La-ukei ta Pol atorou ili tiri lau badu kon Rom 2:13 - Nyindrou

¹³ Tasah, are lau ndranyen anuhun le batanau malen kameh iy winiyan basahan mwasin ta mada Kindrei bwe. Arile, are lau le in hamon ta batanau malen, Kindrei kameh aloh iy mwasin labai ta madan.

La-ukei ta Pol atorou ili tiri lau badu kon Rom 2:13 Referans Kwoze

1 Jon 3:7

Wurah lomada aha naduk, mada aha kaleu tiri lau sawendreyani aha. Are ndramak, iy amekes kandriyen mwasin, iy badeh, mwasin mara-ei ta mada Kindrei, buku Krais badeh, kandriyen tan mwasin, ma iy ale mwasin mara-ei en.

La-ukei ta Pol atorou ili tiri lau badu kon Rom 2:25

I buku none ou an hamon ta batanau malen, idah kameh, kandriyen ta asan ku-im, kameh bundruwen udu aliy ai. Arile, i buku none ou ba-en hamon ta kandriyen malen bwe, idah kameh ou asahan buku ndramak basan ku-in bwe, ma ou are len ta Kindrei labai.

Galesiya 2:16

Arile ndri-iy ai, ahi tanan labai, ta Kindrei aloh ndramak mwasin mara-ei ta madan badeh, i san ta budon handru le, i ta Jises Krais; ba-en hamon ta batanau malen tiri Juwis, nane leheya kede-eh, bwe. Ma, taha Juwis ale kasahan mwasin ta mada Kindrei i san ta budon handru le in ta Krais Jises, bala san ta a-en hamon ta batanau malen bwe. Tasah, ari ndramak badeh, winiyan bamwenen ta mada Kindrei i buku iy ki-in hamon ta batanau malen asehek, bwe.

1 Jon 2:29

Aha ndratanan, Krais badeh, mwasin handru. Iy ari kandriyen ndra-in badan bwe-en. Ya, buku aha atou iri mwan ma badih rayah amekes kandriyen mwasin, aha ndratanan, iri badeh, nadu Kindrei ale.

La-ukei ta Pol atorou ili tiri lau badu kon Rom 10:5

Moses asehek kandriyen toro lau nane anya ka-en hamon ta batanau malen; buku none oro anya Kindrei kaloh oro mwasin mara-ei ta madan, Moses tiye oro badeh, kamekes ki buku doh: “Are lau le, iy in hamon ta lakou mari batanau malen asehek, iy kameh akohok kohan ha-un ta udu le buku doh.” Lebitikus 18:5

Tarou ta Luk 8:21

Eme Jises tiye i tan anya, “Tine hawe oro nadu tine handru asah oro are hawek anuhun sahou ta Kindrei, ma oro amekes lahou ta aliy dah.”

La-ukei ta Pol atorou ili tiri lau badu kon Rom 3:30

Tasah, Kindrei ari le doh kabwe. Iy le kameh anyolom kandriyen tiri lau asan ku-i iri, ma iy anyolom kandriyen tiri lau basan ku-i iri bwe; buku iri ma lubuk atehei le budon tiri handru in ta Jises imek ta sikine kandriyen ndra-in tiri, iy winiyan aloh iri ma lubuk mwasin mara-ei.

Tarou ta Luk 18:14

“Jo katiye tado kamwenen, iy Parasi, bwai, arile ndramak ta akohok luk ta takis dah kameh iu i hamon i asiu tan, ma iy kameh udu mwasin ta mada Kindrei. Eme ya i buku none, are lau atudun iy le, idah kameh, iy ari nyaran bwe, ya i buku none are lau batudun iy bwe, idah kameh nyaran i tinan.”

Galesiya 5:4

Buku aha anya ka-en hamon ta batanau malen, ya, na san doh aha abudon Kindrei winiyan aloh aha mwasin mara-ei ta madan, aha ndrandra-i kede-eh! Aha winiyan bwe! Arile, ta kandriyen doh badeh, aha ndratehei kona aha badeh, ndrala ta tikisiy ta Kindrei, ma ta kandriyen ta Jises Krais mene imek udu ta kei tondreh, ta aseben taha mwan ma badih marakon.

La-ukei ta Pol atorou ili tiri lau badu kon Rom 3:23

Tasah, taha mari badeh, ta amekes kandriyen ndra-in, ma taha asahan i le randra. Taha ataras mara-ei ta kalem mene Kindrei atehei ma taha winiyan bala bolo lomadan tan bwe.

La-ukei ta Pol atorou ili tiri lau badu kon Rom 3:20

Tasah, Kindrei atehei batanau tan eme tataha, ta leheya taha ta kandriyen ndra-in tataha i buku sah. Batanau tan le doh, winiyan bamani kandriyen ndra-in tataha bwe. Eme ma, ari ndramak winiyan basahan mwasin ta mada Kindrei na lahou iy amekes in hamon ta batanau malen, bwe.

Tarou ta Jon 13:17

Idah ado ndratanan iri lakou marakon nane doh, ya Kindrei winiyan nyosowani ado i buku ado amekes iri lakou marakon doh.

1 Korin 4:4

Tasah, jo bamekes ari lakou bwe, ma jo ale basehek anya jo ndramak mwasin bwe. Arile sahou tek le dah, baleheya jo bwe. Laban le ari badeh, tanan iri kandriyen tek marakon, ma iy winiyan asehek ma edeu jo ili ta sahou.

Jemis 1:27

Tasah, kandriyen ta lau ta Kindrei badeh, amwenen mara-ei, ma ari lomondra ndra-in bado budon ta tama taha Kindrei bwe, i buku doh: Taha badeh, kabudon ma katondrok iri nah, tama iri ma tine iri ndramak, ma hawe iri badih, udu iri ndramak, ma kaseben iri ta bwese maha-an tiri. Ya, lakou ari ale i buku doh, taha badeh, kantondrok tekedek tataha kamwenen, idah kameh kandriyen badu kon munyak winiyan baruwi taha bala bolo ndraka-an bwe.