La-ukei ta Pol atorou ili tiri lau badu kon Rom 2:7 - Nyindrou

⁷ Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

La-ukei ta Pol atorou ili tiri lau badu kon Rom 2:7 Referans Kwoze

Tarou ta Luk 8:15

Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin.

2 Timoti 1:10

Arile, na len nane kada-ah, Krais Jises iy ndramak ta akohok taha ame hamon badeh, ndrasahan ndrame lewan. Ma ta gok doh badeh, iy amekes tataha, tikisiy ta Kindrei badeh, ndrasahan ndrame lewan mara-ei. Krais Jises mene apwai boto-on ta imek, tasah taha amak badeh, malawi taha bandra-i bwe. Buku taha anuhun sahou tan mwasin ma atehei budon in ta aliy, taha kameh winiyan akohok kohan handru ta udu le buku doh, ma bada taha winiyan bandra-i bwe.

1 Korin 15:58

Eme ma, aha nadu tine mwan ma badih i san ta Krais, aha kabadok, ma aha kado le rasi. Tasah aha ndratanan, lahou boto-on aha amekes ta Laban kameh winiya ba-au laleyah bwe.

La-ukei ta Pol atorou ili tiri lau badu kon Rom 6:23

Tasah, sihine karei ma lomondra ndra-in badeh, imek le. Arile, Kindrei edeu ndramas laleyah i ta lau badeh, kohan ta udu le buku doh i san ta Laban Jises Krais le.

Kolosi 1:27

Ma Kindrei anya kaleheya taha mwan ma badih tan, ta taha katanan: Sahou aton doh badeh, mwasin labai, ma winiyan aseben iri lau badu Isra-el, ma hawe taha mwan ma badih badu rakon ja ale. Ma sahou aton doh buku: Krais badeh, kohan udu bolo aha, ma aha atondrok iy keme kakohok aha kala kare kandrah hawen.

Galesiya 6:9

Eme ya, taha sawoyah ta amekes kandriyen mwasin; ya, i buku none taha baruwaniy bwe, badeh kameh, taha akohok ndramas ta aliy na len hamon. Idoh i buku ndramak ta bilin akohok sali nyamon ta lahou boto-on mene iy amekes.

La-ukei ta Pol atorou ili tiri lau badu kon Rom 8:18

Balek lomondra ta maha-an hawe sisi-in taha bwese na len dah badeh; lakou nadu bwisik labai ta manyah mwasin ma lomadan kameh eme, iy leheya eme tataha.

La-ukei ta Pol atorou ili tiri lau badu kon Rom 2:10

Arile, Kindrei kameh edeu lomadan, masiye hawe mondrei kameh i tiri lau mari le amekes kandriyen mwasin: Ma mwena kameh i tiri Juwis, ano kameh i tiri lau badu leheleh ale.

1 Jon 2:25

Ma, iy ndratandrakan ta edeu kohan handru eme tataha, kameh ta udu le buku doh.

La-ukei ta Pol atorou ili tiri lau badu kon Rom 9:23

Kindrei amekes kandriyen buku doh, tasah iy anya kaleheya lakou tan solo-an labai udu bolo lomadan eme la-u taha are le mene iy tikisi taha. Taha lau mene iy lowosani taha ado buku kun tariye ka-ukon ta akohok lakou udu bolo lomadan.

Tarou ta Jon 5:44

Aha marakon kede-eh, aha winiyan batehei budon taha bame tek bwe. Winiyan bwe en! Tasah, aha abudon boto-on labai ta akohok ndramas tiri lau taha amwenen. Eme ma aha baso-ok ta akohok ndramas nane Kindrei le ari edeu, bwe.

Hiburu 6:15

Abraham tondrokei udu le, ano iy andrei iri lakou nane Kindrei tandrakan ta edeu ili tan.

Hiburu 6:12

Ahi baso-ok aha asahan gwaman bwe, arile ahi aso-ok aha ka buku le iri lau atehei budon tiri in tan, ma atondrok iy. Iy are lau iy amekes i buku doh, iy kameh akohok lakou Kindrei ndratandrakan ta aliy.

Metiu 25:46

“Ya oro kameh au ala bolo kon ndra-in, arile iri lau mwasin kameh au ala bolo kon mwasin.”

Tarou ta Luk 21:19

Arile, i buku none ado le kabadok ado, idah kameh, ado le winiyan sebenei koha ado handru.

Tarou ta Jon 4:36

Iri lau abo gok ta a-eh nyamon badu bilin, iri badeh, akohok sihine iri. Ma iri atukum nyamon ta koha taha handru kameh udu le buku doh, winiyan bano bwe. Buku iri lau ta atah nyamon badeh, kala le hawe iri lau nane ta asoh nyamon, iri marakon kasekesek.

1 Korin 15:42

Kandriyen ta lau ndramak ndra bolo lek, ma lau amak ame awas ja badeh, i buku le aliy. Bada taha udu bolo lek badeh, abola, ma bada taha udu bolo lek amak eme awas ja badeh, kameh winiya bandra-i ma babola ja bwe.

1 Korin 15:50

Aha nadu tine, jo asehek amwenen ewek taha, ndramak badu munyak dah winiyan bala bolo tondrok ta Kindrei bwe, ma iy winiyan bakohok iri lakou marakon mwasin tan bwe. Ma iri lakou kameh andra-i, iri winiyan bakohok iri lakou ale winiyan bandra-i bwe.

Epesus 6:24

Jo aso-ok Kindrei kamekes kandriyen mwasin kili tiri mwan ma badih nane baruwani kandriyen ta aso-ok handru, Laban tataha Jises Krais.

1 Timoti 1:17

Eme ya masiye ma tudun badeh, ki ta kabin ta udu le buku doh, ma hawe ki ta kabin ta winiyan ta ano bwe, ma hawe ki ta kabin taha batou iy bwe. Ki ta Kindrei le ari doh, masiye ma tudun ki tan kudu le buku doh. Handru!

Hiburu 2:7

Kindrei, ou bwidi ahi, ma ou atehei nyara ahi udu bahandra nyara iri angelo tam ta luluwen bwe. Arile na dah, ou ndramasiye ahi, ma tutuni ahi ala are bahandra lomada nyaram.