La-ukei ta Pol atorou ili tiri lau badu kon Rom 3:2 - Nyindrou

² Seben solo-an solo-an udu aliy oh! Ya, ari ma bwena badeh, i buku doh: Kindrei mene atehei sahou tan amwenen i tiri Juwis ta atondrok ma aseben iri mwan ma badih winiyan atanan ta iri sahou tan marakon.

La-ukei ta Pol atorou ili tiri lau badu kon Rom 3:2 Referans Kwoze

La-ukei ta Pol atorou ili tiri lau badu kon Rom 9:4

Iri badeh, lau tan amwenen, lau badu Isra-el. Iri mene batehei budon tiri ba-en tan bwe, arile iy mene mesekei iri asahan nadun ta nyo-ou, ma edeu lomadan ma boto-on tan mwasin i tiri. Iy mene amekes sahou randra le ma hawe edeu batanau malen, ma hawe leheya san ta asalom ma atudun handru udu bolo asiu tinan tan. Iy amekes iri lakou mwasin doh i tiri hawe edeu tandrakan i tiri.

Aposel 7:38

Iy le badeh, mene udu ndrokowa iri lau badu Isra-el ado kon lomale an udu hawe tama taha iri. Ma iy udu hawe angelo mene asehek sahou i tan udu mandrei Sainai, ma iy akohok sahou awas ta asehek nyala taha.

Hiburu 5:12

Aha akohok tanan badeh, luluwen labai, eme ma Kindrei aso-ok aha kaleheya iri rayah ja ta sahou tan. Arile aha winiyan bwe, aha aso-ok ari ndramak kudu ndra hawe aha kaleheya aha ta sahou handru ta Kindrei mara-ei kili hamon ja. Akohok kon ta nyamon boto-on, aha aso-ok ta a-un sur kahis.

1 Korin 9:17

Buku jo atiye sahou mwasin, tasah jo le aso-ok ta atiye, jo kameh akohok ndramas ta aliy. Arile, buku Kindrei ndratehei jo, mwasin, idoh gok ta Kindrei atehei eme tek ta jo kamekes.

1 Pita 4:11

Buku none ari ndramak ndrakohok ndramas ta Kindrei ta tiye sahou i ta lau, iy badeh, kasehek sahou ki ta lau, bwilin sama ndri-iy, tasah iy badeh, asehek buku le boho Kindrei. Buku none ari ndramak ibo gok ta aseben ndramak ari ja, mwasin, iy kibo gok ma boto-on na boto-on ta Kindrei ndratehei ndra tan. Buku none aha amekes i buku doh, iri lau kameh anyolom iri kandriyen mwasin asahan, ma iri kameh adeu nyaran tinan i ta Kindrei ta lakou mari Krais ndramesekei. Ma iy kameh akohok nyaran tinan, ma iy kameh atondrok lakou mari ereu le buku doh. Handru.

Rebelesen 22:6

Ano angelo asehek eme tek ja i buku doh, “Iri sahou marakon ou ndranuhun ma ndratou ta iri lakou doh badeh, ndra handru le ai, ma iri kameh asahan. Ma iri mwan ma badih kameh winiyan atehei budon tiri handru in ta aliy. Ma Laban Kindrei badeh, ta atadau malawin mwasin tiri propet, ta atiye sahou tan. Ya, iy don adeh, ndrasuni angelo tan ari eme leheya iri lohowan tan ta saba lakou kameh mirihik asahan.”

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

1 Timoti 6:20

Eme ya Timoti, ou tawi lahou udu kanim badeh, kamwenen labai. Ma ou teleya ou, ta tanan ta wasai ala iri aloh anya, “Tanan handru.” Arile bwe. Badeh bamwenen ta sahou ta kindrei bwe, badeh.

Galesiya 2:7

tasah, oro ndratanan Kindrei ndratehei lahou ndrame kanik ta atiye sahou mwasin ili tiri lau badu leheleh. I le buku none iy mene atehei, i kani Pita atiye sahou mwasin, i tiri lau badu Juwis.

2 Korin 5:19

Sahou ahi asehek tiri i buku doh: Ta gok Krais ndrabwidiy, Kindrei ibo gok ta ariu iri mwan ma badih karuwani kandriyen ta bahun, ma kasahan kawas tan ma kamanyah mwasin. Eme ma, iy babudon ja ta iri ndra-in nane iri mwan ma badih amekes bwe. Ma iy edeu gok eme tahi ta atiye sahou tan dah, ma bwidi bahun kano, ma iri mwan ma badih kasahan mwasin ja hawen.

La-ukei ta Pol atorou ili tiri lau badu kon Rom 3:3

Handru labai! Iri rayah batehei budon tiri ba-en hamon ta sahou dah bwe. Arile aha abudon i buku sah bah? Sebwe budon ndra-in nane iri a-en hamon ta aliy kameh amekes Kindrei tubuni budon ma karuwani sahou tan ai?

La-ukei ta Pol atorou ili tiri lau badu kon Rom 2:18

Ou badeh, tanam sasah Kindrei aseken ou amekes, ma ou badeh, ndratanan udu bolo batanau malen ta aleben lakou mwasin.

La-ukei ta Pol atorou ili tiri lau badu kon Rom 1:2

Sahou mwasin doh bwena mene iy tandrakan, ma atehei i kani iri propet, ma torowenei udu bolo tarou tan.

Tarou ta Jon 5:39

Aha abo gok ta asilah sahou iri torowenei udu bolo buk ndrabun, tasah budon taha anya, iri sahou doh kameh adeu taha kohan handru udu le buku doh. Idoh mwasin, arile sahou iri ndratorowenei badeh, nyarak udu aliy, ma kohan handru ale badeh, udu ndra hawek.

La-ukei ta Pol atorou ili tiri lau badu kon Rom 3:1

Buku sahou nane jo atorou ndrawek taha i handru, ya, sebwe iri lau badu Juwis ndrakohok iri lakou mwasin labai tiri lau badu leheleh ja nadeh? Ya saba lakou mwasin kameh asahan tiri Juwis i buku none kasan ku-i iri?