La-ukei ta Pol atorou ili tiri lau badu kon Rom 2:1 - Nyindrou

¹ Ou are lau anya ou mwasin, ya ndramak kodo-oh ndra-in; balem ki tam! Ou badeh, ari madasan ta atobwak bwe. Tasah, buku none ou anya ndramak kodo-oh ndra-in, arile kandriyen doh ou amekes, badeh ou le amekes Kindrei edeu maha-an ewek la-um.

La-ukei ta Pol atorou ili tiri lau badu kon Rom 2:1 Referans Kwoze

Tarou ta Luk 6:37

“Ou satiye kandriyen ta ndramak ari ari; ya, ou winiyan bare ta mada sahou tinan bwe; ou samekes sahou boto-on sala ta lau, ya idah kameh, Kindrei bamekes sahou boto-on bawek tam bwe. Ou mani kandriyen ndra-in tiri, ya idah kameh, Kindrei ale, mani kandriyen ndra-in tam.

La-ukei ta Pol atorou ili tiri lau badu kon Rom 2:3

Ya ou badeh, ndramak laleyah le; buku ou anya aleben iri lau rayah ja, arile ou amekes kandriyen ndra-in i le buku aliy; ou anya kameh, ou baratobwak ta bolo maha-an ta Kindrei barala buku sah?

La-ukei ta Pol atorou ili tiri lau badu kon Rom 9:20

Arile, ou saba ndramak handru, ya ou anya asehek sahou i buku badeh, ki ta Kindrei? Buku none ari ndramak kabonei ndren, ya iy kamekes kun ano, kun keme ja katiye i ta ndramak nane ta amekes iy anya, “Ou bamekes jo bamwenen bwe oh”? Aisaya 29:16; 45:9

Jemis 4:11

Aha nadu tine mwan ma badih ta Kindrei, aha badeh, saluhe iri lau ta Kindrei. Are mwan o badih, iy aluhe o asehek nadu tinen iri rayah ja, iy badeh, aluhe batanau amwenen. I buku aha orou sahou i ta batanau, ou badeh, bado bahandra batanau ja bwe, tasah ou ndrasahan buku ndramak ta anuhun sahou, ma ou asehek i bada batanau amwenen.

Jemis 2:20

Ou lolo-ou ndramak, buku ou atehei budon tam le in ta Kindrei, ya ou bamekes kandriyen mwasin Kindrei aso-ok ja bwe, budon tam badeh, ari moson bwe. Sebwe ou anya atanam le ta kati sahou dah nadeh? Mwasin ta ou anuhun sahou badu bolo buk ndrabun asehek i buku doh:

Tarou ta Luk 19:22

“Eme kabin tiye i tan anya, ‘Ou lohowan ndra-in! Jo kameh edeu maha-an ewek tam in hamon ta sahou tam. Ou tanam jo badeh, ndramak ta losen. Jo akohok lakou laleyah ma akohok lakou badu bwisi limek, jo atah bwe.

1 Korin 7:16

Ou badih, ou abudon lakou doh kamwenen: Sebwe udum kameh winiyan asahan mwan mwasin ta Kindrei, tasah ta kandriyen tam le. Ya ou mwan ale, ou abudon lakou doh kamwenen: Sebwe udum kameh winiyan asahan badih mwasin ta Kindrei, tasah ta iri kandriyen tam le.

Tarou ta Luk 12:14

Eme Jises tiye i tan i buku doh, “Ou den, are lau tiye tam anya, jo kanuhun sahou ta apou lakou ta tama ah, ki ta ah nadu tinem?”

La-ukei ta Pol atorou ili tiri lau badu kon Rom 2:2

Taha ndratanan, mada sahou ta Kindrei badeh, amwenen labai. Iy aleben lau in hamon ta sahou tan handru.

La-ukei ta Pol atorou ili tiri lau badu kon Rom 3:9

Sendrehendreh ta aliy taha kasehek ki buku sah bah? Sebwe taha lau badu Juwis badeh, are mwasin labai ja tiri lau mwan ma badih rayah ja nadeh? Bwe handru en! Tasah, taha mene ndrasehek, iri Juwis hawe iri lau badu leheleh mari badeh, ado bahandra tondrok ta kandriyen ndra-in mari.

La-ukei ta Pol atorou ili tiri lau badu kon Rom 14:22

Ya eme, sasah ou atehei budon tam abadok i ta aliy anya mwasin badeh, lakou ta ndrokowa ah Kindrei le. Eme ya, buku ndramak amekes ari lakou, ma ndrinen ma budon tan basehek anya lakou doh, ndra-in, bwe, iy kasekesek.

1 Korin 4:5

Len ta sahou badeh, kahis, ya aha sasehek kandriyen tiri lau rayah ja, taha kado le katondrok len tan ta iy eme hamon ja. Iy kameh leheya iri lakou marakon aton udu bolo lulik, ma iri saba lakou udu bolo ndrine taha marakon. Ano Kindrei le ari barasehek iri kandriyen ta gok tataha ari, ari, mwasin ma ndra-in. Buku taha amekes mwasin, iy kameh tutuni nyara taha ta aliy.