La-ukei ta Pol atorou ili tiri lau badu kon Rom 2:10 - Nyindrou

¹⁰ Arile, Kindrei kameh edeu lomadan, masiye hawe mondrei kameh i tiri lau mari le amekes kandriyen mwasin: Ma mwena kameh i tiri Juwis, ano kameh i tiri lau badu leheleh ale.

La-ukei ta Pol atorou ili tiri lau badu kon Rom 2:10 Referans Kwoze

1 Pita 1:7

Iri maha-an doh badeh, ta none iri budon taha le. Idoh i buku none le bek nyikilikin iri aloh gol; gol doh badeh, lakou ari mwasin labai. Arile, iri asun na jih ta none gol handru deh, bwe. Ma iri budon tataha badeh, sakalawi gol nane ja. Tasah, gol kameh andra-i. Handru, budon tataha badeh, buku none gol nane, arile Kindrei badeh, baso-ok gol nane bwe. Tasah, gol badeh, lakou badu kon munyak, ma gol kameh andra-i. Arile, Kindrei aso-ok budon taha boto-on ki-in tan. Eme ma, iy ndraruwani minen sese ta la-u taha, ma iri maha-an solo-an ndrasahan taha. Idoh, ta none aha le, buku aha an hamon ta Krais deh bwe. Na len Jises eme hamon, iri lau mari badu kon munyak kameh anyolom iy. Ma, i buku none aha ndratehei budon taha boto-on in tan, iy kameh kuhi aha ala bolo nyosowan mwasin. Ma iy kameh sekesek taha handru, ma bwese-ei nyara aha ili loken handru.

Jemis 3:13

Buku rayah mwan o badih areu ndrokowa aha, budon ma tanan mwasin udu tiri, ya tekedek tiri badeh kasahan mwasin, ma iri winiyan bamekes lakou laleyah ma batudun nyara iri bwe. Ma iri mwan ma badih rayah ja kameh winiyan anyolom kandriyen mwasin iri amekes.

La-ukei ta Pol atorou ili tiri lau badu kon Rom 8:6

Ya eme buku none are lau atehei karei ma lomondra ndra-in udu budon tan labai kameh iy imek; arile, are lau atehei Malawin Ndrabun atondrok bolo budon tan mari kameh iy manyah mwasin udu le buku doh, winiya se losen bwe.

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

Tarou ta Luk 1:79

Ma anya udu kandrah eme la-u iri lau badu heh, badu heh, are bolo lulik ta imek, ma leheya san ta kati taha, eme san mwasin ta bahun bwe.”

Jemis 2:22

Aha kanyolom kamwenen. Budon hawe kandriyen ta Abraham badeh, asahan ari le. Budon tan mara-ei badeh, asahan eme lewan, in hamon le tiri kandriyen mwasin iy amekes.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

La-ukei ta Pol atorou ili tiri lau badu kon Rom 5:1

Taha ndratehei budon tataha ndra tan ma Kindrei ndraloh taha lau mwasin mara-ei ta madan. Eme ma Laban tataha Jises Krais bwidi ndrokowa Kindrei ma ndrokowa taha badeh, udu mwasin, ma iy bwidi ndrine taha kamunum kudu le hawe Kindrei.

La-ukei ta Pol atorou ili tiri lau badu kon Rom 2:9

Are lau iri le amekes kandriyen ndra-in i buku doh, idah kameh, Kindrei le edeu iri mara-ei ala bolo maha-an hawe sisi-in. Idah kameh, ili tiri Juwis bwena, ano kameh ili tiri lau badu leheleh ale;

Tarou ta Jon 16:33

Jo mene ndrasehek tado ta mondrei kudu hawe ado. Kati mondrei doh ta ado kahis hawek. Lau badu kon munyak kameh amekes iri maha-an ma tikisiy ewek tado. Arile ado kabadok! Tasah jo ndratisi boto-on ta kon munyak ndra-au ndrala bahandra katik.”

Pilipai 4:7

Eme na salom tado le, Kindrei kameh mesekei tikisiy tado iu. Arile, ado kameh winiyan bala tanan bala mwasin bwe le, aliy ado atona i buku doh. Eme ya Kindrei badeh, winiyan tawiy, ma winiyan tondrokei budon tado, tasah ado badeh, ahas hawe Krais Jises.

Galesiya 5:22

Arile, Malawin Ndrabun badeh, edeu kandriyen ta tikisiy, kandriyen ta sekesek, kandriyen ta amekes mondrei, kandriyen ta bohon bwe, kandriyen ta aseben, kandriyen mwasin hawe kandriyen ta amekes lahou mwasin ta budon tan handru,

La-ukei ta Pol atorou ili tiri lau badu kon Rom 15:13

Ya jo aseken Kindrei, ndramak ta edeu lakou mwasin, kamesekei bolo oda aha kidih na sekesek, ma hawe oda aha kudu mwasin ki-in hamon ta budon taha handru in tan. Ya eme ma budon taha kameh abadok ta anyolom bohon i bwena ta lakou mwasin na boto-on ta Malawin Ndrabun.

La-ukei ta Pol atorou ili tiri lau badu kon Rom 14:17

Tasah, tondrok ta Kindrei badeh, bala buku none kandriyen ta aimon nyamon ma a-un gwa mari, ma hawe bala buku none kandriyen ta beleben, bwe. Arile, lakou laba tinan ta tondrok ta Kindrei badeh, ndra kandriyen mwasin le, ma kandriyen ta mondrei le, ma hawe kandriyen ta sekesek le i san ta Malawin Ndrabun.

La-ukei ta Pol atorou ili tiri lau badu kon Rom 9:23

Kindrei amekes kandriyen buku doh, tasah iy anya kaleheya lakou tan solo-an labai udu bolo lomadan eme la-u taha are le mene iy tikisi taha. Taha lau mene iy lowosani taha ado buku kun tariye ka-ukon ta akohok lakou udu bolo lomadan.

La-ukei ta Pol atorou ili tiri lau badu kon Rom 9:21

Bwe, ndramak ta apon ndren badeh, winiyan apon ndren na seken tan. I buku none iy anya kapon ari kasahan kabuluw o, ki rabos ta amekes gok laleyah ta len mari, badeh na seken tan. O, buku none iy anya kapon ari ja ki tariye ka-ukon ta leheya, badeh na seken tan le.

Aposel 10:35

Arile, iy badeh, aseken lau mari badu kon munyak tinan labai, buku ndramak ari ari anoh iy, ma amekes kandriyen mwasin le.

Tarou ta Jon 12:26

Are lau iy anya kamekes gok tek, iy badeh, ki-in le hamon tek, eme ma kon heh jo udu aliy, iy kameh udu hawek ale. Buku are lau iy amekes lahou tek, tama kameh atehei lomadan tinan ili tan.”

Tarou ta Luk 22:14

Eme mada an ta aimon nyamon asahan badeh, Jises hawe oro lau tan manyah ado andri ndrahu nyamon.

Tarou ta Luk 19:42

Iy anya, “Jo badeh, aseken labai na len dah, ado katanan kandriyen ta amekes mondrei. Arile, bwai, ndramai ta mada ado ai.

Tarou ta Luk 12:37

Idah kameh, udu mwasin toro labai, tasah mada oro badeh, bamadin bwe, na len ndramak ta kati asiu asahan. Eme ya jo katiye tado kamwenen, idah kameh, iy asini awin ta lohowan tan, ano iy tiye oro manyah ado andri ano iy bwese nyamon i noro.

Tarou ta Luk 9:48

Ano iy tiye i toro, “Ya buku none ari ndramak abudon jo, ya iy aseben ari nadu nah bwisik buku nah le dah, badeh iy aseben jo. Ma are lau oro aseben jo, badeh oro aseben Kindrei iy nane suni jo eme dah. Tasah, are lau nyaran bwe udu bolo ado kameh, iy doh kameh nyaran i tinan labai.”

Metiu 10:13

Ya buku none oro lau badu asiu nane sekesek ta akohok ado, mwasin, sahou tado mwasin kudu la-u oro. Arile, buku none oro basekesek ta akohok ado bwe, mwasin, ado kakuhi sahou tado mwasin nane keme hamon ja.

1 Pita 5:4

Buku none aha amekes kandriyen doh bolo len mari, ya ndramak tinan handru ta atondrok sipsip asahan, aha kameh akohok ndramasi aha mwasin labai, i buku none le iri lau abo nyorei ta sakaliye, akohok ndramasi iri, buku none iri sakalawi iri lau mari, ma ano bwena. Ndramasi iri lau ta sakaliye doh kameh andra-i, ma amai iu, arile ndramasi aha doh badeh, winiyan bandra-i bwe-en.

Tarou ta Jon 14:27

“Mondrei jo ruwani ndrado hawe ado badeh, mondrei tek amwenen. Jo badeu bala buku kon munyak edeu bwe. Aha satikisiy, aha sabudon solo-an ma aha sanoh.

1 Timoti 1:17

Eme ya masiye ma tudun badeh, ki ta kabin ta udu le buku doh, ma hawe ki ta kabin ta winiyan ta ano bwe, ma hawe ki ta kabin taha batou iy bwe. Ki ta Kindrei le ari doh, masiye ma tudun ki tan kudu le buku doh. Handru!

Hiburu 2:7

Kindrei, ou bwidi ahi, ma ou atehei nyara ahi udu bahandra nyara iri angelo tam ta luluwen bwe. Arile na dah, ou ndramasiye ahi, ma tutuni ahi ala are bahandra lomada nyaram.