La-ukei ta Pol atorou ili tiri lau badu kon Rom 3:11 - Nyindrou

¹¹ Ari ndramak badeh, tanan mwasin udu tan ja bwai, ma hawe ari ndramak batakaleh tekedek ta Kindrei bwai.

La-ukei ta Pol atorou ili tiri lau badu kon Rom 3:11 Referans Kwoze

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

La-ukei ta Pol atorou ili tiri lau badu kon Rom 8:7

Ya, are lau atehei karei ma lomondra ndra-in udu bolo budon tan badeh, kameh mesekei le bahun hawe Kindrei. Tasah, are lau amekes kandriyen i buku doh, iri lau doh badeh, batehei oro bala bahandra tondrok ta batanau malen ta Kindrei bwe, ya iri winiyan ba-en hamon ta batanau tan bwe.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

La-ukei ta Pol atorou ili tiri lau badu kon Rom 1:28

Ma laba tinan labai, iri batawi budon ta Kindrei mene leheya iri ta amekes bwe. Eme Kindrei ruwani iri ado ndrahun ta budon ndra-in tiri, ma kandriyen ndra-in iri samekes badeh, iri amekes ja.

La-ukei ta Pol atorou ili tiri lau badu kon Rom 1:22

Eme iri anya iri lau ta budon, arile bwe, iri a lolo-ou le gwek.

Metiu 13:19

Iri lau rayah anuhun sahou mwasin nyala tondrok ta Kindrei, arile iri tanan katin handru bwe. Iri buku none le buwa wit taku ereu san, ya balik eme kuhi iu suwi handru sahou mwasin Kindrei tahiy ereu budon tiri.

La-ukei ta Pol atorou ili tiri lau badu kon Rom 3:10

Sahou dah handru, i buku none ndratorowenei, “Lau mari badeh, ndra ndra-in le ai, ari mwasin ja bwai;

La-ukei ta Pol atorou ili tiri lau badu kon Rom 3:12

Iri mara-ei ndramani san mwasin, ma iri mara-ei ndrasahan lau ndra-in labai. Ari ndramak bamekes se kandriyen mwasin bwai.” Wari 14:1-3; 53:1-3; Leheya 7:20