La-ukei ta Pol atorou ili tiri lau badu kon Rom 3:3 - Nyindrou

³ Handru labai! Iri rayah batehei budon tiri ba-en hamon ta sahou dah bwe. Arile aha abudon i buku sah bah? Sebwe budon ndra-in nane iri a-en hamon ta aliy kameh amekes Kindrei tubuni budon ma karuwani sahou tan ai?

La-ukei ta Pol atorou ili tiri lau badu kon Rom 3:3 Referans Kwoze

2 Timoti 2:13

Buku taha anya, taha ka-en hamon tan, arile taha ba-en hamon ta sahou tataha amwenen bwe, ndri-iy ai, iy ki-in hamon ta sahou tan le amwenen, ma iy kameh atehei taha a ta mada sahou. Tasah, iy winiyan batubuni sahou tan amwenen bwe-en!”

Hiburu 4:2

Taha ndranuhun iri sahou mwasin, i buku le bwena mene iri Isra-el anuhun. Iri anuhun, arile baseben iri bwe, tasah iri batehei budon tiri mara-ei bala ta sahou nane iri anuhun bwe.

La-ukei ta Pol atorou ili tiri lau badu kon Rom 9:6

Lundriye Isra-el solo-an batehei budon tiri ba-en ta Krais bwe. Ya, ta katin doh, sebwe jo katiye anya, Kindrei ba-en hamon ta tandrakan mene iy amekes i ta Abraham bwe, nadeh? Bwe! Tasah, lundriye Isra-el badeh, solo-an labai, arile iri mara-ei basahan lau handru ta Kindrei bwe, rayah le.

2 Tesalonaika 1:3

Aha nadu tine, len marakon badeh, aso adeu wurah ili ta Kindrei ta aha. Handru, kandriyen ta tiye wurah i ta Kindrei doh amwenen. Tasah, budon taha badeh, asahan boto-on labai. Ma ale, aha marakon badeh, aso-ok nadu tine aha mwan ma badih rayah labai ja. Ma kandriyen mwasin asahan a sola le ai, ere ndrokowa aha.

La-ukei ta Pol atorou ili tiri lau badu kon Rom 10:16

Arile, iri lau solo-an badu Isra-el baseken sahou mwasin bwe, oro rayah le. Aisaya amwenen asehek i buku doh, “Laban, are lau handru atehei budon tan in ta sahou tam aso ndrasehek.” Aisaya 53:1

2 Korin 3:18

Na dah, taha mwan ma badih marakon asahan lau ta Kindrei, taha badeh, batone kandriyen asahan ta manyah tataha bwe i buku bwena mene Moses amekes. Koha taha badeh, leheya sun ta Kindrei asahan tataha i buku torowe leheya lakou. Eme ma, len marakon taha badeh, akohok sun ta Laban solo-an, solo-an labai, ma idoh tubuni taha, ma taha asahan buku le Laban amwenen. Malawin Mwasin ta Laban bwidi lakou doh eme tataha.

Metiu 24:35

Kandrah hawe kon munyak dah kameh ano iu, arile sahou tek le kameh winiyan bano bwe.

La-ukei ta Pol atorou ili tiri lau badu kon Rom 11:29

Tasah, Kindrei winiyan bapwai tandrakan tan mene iy amekes i tiri lau tan iy aloh iri ma atehei nyosowan i la-u iri, bwe.

Tarou ta Jon 1:16

Iy badeh, irek labai ta kandriyen ta aso-ok ma ta tikisi taha. Iy amekes kandriyen mwasin eme tataha lau mwan ma badih mari, ma taha ndrakohok nyosowan mwasin, eme taha arek ta aliy.