La-ukei ta Pol atorou ili tiri lau badu kon Rom 2:12 - Nyindrou12 Iri are lau bakohok batanau malen Kindrei edeu i mine Moses bwe, i buku none iri amekes karei ma lomondra ndra-in, iri kameh bwese maha-an ta aliy. Ya, iri Juwis bwena mene, ndrakohok batanau malen Kindrei ndradeu ndra mine Moses, ya, i buku none iri amekes karei ma lomondra ndra-in, idah kameh, batanau malen le aleben iri amwenen. Gade chapit la |
Are lau oro abudon anya oro winiyan an hamon le ta batanau malen mari, eme ma Kindrei kameh sekesek ta budon toro doh, badeh kameh oro akohok andra-i na len iri ales an ta mada sahou ta Kindrei. Tasah, ari ndramak winiyan ba-en hamon ta lakou mari batanau malen tiye iy kamekes, bwe. Idoh i buku le sahou ta Kindrei ndratiye, “Are lau ba-en hamon ta lakou mari torowenei udu bolo buk ta batanau malen dah bwe, Kindrei le kameh edeu maha-an i tiri!” Dutoronomi 27:26
Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.
Tasah, taha tanan, lahou ta batanau malen badeh, ta leheya losen, ma ta adeu maha-an i la-u iri mwan ma badih amekes kandriyen ndra-in. Batanau malen winiya baseben taha bakohok tandrakan ta Kindrei bwe. Ya, buku batanau malen aliy bwe eh, iri kandriyen ndra-in ale winiyan basahan ta mada sahou bwe le.