La-ukei ta Pol atorou ili tiri lau badu kon Rom 2:6 - Nyindrou

⁶ Kindrei kameh, “edeu sowa iri lau mwan ma badih ari, ari in hamon ta kandriyen iri amekes.” Wari 62:12; Tanan 24:12

La-ukei ta Pol atorou ili tiri lau badu kon Rom 2:6 Referans Kwoze

2 Korin 5:10

Tasah taha tanan, hamon kameh taha marakon ales are ta mada sahou ta Krais, ma iy kameh tunuhun iri lakou marakon taha amekes bwena ndra-au. Eme, buku taha ndramekes kandriyen mwasin na bolo iri len doh, taha are ndra bada taha malen kahis, o taha mene amekes kandriyen ndra-in kahis, idah kameh taha ari, ari akohok sihine taha ili le winiya kandriyen nane taha amekes bwena ndra-au.

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Rebelesen 22:12

Eme Jises anya, “Aha marakon kanuhun! Jo kameh asahan nawin bwe. Jo kameh andrei iri ndramas ewek, ta adeu ewek taha mwan ma badih. Jo kameh edeu saluwe ndramas ili tiri mwan ma badih ari, ari ta bundruwe kandriyen iri mene amekes.

Rebelesen 20:12

Ma jo ale anyolom iri lau ndramak bwena on! Iri lau nadu batun, iri lau laleyah tiri lakou bwe, iri lau marakon doh badeh, ales are bwena ta koyeu ta kabin. Iy ndramak manyah udu bada koyeu badeh, tiye iri angelo kasihi iri buk mara-ei. Iri sihi buk ari ale, buk doh badeh, nyara iri mwan ma badih kameh winiyan akohok kohan handru ado hawe Kindrei. Kindrei badeh, anyolom bolo iri buk ma aleben kandriyen marakon tiri lau ndramak, mene amekes.

1 Korin 3:8

Are lau ta atah badeh, i buku le iy ndramak ta asolou gwa i ta buwa kei. Uru kameh akohok ndramas amwenen ta gok uru ndrabwidiy.

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.

1 Korin 4:5

Len ta sahou badeh, kahis, ya aha sasehek kandriyen tiri lau rayah ja, taha kado le katondrok len tan ta iy eme hamon ja. Iy kameh leheya iri lakou marakon aton udu bolo lulik, ma iri saba lakou udu bolo ndrine taha marakon. Ano Kindrei le ari barasehek iri kandriyen ta gok tataha ari, ari, mwasin ma ndra-in. Buku taha amekes mwasin, iy kameh tutuni nyara taha ta aliy.

La-ukei ta Pol atorou ili tiri lau badu kon Rom 14:22

Ya eme, sasah ou atehei budon tam abadok i ta aliy anya mwasin badeh, lakou ta ndrokowa ah Kindrei le. Eme ya, buku ndramak amekes ari lakou, ma ndrinen ma budon tan basehek anya lakou doh, ndra-in, bwe, iy kasekesek.

2 Korin 11:15

Eme ma, ari lakou handru bwe, buku iri lau tan ale tubuni kandriyen tiri, ma bwidi iri mwan ma badih tan asahan i buku lau mwasin ta Kindrei le ai. Hamon kameh, Kindrei aleben iri, ma iri kameh akohok maha-an in hamon ta gok nane iri amekes.

2 Timoti 4:14

Balem kudu ta Aleksandra, iy ndramak ta amekes lakou i hayen, tasah iy mene amekes ndra-in solo-an labai eme tek. Laban kameh konohei iy, ta saba lakou iy amekes.