La-ukei ta Pol atorou ili tiri lau badu kon Rom 3:8 - Nyindrou

⁸ Buku sahou doh handru, sebwe taha kasehek ki buku doh ja ai, “Abo, taha kamekes kandriyen ndra-in, tasah kandriyen mwasin kameh winiyan asahan ta lakou doh.” Sebwe kandriyen i buku doh mwasin, nadeh? Bwe handru! Arile, iri lau mwan ma badih rayah anya, “Handru, sahou ta Pol buku baden eh.” Are oro mwan ma badih orou sahou ndra-in buku doh, Kindrei kameh edeu maha-an i la-u oro.

La-ukei ta Pol atorou ili tiri lau badu kon Rom 3:8 Referans Kwoze

La-ukei ta Pol atorou ili tiri lau badu kon Rom 6:1

Taha katiye ki buku sah bah? Taha kamekes karei ma lomondra ndra-in, ta Kindrei leheya tikisiy tan ili tinan le gwek ai?

La-ukei ta Pol atorou ili tiri lau badu kon Rom 6:15

Ya taha kasehek ki buku sah bah? Taha badeh, bare bahandra batanau malen ta Moses ja bwe. Taha badeh, are bahandra tikisiy ta Kindrei labai, ma iy aloh taha lau mwasin labai ta madan. Ya, mwasin tataha ka-en hamon ta so-ok tataha le ma amekes kandriyen ndra-in? Bwe handru en!

La-ukei ta Pol atorou ili tiri lau badu kon Rom 7:7

Ya, i buku batanau malen mesekei kandriyen ndra-in towodau udu bolo oda taha eme loke badeh, taha kasehek ki buku sah bah? Batanau malen badeh, kandriyen ndra-in nadeh? Bwe! Arile, na batanau malen le badeh, mesekei jo i tanan karei ma lomondra ndra-in i buku sah. Batanau malen mene tiye anya, “Madam salikis lakou doh, lakou doh!” Eksodus 20:17; Dutoronomi 5:21 Ya, buku batanau malen batiye lakou doh bwe, jo badeh, winiyan bala tanan kandriyen ta madalakis i buku sah bwe

La-ukei ta Pol atorou ili tiri lau badu kon Rom 5:20

Udu hamon, iri lau akohok kandriyen ta batanau, eme bwidi iri sakalawi iri kandriyen ta batanau ili labai ja. Iri lau mara-ei amekes kandriyen ndra-in solo-an labai, arile Kindrei badeh tikisi iri tinan labai ja.

La-ukei atorou Jut 1:4

Lau rayah badu lulik badeh, ndratobwak ndrame bolo taha lau ta Kindrei, taha tanan iri bwe. Iri propet bwena mene atorou nyala iri lau doh kameh ales are ta mada sahou ta Kindrei ta ndra-in tiri. Iri badeh, tebelese ma tubuni tikisiy ta Kindrei i buku kandriyen ta karei. Iri ale badeh, baso-ok Jises Krais, Laban tataha ari le doh bala buku tinan tiri bwe.

Metiu 5:11

“Sekesek handru ewek tado tasah, iri lau asehek sahou ta bobose ado ma iri adai ado ma iri asehek sahou ndra-in handru ta wasai ewek tado, tasah ado a-en hamon tek.

2 Korin 6:8

Iri mwan ma badih rayah badeh, atudun nyara ahi, ma amekes sahou mwasin eme tahi. Arile, iri sahou rayah badeh, bamwenen tahi bwe, ma bwidi nyara ahi andra-i. Iri anya ahi lau ta wendreya. Arile, bwe. Ahi badeh, asehek le sahou handru.

2 Korin 11:15

Eme ma, ari lakou handru bwe, buku iri lau tan ale tubuni kandriyen tiri, ma bwidi iri mwan ma badih tan asahan i buku lau mwasin ta Kindrei le ai. Hamon kameh, Kindrei aleben iri, ma iri kameh akohok maha-an in hamon ta gok nane iri amekes.