isra-el anya katakaleh san ta Kindrei kaloh iri mwasin mara-ei ta madan, arile iri batakalahei bwe. Arile, iri lau rayah le Kindrei solo-ei iri badeh, iri ndruniy. Ya iri mara-ei badu hawe oro nane doh, Kindrei mesekei ndrine iri abadok ta iri winiyan banuhun sahou tan bwe.

La-ukei ta Pol atorou ili tiri lau badu kon Rom 3:5

Taha kasehek ki buku sah bah? (Jo asehek sahou dah i buku taha ndramak asehek). Ki buku kandriyen ndra-in taha ale amekes, idoh badeh, leheyani iri mwan ma badih ta kandriyen mwasin ta Kindrei, ya idah kameh, taha kasehek saba sahou bah? Taha katiye anya ja, Kindrei edeu maha-an eme la-u taha le badeh, ari katin bwe?

La-ukei ta Pol atorou ili tiri lau badu kon Rom 1:18

Tasah, taha tanan Kindrei udu kandrah, iy leheyani losen tan eme lewan eme andri ili la-u iri lau ta tebelese, ma ta kandriyen ndra-in iri amekes. Ya eme na kandriyen tiri le doh, iri anya katisih sahou handru, ma sokei iri lau winiyan bala tanan Kindrei bwe.

Tarou ta Luk 7:39

Ya eme ndramak nane andrei Jises i asiu tan doh, anyolom badeh, iy lomondra udu budon tan anya, “Ki buku none ndramak kede-eh, ki ari propet, idah nane, iy ndratona i badih anyokar katin kede-en adeh? Ma iy ndratanan badih doh badeh, ta madasan adeh.”

La-ukei ta Pol atorou ili tiri lau badu kon Rom 2:1

Ou are lau anya ou mwasin, ya ndramak kodo-oh ndra-in; balem ki tam! Ou badeh, ari madasan ta atobwak bwe. Tasah, buku none ou anya ndramak kodo-oh ndra-in, arile kandriyen doh ou amekes, badeh ou le amekes Kindrei edeu maha-an ewek la-um.

La-ukei ta Pol atorou ili tiri lau badu kon Rom 3:1

Buku sahou nane jo atorou ndrawek taha i handru, ya, sebwe iri lau badu Juwis ndrakohok iri lakou mwasin labai tiri lau badu leheleh ja nadeh? Ya saba lakou mwasin kameh asahan tiri Juwis i buku none kasan ku-i iri?

La-ukei ta Pol atorou ili tiri lau badu kon Rom 7:14

Taha tanan, batanau malen badeh, Kindrei le edeu. Arile jo badeh, ndrala bonyo-ou ta karei ma lomondra ndra-in, tasah jo ba-en hamon ta seken ta Kindrei bwe.