La-ukei ta Pol atorou ili tiri lau badu kon Rom 2:8 - Nyindrou

⁸ Arile, iri lau rayah ja aseken le budon tiri le, ma iri baseken sahou handru bwe, ya iri an hamon ta kandriyen ndra-in, iri kameh bwese maha-an hawe losen ta Kindrei.

La-ukei ta Pol atorou ili tiri lau badu kon Rom 2:8 Referans Kwoze

Rebelesen 16:19

Kon tinan nane iri aloh Babilon, badeh asak asahan i tolokon, ya kon tinan badu kon munyak tinan mara-ei, badeh, irou i andri ma ano iu. Ya, Kindrei badeh, bamani kandriyen ndra-in mara-ei tiri mwan ma badih badu kon tinan Babilon amekes bwe. Eme ma bwidi ndrinen ibolosen labai, ma iy a-um iri na lakou doh. Ya, iy bokoro-ei iri badeh, eme ma iri asahan i buku iri lau a-un waen solo-an labai, ma iri abo sik i ndra-in mara-ei.

1 Pita 4:17

Ya, aha mari kasekesek ki ta Kindrei, buku none iri lau badu kon munyak amekes ndra-in, ma adeu sisi-in ewek taha. Tasah, len ta Kindrei ta anuhun sahou ndrame ai, ya buku none Kindrei anuhun sahou tiri lau tan mwasin bwena, Kindrei kameh amekes saba lakou handru ili tiri lau ale banuhun sahou mwasin ta Krais bwe? Iy kameh anuhun sahou tiri ano, iri kameh ala bolo jih.

2 Tesalonaika 1:8

Udu bolo len doh kameh iy edeu ndramas ndra-in ili tiri mwan ma badih baso-ok Kindrei bwe, ma iri bwale iri ta a-en hamon ta sahou mwasin ta Laban tataha Jises Krais.

Rebelesen 14:10

Iri kameh a-un waen udu bwesam ari. Waen doh kameh leheya iri lakou ndra-in labai, Kindrei kameh amekes ili tiri mwan ma badih, ta kandriyen ndra-in nane iri a-en hamon ta aliy. Tasah, iy ibolosen tinan labai ili tiri. Eme ma iri kameh akohok sisi-in ndra-in labai ta nyaraha jih anya ta bek solpa. Ma iri angelo ta Kindrei hawe Nadu Sipsip tan, kameh anyolom iri mwan ma badih akohok sisi-in tinan labai doh.

Hiburu 11:8

Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

Hiburu 10:27

Are lau iri ala hamon ja ta kandriyen ndra-in, iri ari madasan ta atobwak ja bwe, iri le kameh anoh ndra-in labai ta atondrok len ta sahou ta Kindrei. Tasah, iy ibolosen, ma losen tan doh kameh i buku jih anya nyarahan labai udu le buku doh ta asun iri lau anya kamekes bahun hawen.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Taitus 3:9

Arile, ou badeh, teleya ou ta tebelese ta sahou laleyah ta sare iri Juwis. Ya, i buku none iri kandres ou ta kandriyen malen tiri Juwis, ou sala ta aliy. Tasah, iri sahou doh, ari moson ta aliy bwe, ma ba-en badan bwe.

1 Korin 11:16

Arile, i buku ari ndramak anya kandres ta iri sahou tek nane dah, iy ki tanan i buku doh: Iri badih badeh, katubuloh batu iri buku iri anya kala bolo asiu ta Kindrei ta asolom. Ahi aposel, ma hawe iri lau ta Kindrei rayah ja badeh, ba-en hamon ta kandriyen ari ja bwe.

La-ukei ta Pol atorou ili tiri lau badu kon Rom 15:18

Ma eme jo winiyan basehek ta nyala sasah ja bwai; arile jo le kameh asehek ta nyala sasah Krais atehei eme kanik ta amekes iri lau badu leheleh kanuhun boho Kindrei i san ta sahou mwasin ma tanan handru, jo asehek.

La-ukei ta Pol atorou ili tiri lau badu kon Rom 10:16

Arile, iri lau solo-an badu Isra-el baseken sahou mwasin bwe, oro rayah le. Aisaya amwenen asehek i buku doh, “Laban, are lau handru atehei budon tan in ta sahou tam aso ndrasehek.” Aisaya 53:1

La-ukei ta Pol atorou ili tiri lau badu kon Rom 9:22

Ya eme i le buku aliy. Sebwe Kindrei winiyan leheya losen ma boto-on tan i la-u iri na seken tan nadeh? Eme ya, iy badeh, amunum udu le abe-en oro are lau ale losen tan udu toro. Oro don eh, iy ndralowosaniy ta iy kameh idi oro amak, o, akahei oro au buku kun ndra-in.

La-ukei ta Pol atorou ili tiri lau badu kon Rom 6:17

Arile, wurah ki ta Kindrei! Tasah, na len ndra-au aha asahan bonyo-ou ta karei ma lomondra ndra-in; arile ano ja, aha anuhun sahou handru na ndrinem mari udu bolo leheya aha akohok dah.

La-ukei ta Pol atorou ili tiri lau badu kon Rom 1:18

Tasah, taha tanan Kindrei udu kandrah, iy leheyani losen tan eme lewan eme andri ili la-u iri lau ta tebelese, ma ta kandriyen ndra-in iri amekes. Ya eme na kandriyen tiri le doh, iri anya katisih sahou handru, ma sokei iri lau winiyan bala tanan Kindrei bwe.

1 Pita 3:1

Buku none le iri lau ta gok nane anuhun sahou tiri lau an bwena tiri, aha badih ndratasou, aha ka-en bahandra udu aha iri, ma aha kanuhun sahou tiri. Tasah, udu aha iri rayah badeh, ba-en hamon ta sahou ta Kindrei bwe. Mwasin, iri baranyolom aha udu iri badeh, bamekes sahou ta aliu budon tiri bwe. Iri anyolom aha amekes kandriyen mwasin le. Idoh kameh mesekei iri atehei budon tiri i ta sahou ta Kindrei, ma bwidi iri tubuni ndrine iri, ma iri ame an hamon ta Krais.

2 Korin 12:20

Tasah, jo inoh sese, ma jo abudon i buku doh, kora-on jo kewek ma katawei aha bala buku ndramak nane jo anya kanyolom ja bwe. Ma kora-on aha ale anya kanyolom jo bala buku ndramak nane aha anya kanyolom. Kora-on jo katou iri kandriyen solo-an doh udu ndrokowa aha. Idoh kandriyen ta tebelese sahou, ma kandriyen ta ndrinem irih i tiri lau rayah ja, ma kandriyen ta amekes lakou laleyah, buku aluhe, sondrokonya, batun boto-on, ma kandriyen ta bolowa lakou laleyah.

Galesiya 5:20

kandriyen ta adeu budon i ta sukumada kei i nyara Kindrei, ya kandriyen ta kau hawe omor lau; ya kandriyen ta budon ndra-in ta losen hawe sobobo; ya hawe kandriyen ta madalakis; hawe ndramak ndrinen ndra, ma hawe kandriyen ta ndrakok. Ya kandriyen ta amekes iri lau atalan, rayah ka len, ya rayah ka len;

Pilipai 1:17

Arile, oro lau rayah nane mada oro alikis jo, atiye sahou nyala Krais ma oro anya kasakalau jo, arile budon toro badeh, atalei. Oro badeh, anya kamekes bohosak keme tek udu bolo kou kada-ah.

Pilipai 2:3

Ado samekes kandriyen ta ndrakok ta aseben ado le, ma satudun ado ta aliy. Ma hawe ado satudun le anya, ado ndra ari ai. Arile, ado kamasiye iri, ya bale ado kamani ado.

Jemis 3:14

Arile, buku aha abudon ta totowa budon ndra-in taha ili tiri mwan ma badih rayah ja, ya len mara-ei aha abo gok ta a-en hamon ta san ndra-in ta atudun nyara aha amwenen ta udu bwele-e iri rayah ja, aha ta wendreya ma kandriyen taha badeh, bokoro-ei sahou handru ta Laban. Aha samekes kandriyen doh ndri-iy.

Jemis 3:16

Aha kanuhun! Are lau ale ta lomondra ndra-in ma ta ndrakok udu tiri, iri lau doh badeh, ta amekes lakou laleyah ma ta amekes kandriyen ndra-in.