La-ukei ta Pol atorou ili tiri lau badu kon Rom 2:4 - Nyindrou

⁴ Ya eme ou abudon anya, “Bolo tikisiy tan tinan labai, ya iy udu le abe-en lau katubuni ndrine iri, ma iy badeu ndramas ndra-in bala tiri suwi bwe. Idah kameh, jo winiyan bala bolo maha-an ta Kindrei bwe.” Sebwe ou abudon kandriyen mwasin tan doh, i buku lakou laleyah nadeh? Ya eme ou baseleyani se bwai, ta tikisiy tan badeh, ta anya katubuni ndrinem ma katiye ou ame hamon ja.

La-ukei ta Pol atorou ili tiri lau badu kon Rom 2:4 Referans Kwoze

2 Pita 3:9

Eme ya Laban badeh, bamunum ta budon tan nane iy tandrakan ta amekes bwe. Bala buku none bale taha lau ala lomondra ta aliy anya amunum kede-eh bwe. Arile, iy badeh, udu le atondrok taha, tasah iy badeh, aseken taha mari katubuni ndrine taha ta kandriyen ndra-in, ya taha sala bolo jih.

Epesus 1:18

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai.

Epesus 2:7

Iy amekes iri lakou marakon doh, ta leheya iri mwan ma badih ta len hamon, kandriyen mwasin ma tikisiy tan badeh, laba tinan labai. Ya, Krais Jises amekes ta akunoh taha ame hamon, eme ma, ta gok doh, Kindrei ndraleheyani taha, iy aso-ok iri mwan ma badih labai.

Epesus 1:7

Ya, Krais bwidi kandriyen mwasin labai ndrame tataha. Iy imek ta konohei taha ame hamon, ma ndrayen amou ta sikine kandriyen ndra-in tataha marakon.

La-ukei ta Pol atorou ili tiri lau badu kon Rom 3:25

Kindrei atehei Jises eme mada lau mari, iy imek i nyara salom ta sikine kandriyen ndra-in ta are atehei budon tan handru i ta ndrayen. Kindrei amekes doh, ta leheya iy badeh, in hamon le ta kandriyen mwasin. Tasah, ndra bwena ndra-au eme taku nadah, iri lau amekes kandriyen ndra-in, arile Kindrei amekes kandriyen amunum mara-ei ili tiri mwan ma badih marakon, ma iy badeu maha-an laba tinan suwi bala ta kandriyen ndra-in nane iri amekes bwe.

2 Pita 3:15

Ado badeh, samani Laban, iy badeh, babotatahan bwe, iy udu le abe-en taha lau marakon. Iy abe-en taha lau mari, tasah iy anya kasebenei iri lau are bolo kandriyen ndra-in ta karei ma lomondra ndra-in tiri. I buku none ado ndranuhun nadu tine to Pol mene atorou i tado na tanan ta Kindrei edeu i tan.

La-ukei ta Pol atorou ili tiri lau badu kon Rom 11:33

Handru labai, Kindrei amekes mwasin solo-an labai eme tataha mari. Lomondra tan ta aleben ndra amwenen le, Ma tanan tan badeh, ili labai. Taha winiyan batakalahei kati budon tan ta aleben bwe, Ma taha winiyan bala tanan tekedek tan bwe.

La-ukei ta Pol atorou ili tiri lau badu kon Rom 11:22

Ya eme ou none seleya se, Kindrei amekes kandriyen mwasin labai i tiri lau, arile iy ale edeu maha-an i la-u iri ma tiye sahou nyarahan ale. Iy edeu maha-an i la-u iri mene taku, arile iy amekes kandriyen mwasin ewek tam, i buku ou adek amwenen ala le bolo kandriyen mwasin tan. Bwe kameh iy kasani ou ame andri ale.

Epesus 2:4

Ya, taha amekes kandriyen ndra-in solo-an labai, ma taha a buku iri lau ndramak ta budon ta Kindrei. Arile, iy aso-ok ma tikisi taha tinan labai.

2 Pita 3:3

Arile, ma laba tinan badeh, bale ado samani lakou dah: Na len eme kameh iri lau rayah ta amekes kandriyen ndra-in kameh asahan, ma iri a-en hamon ta amekes bada iri. Iri lau doh badeh, ta bobose.

1 Pita 3:20

Iri su-u doh badeh, malawi iri lau ndra-in bwena mene iri banuhun sahou ta Kindrei bwe, kala Nowa mene amekes ndron tinan. Iri lau solo-an bala bolo ndron bwe, oro lau ma ndru la-uh le, ala bolo ndron nane doh. Oro bamak bwe, tasah gwa eme sebenei oro, bwese-ei ndron, ma ndron telebek. Arile, iri lau mari mene areu manan, amak an bolo wadah tinan.

1 Timoti 6:17

Ou batanau oro lau ala lakou toro solo-an, ta oro satudun oro ma hawe oro satehei budon toro boto-on sa-en ta lakou solo-an toro, tasah lakou doh, winiyan bado luwen bwe. Arile, oro katehei budon toro kabadok ta Kindrei. Tasah, iy badeh, lakou tan solo-an labai, ya idah kameh iy edeu eme tato kasekesek ta aliy.

Pilipai 4:19

Eme ya Kindrei tek kaweleyani ado na lakou ado aseken ta aliy i san ta Krais Jises. Tasah, iy badeh, tan lakou solo-an labai udu aliy.

Rebelesen 3:20

‘Aha ndranyolom jo! Jo ales udu kona kou, ma jo alim kou. Buku are lau, iy anuhun bohok, ma iy sihi kou, jo kameh ili bolo asiu hawen, ma aimon nyamon hawen, ma iy aimon nyamon hawek.

1 Timoti 1:16

Ta katin doh, Kindrei tikisi jo, ta Krais Jises baruwani jo bwe, eme ya iy kaleheya iy mari udu bolok, tasah jo ndramak ndra-in labai ta lau mari. Ya jo badeh, i buku none ndramak ma mwena handru ta amekes kandriyen ndra-in. Ya, i buku none iri lau ado hamon kame kanyolom, ya eme iri katehei budon tiri handru badeh, ki ta Jises, ma iri kakohok koha iri mwasin, ta bano bwe, ta kudu le buku doh.

Kolosi 1:27

Ma Kindrei anya kaleheya taha mwan ma badih tan, ta taha katanan: Sahou aton doh badeh, mwasin labai, ma winiyan aseben iri lau badu Isra-el, ma hawe taha mwan ma badih badu rakon ja ale. Ma sahou aton doh buku: Krais badeh, kohan udu bolo aha, ma aha atondrok iy keme kakohok aha kala kare kandrah hawen.

La-ukei ta Pol atorou ili tiri lau badu kon Rom 6:15

Ya taha kasehek ki buku sah bah? Taha badeh, bare bahandra batanau malen ta Moses ja bwe. Taha badeh, are bahandra tikisiy ta Kindrei labai, ma iy aloh taha lau mwasin labai ta madan. Ya, mwasin tataha ka-en hamon ta so-ok tataha le ma amekes kandriyen ndra-in? Bwe handru en!

La-ukei ta Pol atorou ili tiri lau badu kon Rom 6:1

Taha katiye ki buku sah bah? Taha kamekes karei ma lomondra ndra-in, ta Kindrei leheya tikisiy tan ili tinan le gwek ai?

Kolosi 2:2

Jo amekes gok boto-on, tasah jo aso-ok ndrine aha kabadok ma aha katukum ka-en hamon ta kandriyen ta aso-ok labai iri nadu tine aha iri mwan ma badih ta Kindrei. Jo badeh, amekes gok boto-on labai, ma idoh kameh atadau budon taha, ma aha winiyan atanan kati sahou aton handru ta Kindrei. Krais amwenen badeh, kati sahou aton.

Epesus 3:16

Ya, jo atehei bwili ndru-uk i andri, ma jo asolom i buku doh: Kindrei tan lakou solo-an labai, ma hawe iri boto-on. Eme ma, jo aso-ok iy kamekes ndrine aha kabadok na boto-on ta Malawin Ndrabun tan.

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

La-ukei ta Pol atorou ili tiri lau badu kon Rom 10:12

Tasah, iri Juwis ma hawe iri lau badu leheleh badeh, ari ndrokowa iri aliy bwe. Laban turu ma lubuk badeh, Laban le ari, iy Laban tiri mari. Ma iy edeu nyosowan solo-an mwasin i tiri mari ala aloh nyaran i san ta asolom ma ndremenya iy ta seben.

Jona 4:2

Jona eme asolom, “Laban, jo tanak, i dah kameh lakou asahan. Jo i tanak badeh udu ndra kon tek, i doh le badeh bwidiy jo mene atobwak ili Tasis. Jo tanak ou badeh, Kindrei. Ou ta leheya kandriyen ta tikisiy. Ou winiya babolosen suwi bwe. Tikisiy tam badeh tinan labai. Jo tanak, ou kameh maniy kandriyen ndra-in, ma ou winiya bamwekes maha-an bala toro bwe.”

2 Korin 8:2

Maha-an laba tinan labai asahan tiri ta none budon ma tekedek tiri. Arile, iri badeh, sekesek handru labai. Na bolo len dah badeh, tiri lakou bwe, ma iri asahan buku nadu nyohan. Arile, iri abudon iri lau ta Kindrei rayah, ma iri tukumwi luk solo-an labai, ta aseben iri lau rayah ja.

2 Pita 1:11

Ma hawe ado kameh, Laban Jises Krais, ndramak ta aseben taha kameh sekesek tado laba tinan labai udu baha tondrok tan, udu le buku doh.

Rebelesen 2:21

Jo ndratehei len ndrala tan, tasah jo aso-ok iy katubuni ndrinen ta iri kandriyen ta karei iy amekes. Arile, iy baso-ok bwe.